U Beauty 美容網站
 
 
 
[送禮+分享] 小店藥妝尋寶記 ❤ 銅鑼灣樓上小店環薈
上次分享在樓上小店環薈找到的Fashion小物,今次就到Skincare同化妝品喇! 環薈有多款日本、泰國和英國等的人氣美容護膚品,好似DHC與Sanrio、Disney聯手推出的卸妝油和潤唇膏, 忡有Burt’s Bees 出名牌子添, 都可以在這裡買得到! 日本DHC Sanrio十週年版深層潔面油、DHC Suncut Q10 Ex防曬乳液50+、愛麗斯限量版洗面油等等,我都曾經因爲想入手這些限定商品而週圍搵~現在不用那麼煩,可以搵環薈幫手, 上去佢地網址就一目了然啦! 泰國熱賣的護膚品及彩妝用品,Beauty Cottage就是我喜愛的品牌之一,我也用過這品牌的香水膏⋯之前還特地拜託同事外遊時幫我買,原來在這裡可以輕易買到呢! 還有Beauty Cottage的白草莓提亮睡眠面膜、Silk Cocoon 潔面蠶絲皂等都是護膚好物!Srichand控油透亮蜜粉也是遊泰國必買的手信之一,是女生的定妝好幫手~ 而泰國人氣品牌Beauty Buffet的LANSLEY ROYAL GOLD CAVIAR Day & Night Treatment也是店主力推的日夜霜,皇家金魚子醬日與夜面霜含蛋白和膠原蛋白和維生素B,有助減淡細紋、皺紋,煥發年輕肌。   美國ecoTOOLS多功能化妝掃套裝 美國化妝品論壇 MUA一致好評,全球銷售量達到幾千萬套的ecoTOOLS化妝掃套裝,質量可媲美各大歐美大化妝品牌,被化妝達人評價為「最超值好用的化妝刷」。 ecoTOOLS採用優質天然竹子柄及高級纖細纖維毛化妝掃,配環保麻布套,方便清潔整齊! 我就覺得這款ecoTOOLS 浪漫系統化妝掃更為吸引!掃上印了粉紅的花花pattern~ 好pink pink!送給朋友也很實用呢~
文青不能在深圳錯過既小秘點
大家應該好奇怪,點解筆者今次介紹既地方竟然係深圳, 仲要同文青拉上關係... 一般人上深圳不外乎揼骨,食野....... 對於上深圳十隻手指都數得晒既我同大家既唸法一樣... 但咁唸既我地就大錯特錯啦, 因為今次筆者帶大家去既地方絕對令您 唔知道自己係深圳定係台灣... 事不宜遲,即刻出發.....岩晒啲無時間去旅行但又想近近地玩番日既您同我..... 今次真係好感謝兩位住係深圳既好朋友當我既人肉指南針,而且十分照顧我, 真正明白到出外靠朋友既道理..... 今次我地會經落馬洲到福田口岸,因為福田口岸比較近我地去既地方, 而羅湖個邊就比較接近舊區........但提醒大家.... 落馬洲晚上10點就會關閘........ 對於第一次係落馬洲落車既我係比較好奇啲...... 經過埋啲條長電梯,將係一河之隔既我終於黎到福田口岸啦..... 好.....文青之旅正式出發....... 第一站我地會去一個大型商場.....COCOPARK.... 裡面既一間大型書店+COFFEE SHOP .... 今次去既地方全部地鐵都去得到,放心啦..... 我個兩位朋友仲幫我預備埋儲值咭,如果大家仲會去,不坊都買番張, 同我地既八達通一樣.....
