冬日非自駕沖繩遊 Day5 (那霸機場有咩好買?)


Day4我地去左恩納的resort嘆番晚,
連結->冬日非自駕沖繩遊 Resort篇 (Kafuu Resort Fuchaku Condo Hotel)
仲食左好正的元祖海葡萄同埋琉球の牛。
連結->冬日非自駕沖繩遊 Day4b (恩納必食餐廳,海葡萄蓋飯,琉球之牛)

我地朝早係resort食完個日式自助早餐就check out離開了,連結->冬日非自駕沖繩遊 Resort篇 (Kafuu Resort Fuchaku Condo Hotel)

今日天氣好似幾好,真係唔捨得離開呢度呀!

然後我地就搭resort的shuttle去附近的Hotel Moon Beach,
個度有利木津巴士搭,搭1個鐘就去到機場
路線係Hotel Moon Beach->那霸巴士總站->國內線旅客航廈->那霸機場國際線旅客航廈
我地會係國內線落,
因為國內線有好多手信賣,

國際線個邊關內關外都無乜商店。

我地早到左Hotel Moon Beach,呢間酒店都好大,好多位比旅客坐。

都好有度假的感覺!

時間充裕,於是乎我就周圍行下,
發現酒店大堂的view都非常之正,
坐係度嘆番杯野飲就真係一流啦!

呢間酒店起係海灘隔離,
所以有條小路通去海灘。

好有椰林樹影,水清沙幼的感覺!


早知我地就早D起身黎呢個沙灘玩陣先啦,
可惜我地夠鐘搭車走了!

---------------------------------------


到左那霸機場國內線
上一層到2樓,就係一堆手信的鋪頭!
(我地掛住買野都唔記得影下周圍的環境添)
以下係我地係國內線買左的手信~

Beniimo Crunch 沖繩縣產紅芋甘脆朱古力,
呢個朱古力脆脆係幾好食,
紫薯味夠突出。


Mango crunch 宮古島產芒果甘脆朱古力,
芒果味唔夠紫薯味咁好食,
但買黎做手信都係唔錯的!
每盒648円,兩盒1,296円連稅。

Edelweiss Okinawa的沖縄島果のしずく – 紅芋フィナンシェ
20件,1,782円連稅,
呢個係紫薯味的法式小蛋糕,
當時行到一個檔攤的時候,
售貨員好熱情地開唔同的零食比我地試,
當我地一試到呢個紫薯味蛋糕仔,
就立即決定買番香港!
紫薯味非常濃郁,蛋糕的口感又恰到好處,
一口氣食3包先滿足,
我覺得呢個係沖繩最好食的紫薯味手信,
而御菓子御殿的紫薯Tart係排第2!

Okinawa Shurijo Baked Chocolat,
我地買呢位野主要因為包裝印住首里城,
派手信的時候就個個都知我去左沖繩啦lol
呢個雖然話係朱古力,
但其實都係黑糖的製品黎,
口感粉粉地,黑糖味較突出。


我地見到呢個Ishigaki 石垣牛的包裝好吸引,
但係我地唔識日文,
拎上手好輕,
於是我地就買黎試下。

打開。。。其實係薯片黎!!
原來包裝上的ステーキせんべい,
意思係牛扒味的米片。。。
張圖簡直係呃左我呢D唔識日文的遊客。
網上見到有位台灣blogger以為呢個真係石垣牛黎,
佢驚買左入唔到台灣境,所以無買到,
佢真係好彩無買到,如果唔係會令佢失望啦!
珍珍的牛仔片會比佢更加好食呀。

首里城朱古力&石垣牛味米片,加埋1,728円連稅。

Royce的ロイズ石垣島 紅いもクランチチョコレート,
702円一盒,我地買左2盒,總共1,404円連稅。
紫薯味的朱古力脆脆,
呢個比頭先個個紫薯味脆脆更加甜更加朱古力。


Dydo的さんぴん茶,
さんぴん茶係茉莉花茶(香片)的一種,
而沖繩獨有的さんぴん茶係用半發酵的制作方式,
味道比我地飲開的香片淡。

我地係沖繩成日都見到Blue Seal的雪糕店,
但係天寒地凍,
真係唔係好想食雪糕,
我地臨走就係機場買黎試下,
分別買左紫薯同沖繩鹽餅味~
每盒237円,兩盒474円連稅。