西班牙5星級的 Hotel Spa
一提起歐洲旅行,你必定想起到各大名店購物,甚至乎一早 check 定最新手袋的款式及型號,再 check 埋香港專門店的售價。 每個人生活方式、喜好、品味都不同,近年已戒掉以前瘋狂購物的習慣,唔知係唔係年紀大了,反而喜歡到歐洲旅行時,像歐洲人般,到法國葡萄園逛逛、坐在 古堡酒店花園或小鎮街頭 cafe 休息 上個月到西班牙,有機會到一間5星級 Hotel 的 Spa....take time to pamper yourself & relax !!! La Florida酒店位於 Barcelona 的山頂 Let’s go inside !!! 酒店 Spa 內的 reception 走進Spa 房內,柔和的燈光及設計,讓客人靜靜的體會著難得的寧靜。 Spa 房內
♥ 肌膚像水煮蛋一樣彈滑SK-II R.N.A.POWER立體緊緻系列及磁力微振導入儀 ♥
最近追看了日劇精靈守護者2,迷上了主角--使用短槍的女保鏢巴爾莎, (由氣質女神綾瀨遙演繹)。她正是令人眼前一亮的SK-II代言人。   「時間不斷流逝,  25歲過後, 時間過得更快, 但肌膚竟然變得更好!」   這是日本氣質女神綾瀨遙的感性分享。儘管之前拍攝行程十分忙碌,   綾瀨遙的肌膚卻依然彈潤,看起來和25歲時沒有什麼分別。 逆齡美肌的秘密就是R.N.A.立體緊緻精華霜以及「磁力微振導入儀」, 超快速三倍滲透力,幫助R.N.A.立體緊緻精華霜中的「R.N.A.複方」 直達肌膚底層,縱向撫平細紋、橫向收細毛孔。儘管演藝工作行程緊湊, 依然隨時在任何角度、表情都呈現全方位縱橫緊緻的#雞彈肌。   綾瀨遙興奮表示:   「從現在到未來,我的肌膚就像水煮蛋一樣彈潤,10年後也不擔心!」   好羨慕呢! Joyce每天都在學習和成長中,吸收知識來充實自己的同時,   不忘扮靚! 期望要好好留住青春,留住自信!   SK-II R.N.A.POWER立體緊緻系列及磁力微振導入儀 磁力微振導入儀   為提升護膚效果,SK-II於9月1日推出全球首支「磁力微振導入儀」,   為其抗老巔峰科技昇級 R.N.A.Power 注入全新能量!
【Invisalign 隱適美】 箍牙資料搜集篇+ 康齒堂新手上路篇
Invisalign 隱適美資料搜集篇: 其實幾年前已經好想箍牙,但係自己懶懶閒;另一方面就係讀緊書冇收入,箍牙大大話話都要用幾萬蚊,所以拖左一年又一年。但係聽好多人講,箍牙真係愈早愈好,一拖就會永無止境。所以,早排終於的起心肝儲錢、問屋企人夾資、做資料搜集去箍牙。 咁多個過程,我認為資料搜集依個環節最重要、最花時間同埋最攰。 當時我都用左個幾月做資料搜集同埋搵唔同醫生consult,先揀好邊間診所,邊個醫生去做隱適美。所以我就分享下個人經驗同遇到嘅困難俾大家參考下。 本人一共搵左三個醫生做隱適美箍牙嘅consult, 包括:長沙灣趙醫生、朗豪坊41樓、 火炭康齒堂游醫生。 1.長沙灣趙醫生 價錢: (免費consult) / 唔剝牙 $38000 /剝牙$48000 有人介紹減$3000 一次過俾晒錢再減$3000 優點: 白金級隱適美牙醫(代表做過好多隱適美個案)、出名 基本上,一google 隱適美就會彈出趙醫生個名,可見佢有幾出名 缺點: 超級多客,多人到waiting room嘅位爆晒位都冇得坐 等待時間極長,就算約左時間最少都要等45分鐘先見到醫生 我約左時間去趙醫生到做consult等左一個鐘先見到醫生,但醫生同我講左5分鐘都冇就走左。 感覺上,佢真係太忙,分身不暇,但仲係不停咁收新客。 之後我聽返d牙醫姑娘講,原來趙醫生有一樣野好自豪,就係可以5分鐘睇完一個客。 我相信趙醫生係好醫生黎嘅,但真係太多客,太忙,所以變到做野好急,每個客得到嘅時間都係好少。 另一方面,隱適美大大話話都要搞成兩至三年,如果每次覆診見醫生都要等咁耐,跟住見醫生又冇時間問問題,咁樣都幾難搞。 所以我冇揀到佢。 2. 朗X坊41樓 價錢: (免費consult) /唔剝牙$38000/剝牙$45000 優點: 服務態度好、環境好 (因為間診所係dx reborn集團嘅診所) 缺點: 超級、極度hard sell 可能因為間診所係dx reborn集團嘅診所,所以個診所經理超級chur 佢會周不時就whats app你考慮好未,俾得錢未, 你話未得,佢就會成日作優惠到期架啦,你再唔俾錢就好,令到人好反感 同埋個價錢好海鮮,任佢作,有時佢同我講$45000,本來話減$2000俾我,跟住轉個頭又話其實係$1000,感覺好黑店 3. 火炭康齒堂游醫生 價錢: (免費consult) /唔剝牙$32000不等/剝牙4隻 $43000 /2隻就更平 有人介紹減$2000/3000 優點: 都算方便、一落火車行2分鐘就到 設備超級新 依部機好似冇幾間牙齒診所有 有左依部機就可以掃瞄排牙,跟住即時模擬到箍牙前/後分別,同埋剝唔剝牙嘅分別 再唔洗咁辛苦印牙模,同埋再唔洗等2個星期睇片先知排牙個效果會點。 游醫生好細心,可能話晒係女仔醫生,佢會幫你睇埋個面形,講出好多仔細位。以上兩位醫生都冇指出嘅野,佢都發現到,所以對佢印象好好。 缺點: 有時姑娘會大頭蝦搞錯覆診時間,或者記錯你係睇邊個醫生 唔包retainer 結果,我就係揀左依間診所做隱適美箍牙。 $43000 ,游醫生做顧問醫生,佢做Consult,箍牙方針佢負責設計; 剝牙/普通覆診就會有自己專屬醫生跟 如果要游醫生跟晒所有野好似要$48000 剝4隻牙的價錢  剝少D牙或唔剝牙會更平 我感覺就係,隱適美大部分都係科技主導,最重要設計治療方案個環節游醫生都做左,咁樣問題不大。 我個建議就係,如果你真係想箍牙請盡快行動。 因為由你consult個日起,要印牙模,等片返,再等牙套返,前前後後要個幾月。 再加埋如果你要剝牙,大大話話要2個月先搞好晒D野上到第一個牙套。 我由2016年10月開始做資料搜集,同展開不停consult醫生嘅日子 直到2017年1月先揀好診所拎到第一個牙套正式剝牙。 ------------------------------------------------------------------------------------------------------- 新手上路篇: 早幾日終於拎左第一個牙套,我總共有46個牙套。  我排牙個情況就係上排門牙哨出黎,同埋右邊側門牙凹左入去。 依個情況係因為牙齒太逼唔夠位生所導致,所以如果想效果理想,最好就係剝牙,上下各兩隻小臼齒。 醫生有講過可以用磨牙代替剝牙,但效果一定冇咁理想同埋磨完可能會有敏感牙齒。  俾左幾萬蚊,用幾年時間,緊係將D野做到最好。二話不說即刻同醫生講揀剝牙方案。  終於到拎第一個牙套嘅日子  醫生會俾依個盒你,入面就係裝住一個藍+紅盒 藍就係俾你日常裝依家戴緊個牙套,紅就係俾你放上一個牙套 跟住醫生就會教你點戴,點清潔 平均每日要戴22小時,食野要除落黎,食完野要刷牙先好戴返。 醫生話我第二個牙套先要剝牙,所以我依家仲係未剝牙。 下一篇blog,應該就係紀錄剝牙,祝我好運。 有問題/需要介紹可以留言。 多謝觀看
5款奶泵介紹及用後感- Medela, Tommie Tuppie, 優合, SpeCtra