為食的男友仲係Lawson買左雞串燒,127円。

仲買左可樂餅!!80円。

----------------------------------------
食完D小食我地就去國際線啦,
國際線係格離的building,
行一小段路就到。
國際線的離境大堂非常細,
好多旅客準備離開沖繩,
我地排左好耐先可以check in寄存到行李。

國際線禁區入面都好細,
可以話係一眼望哂,
但都有幾間鋪頭&餐廳係度,


賣藥妝的鋪頭,
價格都比出面貴。

賣手信的鋪頭&餐廳。

DFS免稅店,呢度有Royce賣,種類都幾多。

 

Royce的ロイズ石垣島生チョコレートS [パッションフルーツ&シークヮーサー],
450円,
熱情果&扁實檸檬味
扁實檸檬係原產於沖繩同埋台灣,
係好低糖粉&非常酸的。
而呢個熱情果&扁實檸檬味的朱古力,
味道係酸酸甜甜咁,幾特別。

 

Royce的ロイズ石垣島 生チョコレートS [マンゴー],
450円,
芒果味的生朱古力,
食落唔似芒果味,味道好古怪,
但男友覺得呢隻味唔錯。

Royce的ロイズ石垣島 生チョコレートS [黒糖],
450円,
黑糖味的生朱古力,
我覺得黑糖味係3款口味中最好味的,
佢唔甜的,反而係有黑糖的甘味。
(我本身鍾意食黑朱古力)

Royce的ロイズ石垣島 ポテトチップチョコレート [石垣の塩],
720円,
石垣島鹽味朱古力薯片,
同Royce原味朱古力薯片係差唔多,
唔同之處係咸D,(但又唔係特別咸)
而且包裝靚D。


牛奶味生朱古力&白古力味生朱古力

苦味生朱古力。
原來我地買左咁多朱古力食,
呢3種味都係大盒D,720円一盒。
日本必買的Cle de Peau,
Correcting Cream Veil 6,000円。

小贈品!

想知我地係御菓子御殿買左咩手信,
都可以睇番冬日非自駕沖繩遊 Day2b (Local Tour,美麗海水族館,御菓子御殿)

我地上機的時候竟然落大雨,
好彩我地旅行的時候天氣都無咁差。


3萬呎高空下望落去盡是烏雲。


飛日本的飛機餐都好食D。

當然都有哈根大師雪糕食啦。

仲睇到日落添~
沖繩之旅就完結啦。

BTW,我地等行李的時候,
發現漏左部相機係飛機度!!!
想知最後我地最後點算好?請睇漏野係飛機點算好? 點去機場3PC036室?

下篇同大家講下係沖繩仲買左乜啦 :P

---------------------------------------

想收到個blog最新update
記得like Facebook Page https://www.facebook.com/fatbjai.travel/

其他文章:
冬日非自駕沖繩遊 酒店篇 (DoubleTree by Hilton Hotel Naha)
冬日非自駕沖繩遊 Resort篇 (Kafuu Resort Fuchaku Condo Hotel)
冬日非自駕沖繩遊 Day1a (內附5日行程,港龍)
冬日非自駕沖繩遊 Day1b (Naha Main Place,屋台村,第1日就唔見野?)
冬日非自駕沖繩遊 Day2a (Local Tour,古宇利島,屋我地大橋,備瀨福木林道)
冬日非自駕沖繩遊 Day2b (Local Tour,美麗海水族館,御菓子御殿)
冬日非自駕沖繩遊 Day2c (Local Tour,萬座毛,掛上英殖香港旗的餐廳?)
冬日非自駕沖繩遊 Day3a (浮潛, 慶良間諸島)
冬日非自駕沖繩遊 Day3b (第一牧志公設市場,國際通,沖繩料理)
冬日非自駕沖繩遊 Day4a (首里城,那霸去恩納,利木津巴士)
冬日非自駕沖繩遊 Day4b (恩納必食餐廳,海葡萄蓋飯,琉球之牛)
冬日非自駕沖繩遊 Day5 (那霸機場有咩好買?)

Posted in 日本 | Leave a comment

冬日非自駕沖繩遊 Resort篇 (Kafuu Resort Fuchaku Condo Hotel)

黎到沖繩咁陽光與海灘的地方,
緊係要住resort嘆下啦,
我地係Expedia book左17/1住Kafuu Resort Fuchaku Condo Hotel,
房型係Premium Suite in Condo Building,
(間resort有3個building,
分別係Hotel Building, Condominium Building同Annex Building,
我地唔理有咩功能上的分別,
剩係睇邊個的景觀最佳,
而Condo Building 係resort的中間,
望到的景係最開揚)
另外,會有Free Parking同埋Breakfast Buffet。
當時用左app book,有8折,最後價錢連稅係HKD$1,804.48。

我地頭3日都係住係那霸的DoubleTree by Hilton Hotel Naha
連結->冬日非自駕沖繩遊 酒店篇 (DoubleTree by Hilton Hotel Naha)
我地係搭利木津巴士去恩納的Hotel Moon Beach度落,
連結->冬日非自駕沖繩遊 Day4a (首里城,那霸去恩納,利木津巴士)

到左Hotel Moon Beach,就有車接我地去resort到。


非自駕的你地都唔洗擔心唔知點去間resort啦。


大約5分鐘的車程就去到resort啦!


Resort的大堂都充滿度假風。


酒店的走廊,令我諗起宿營的campsite。


一打開房門就有個玄關位,
可以比客人除鞋入內。
(酒店的staff都會除鞋先至入黎架)

 


入左屋內,右手面就係睡房的門口

門口放左部Panasonic 的加濕空氣清淨機,
都係第一次住酒店會有部空氣清新機!


張床好闊,係兩張床拍埋一齊。

足夠我地放哂D戰利品上床 haha。


睡房的對面的浴室。


浴室的左面係沖涼的位置,右面係廁所。


日用品一應俱全。

甚至連護膚套裝的sample都有,包括有卸妝油、洗面膏、爽膚水&保濕面霜,
唔洗擔心旅行會唔記得帶護膚品啦。


沖涼的位置好大呀!


有浴缸之餘,仲有企係度沖涼的位置。


浴缸的設計同平時打直的浴缸好唔同,
好似係專比兩個人同時係度浸浴。


另一邊就係廁所啦。


廁所後面整左個小屏風,有D燈光射出黎,好有格調。


呢個就係大廳啦!

不得不提,書枱上有部Panasonic 的離子蒸汽美容器,
未試過住酒店會有部蒸面機,
真係令我感到好驚喜!

另一邊係飯枱&Pantry。

有部NESCAFÉ Dolce Gusto的咖啡機同capsules。

 


有微波爐同雪櫃。
竟然有微波爐!

連洗衣機都有,因為呢棟Condo Building係for long stay的,
我地諗住玩下部洗衣機(但其實我地聽日就番香港),
可惜部洗衣機壞左,
酒店staff上黎試過都搞佢唔掂,
算我地唔好彩啦。


Pantry旁有個膠桶仔,
放左好多清潔用品,包括洗潔精、白潔布、洗衣粉等等,
真係非常貼心。


終於黎到房間的重頭戲,
露台….對住的沖繩海景!


雖然今日天氣唔係十分靚,
但個海都依然係咁藍咁綠。


露台的右面望出去的景色。

露台的左面望出去的景色,
雖然我地間房唔係完全置中,
但都係接近中間的位置。


露台有張枱,兩張櫈比我地坐係度嘆靚景。

真係好想每日起身都望住呢個藍綠的海。


就算坐係客廳的梳化都清楚見到出面綠油油的海 (真係好綠架!)

傍晚時分,呢度的景色都依然十分醉人。

第二朝起身的景色,
今日的天氣超級好呀。

---------------------------------------
除左無敵大海景之外,
呢間酒店特別之處係有好多儀器&用品供租用,
而且酒店staff仲會拎到上酒店房比你添!


呢本Support Item就係本catalog啦。

有唔同的分類,包括有Living, Sleep, Bath, Kitchen, Beauty & health, Baby & priority, Outdoor living, Toys, 同埋 Selection items。

等我係咁咦影幾頁比大家睇下有咩借啦!

呢頁係Living,

有charger、加濕器、除濕器、空氣清新機,

連款式都有得揀。

呢頁係Bath,係要收費的,

有沖涼的浴鹽、Aromatherapy的淋浴set。

呢頁係Kitchen,

有電飯煲、焗爐。

電飯煲竟然都有3款揀!

呢頁係Beauty & health,

有按摩器、健身器材、瑜伽用品。

呢幾頁係Toys,

有PS3,Wii,棋、層層疊、啤牌、Uno、圖畫書。

 

等我同大家分享下我地借左D乜啦!

蒸氣眼罩,
有D蒸氣噴出黎蒸你對眼。

Wii,Staff比左兩隻Game我地玩,
一隻係星之卡比,另一隻係沙錘打拍子的game 《Samba de Amigo》。

大概係咁玩嘅

腳部按摩器

擦鞋套裝,包括有鞋油、鞋刷、鞋布。

唔覺唔覺我地都借左4樣野,
用完放番係房,
Staff執房的時候就會收番架啦。

--------------------------------------


酒店附近都有唔少好西食,
我地食左元祖海葡萄同埋琉球の牛。
連結->冬日非自駕沖繩遊 Day4b (恩納必食餐廳,海葡萄蓋飯,琉球之牛)

我地日頭唔記得左幫resort影相,
反而夜晚番酒店的時候有影到。

食完晚飯行番resort其實都幾有feel架。

終於行到番黎啦。
---------------------------------------

Resort係包埋早餐的,
有西式自助早餐同日式自助早餐揀,
兩間餐廳都係唔同的building。

呢張早餐券都幾貼心,
如果你趕唔切食早餐,
仲可以係下午3點前,用呢張券係指定3間餐廳當2,000円用,
岩哂旅行唔願早起身的人。

但我今日就check out啦,
我地就揀左去Annex Building食日式自助早餐!


其實我地接近10點先去到餐廳,
所以D食物選擇得番唔多,
事關我地都用左大約10分鐘搵間餐廳,
原來間餐廳係格離building的頂樓。

D野食果然都係日式架

溫泉蛋都有

我地揀日式早餐,除左因為西式早餐食得太多之外,
仲因為呢度有牛肉壽喜燒火鍋

每個座位都有個細細的爐。

而且仲望住個無敵大海景食早餐添!

以前我覺得lunch打邊爐都幾瘋狂,
而家早餐打邊爐真係諗都未諗過!

食D甜點為呢個美味的早餐劃上完美的句號啦!

 

總括黎講,
呢個Resort除左可以飽覽到沖繩靚靚的大海之外,
而且有好多驚喜,包括大量物品比你借、一應俱全的酒店用品、牛肉火鍋早餐等等!
另外,非自駕的你地黎呢間酒店都好方便,
有巴士由機場黎到恩納,再由Resort的專車接送。
好推介有D Budget的你地黎呢間Resort嘆下。

想收到個blog最新update
記得like Facebook Page https://www.facebook.com/fatbjai.travel/

 

其他文章:
冬日非自駕沖繩遊 酒店篇 (DoubleTree by Hilton Hotel Naha)
冬日非自駕沖繩遊 Resort篇 (Kafuu Resort Fuchaku Condo Hotel)
冬日非自駕沖繩遊 Day1a (內附5日行程,港龍)
冬日非自駕沖繩遊 Day1b (Naha Main Place,屋台村,第1日就唔見野?)
冬日非自駕沖繩遊 Day2a (Local Tour,古宇利島,屋我地大橋,備瀨福木林道)
冬日非自駕沖繩遊 Day2b (Local Tour,美麗海水族館,御菓子御殿)
冬日非自駕沖繩遊 Day2c (Local Tour,萬座毛,掛上英殖香港旗的餐廳?)
冬日非自駕沖繩遊 Day3a (浮潛, 慶良間諸島)
冬日非自駕沖繩遊 Day3b (第一牧志公設市場,國際通,沖繩料理)
冬日非自駕沖繩遊 Day4a (首里城,那霸去恩納,利木津巴士)
冬日非自駕沖繩遊 Day4b (恩納必食餐廳,海葡萄蓋飯,琉球之牛)
冬日非自駕沖繩遊 Day5 (那霸機場有咩好買?)

Posted in 日本 | Leave a comment

冬日非自駕沖繩遊 Day4b (恩納必食餐廳,海葡萄蓋飯,琉球之牛)

上一篇講到我地去完首里城,然後搭利木津巴士到恩納的Hotel Moon Beach,
請睇冬日非自駕沖繩遊 Day4a (首里城,那霸去恩納,利木津巴士)


然後resort有架Van仔接我地去Kafuu Resort Fuchaku Condo Hotel!

其實距離好近,坐5分鐘左右就到架啦。

Resort的lobby好度假feel


我地間房有個露台,
對住個好藍好綠的大海,
下篇我先再向大家詳細介紹間resort!
我地瘋狂影左成百張相就終於出去食lunch啦。

-----------------------------------


我地會去元祖海葡萄食海葡萄蓋飯!
但我地酒店去個度有段距離,
所以我地選擇搭的士去,
今次係我地第一次係日本搭的士啊!!
我地係酒店門口上左架的士,
司機係一位老伯伯 (已經退休的年齡),
佢非常熱情地同我地傾計,
雖然佢D英文唔係好流暢,
但都大約明白佢講乜,
我地大概都係傾下黎自邊度、去左咩景點玩。

到左元祖海葡萄
的士搭左1,460円 (都要一舊水港紙)
落車的時候老伯伯問我地會食幾耐,
因為佢會等埋我地,送我地番酒店!
OMG 我地原本仲擔心唔知點樣係餐廳截的士番酒店,
估唔到佢會特登等我地食完野,車埋我地走!


元祖海ぶどう 本店 (元祖海葡萄 總站)
地址:904-0411 沖繩縣 恩納村 恩納6092-1
營業時間11:00 – 22:00 (點餐至21:30)
定休日:星期二
電話號碼
098-966-2588


黎到已經係3點半,
所以間餐廳係無其他食客,
我地簡直係包左場咁呀。

餐廳都有少量的卡位。

我地點左一人一杯野飲。


沖繩香檬沙瓦,380円
沙瓦(サワー),原來係Sour,係Cocktail的一種,係用酸味的果汁、甜味的糖漿,加少量酒精混合成的野飲。

芭樂沙瓦,380円
芭樂即係番石榴。


餐廳都貼滿左好多poster


而且仲掛滿左名人的簽名添!

可惜我對日本的名人都唔係好熟悉,都認唔出D簽名係邊個人。

呢間餐廳必食的海葡萄套餐,2,100円,
包括有迷你版海葡萄蓋飯、迷你沖繩麵、炒苦瓜、豬耳、花生豆腐、同埋清燉豬腳,
我地兩個都叫左同一set。

一次過滿足哂6個願望呀!

迷你版海葡萄蓋飯,
面頭除左鋪滿海葡萄之外,
仲有海膽同埋三文魚子,
白色個D係山藥汁。
店員仲比左支檬檬醋我地加落飯度食。
海葡萄、海膽同埋三文魚子都唔腥架!


迷你沖繩麵,入面仲有塊豬肉同埋魚片。
豬耳、炒苦瓜、花生豆腐、同埋清燉豬腳,
除左炒苦瓜我接受唔到D苦味之外,
另外3碟餸都好岩我胃口,
豬腳係最好食的,有少少肥膏係入面,有D骨膠元的膠質感覺,肉同骨都燉到一咬就會分離,唔會痴埋一齊咁難咬。

總共埋單係5,356円,
簡直食到捧住個肚走,大家黎沖繩都要試下!

我地行去餐廳旁的泊車位,
老伯伯已經泊定係度等我地!
佢仲比左好幾張景點的leaflet比我地睇,
例如美麗海水族館,古宇利島等等 (咁岩大部分我地都已經去左haha)
佢仲問我地走的時候洗唔洗搭的士去機場 (佢實在太貼心了吧!)
可惜我地已經plan左搭利木津巴士去機場,
而且由恩納搭去機場的的士費實在太貴啦,
旅程遇到咁好人的司機真係一個好好的回憶,
為沖繩留下美好的印象!

最後我地回程都搭左1,500円,
(為左食海葡萄蓋飯就用左每人大約HKD$100交通費了,但遇到咁好的司機實在值得,而且整條路線都欣賞到沖繩靚靚的海景)。

----------------------------------
我地番酒店玩左陣 (下篇blog詳細介紹酒店有咩玩),
又訓左一陣,
我地差唔多9點先出去食野。


我地今晚會食琉球の牛
由酒店出發,大約行10分鐘就到。

琉球の牛 恩納店
地址:904-0414 沖縄県国頭郡恩納村 前兼久909−2
午餐時段11:00 – 16:30 (點餐至15:30) / 不定期休息 / 可以預訂
晚餐時段17:00 – 23:30 (點餐至23:00) / 全年無休 / 不能預訂
電話號碼098-965-2233


餐廳需要除鞋入去,
D 鞋就放係locker入面,
呢個木牌就係locker的鎖匙啦,
令我諗起係首里城嘆茶個個locker,詳睇冬日非自駕沖繩遊 Day4a (首里城,那霸去恩納,利木津巴士)


入座後就用平板電腦睇menu,
但都需要用人手去點餐架。


首先黎左兩杯飲品,
我飲可爾必思(カルピス)
男友飲可樂,
各300円。

琉球の牛的特別之處係在於用炭火的燒烤壚
而個燒烤壚有埋抽油煙的功能,
唔會食到煙霧瀰漫,成身燒烤味。
燒野食咁熱氣,
所以叫番碟沙律打個底,680円
呢個係海葡萄海藻沙律,
好似唔及今日的海葡萄蓋飯D海葡萄多。

上等牛五花肉,1,980円
入口即溶的感覺好正!

頂級縣產和牛沙朗厚切(100克),6,000円,大約為HK$415!


厚切沙朗牛原來本身已經切左粒,
唔洗擔心咁大塊會燒唔熟。
呢個的口感同味道係咁多碟肉入面最正的,男朋友覺得呢個厚切沙朗牛係必點的!

島豬Agu五花肉(配生菜&醬),1,180円

D肉普通D,但包埋生菜同辣醬又幾特別。

頂級縣產和牛里肌肉,4,000円
好juicy,但係竟然無價錢平一半的上等牛五花肉咁易入口,相對黎講,呢個的口感比五花肉韌d。

見到都好想再去食呀!

燒野食的過程都無煙霧瀰漫,環境好舒服。
我地總共食左15,594円,大約一千蚊港紙鬆D。

---------------------------------

大約晚上10:45,我地終於番到酒店啦!

想收到個blog最新update
記得like Facebook Page https://www.facebook.com/fatbjai.travel/

 

 

其他文章:
冬日非自駕沖繩遊 酒店篇 (DoubleTree by Hilton Hotel Naha)
冬日非自駕沖繩遊 Resort篇 (Kafuu Resort Fuchaku Condo Hotel)
冬日非自駕沖繩遊 Day1a (內附5日行程,港龍)
冬日非自駕沖繩遊 Day1b (Naha Main Place,屋台村,第1日就唔見野?)
冬日非自駕沖繩遊 Day2a (Local Tour,古宇利島,屋我地大橋,備瀨福木林道)
冬日非自駕沖繩遊 Day2b (Local Tour,美麗海水族館,御菓子御殿)
冬日非自駕沖繩遊 Day2c (Local Tour,萬座毛,掛上英殖香港旗的餐廳?)
冬日非自駕沖繩遊 Day3a (浮潛, 慶良間諸島)
冬日非自駕沖繩遊 Day3b (第一牧志公設市場,國際通,沖繩料理)
冬日非自駕沖繩遊 Day4a (首里城,那霸去恩納,利木津巴士)
冬日非自駕沖繩遊 Day4b (恩納必食餐廳,海葡萄蓋飯,琉球之牛)
冬日非自駕沖繩遊 Day5 (那霸機場有咩好買?)

Posted in 日本 | Tagged | Leave a comment