1. Tommee Tippee 手動奶泵 舒適: 5 ~ 清洗: 3 ~ 效率:2 ~價錢: 4~整體好用: 3~  (滿分5分) 一開始未上奶,個乳頭又傷左,所以唔可以用電泵住,但又要刺激上奶,所以就用左手泵,  一黎自己就到力,快啲慢啲,痛唔痛都自己知。個設計都幾ergonomic, 雖然得一個size, 但都fit 得好舒服。隻手係攰啲,要換手。用左幾日,上奶多啲奶就轉電泵啦。價錢最平, 只係$200幾, 手泵有牌子之中都艋最平啦, 買個帶返工做後備泵都唔錯。 2. Medela Swing 單泵 舒適: 5 ~ 配件易清洗: 5 ~ 主機效率:3 ~價錢: 1~整體好用: 3~  (滿分5分) 成個設計都好簡單好兒戲,好似玩具,但係呢~泵得幾溫柔,例牌可以調10級力度,2個速度,一開機就係1級力,按幾下+號就大力啲。其實有不同Size 既喇叭揀,但我買既時候唔識揀,所以買左24mm, 因為部機好溫柔,都唔係好痛,忍到。Medela 既parts 係咁多款電泵入面最少,最易洗,最易裝,而且揀岩size 既話就最舒服既,最鐘意。每用一次都洗一次,所以少Parts 就好幫到手。佢可以乾濕電兩用,我喺屋企就用濕電。唯一缺點係個喇叭比較長,個人就坐得好好,啲奶先落到個樽。價錢就唔係好扺, 因為Medela 係奶泵名牌, 所以成千幾兩千蚊, 仲要你單邊泵, 老老實實, 有朋友比左部主機我, 我只需要用四百幾蚊買返D 配件, 但都覺得唔抵~ 3. 淘寶優合雙泵 舒適: 3 ~ 配件易清洗: 2 ~ 主機效率:5 ~價錢: 5~整體好用: 4~  (滿分5分) 我用既第一個雙泵,兩邊一齊會快啲,而且又平(RMB 328=HKD 450),唔洗諗就買左。我家姐都用優合既,仲勁讚tim, 佢話可以用優合部機,但用medela parts. 我買到返黎知先係配唔到medela swings 既parts, 只係配到Medela freestyle. 部機係設計得幾好,有screen 顯示時間…正! 個泵好勁, 不過就有好多件配件又難裝,啲parts 既設計係差既,PUMP到個乳頭好痛,試過唔裝個silicone 罩,感覺好啲,但都係痛, 可能因為得一個揀喇叭SIZE。依個設計係唔洗坐得直直,啲奶都落到個樽。因為好多部件, 每次洗都要拆哂出黎洗, 再過一次熱水, 再裝返, 好花時間呀。Silicone 既軟膠鴨咀Valve 好薄弱, 洗爛左2個, 好采原裝有多2個後備 4. Medela Lactina Select 雙泵 - 醫療級 舒適: 5 ~ 配件易清洗: 5 ~ 主機效率:5 ~價錢: 2~整體好用: 4.5~  (滿分5分) 依部奶泵係租既~沒係買既~ $350/月, +$230配件, 按金$3000。部機大大部, 只可用濕電, 但力度同速度都可以隨意咁調教, 隨意配搭, 佢仲要係mechanical 既擰掣, 幾時要多D 少D自己校。仲有呀佢D泵力係有細機咁死, 泵到尾會有緩衝感覺, 所以舒服D。例牌Medala 配件, 易裝易拆易洗, 而且喇叭可以簡24mm, 27mm, 30mm, fit 返唔同人既SIZE。除左貴同大件, 我最鍾意依款奶泵, 亦係目前用得最耐既~ 但係我明, 咁大部點帶返工?! 因我係全職媽媽, 所以冇咁既問題。我以前有個同事, 租2部, 一部放屋企, 一部放公司。 5. SpeCtra 9+ 舒適: 4 ~ 配件易清洗: 3 ~ 主機效率:4 ~價錢: 5~整體好用: 4~  (滿分5分) 依部係朋友送比我架, 韓國設計, 好輕身, 價錢合理$900-$1200。2016年度最受媽咪GROUP 歡迎。部主機好正, 泵力舒適, 有2個速度, 10個力度, 由好細力到好大力都有, 充一次電可以泵4次, 轉用濕電都OK~ 清洗方面, 雖然佢好多部件, 同優合差唔多, 但佢將防倒流器分開出黎同條管一齊, 所以唔洗成日洗~但個鴨咀就好難蚊出黎洗啦~佢個鴨咀係同優合果個設計差唔多, 但就厚料強壯D, 唔會洗爛~ Ella Mama 獨家用泵TIPS~奶泵s的秘密~ 1. 各款奶泵結構都係抄來抄去, 有D 件可以互換 A. Medela 部件係可以擰落Pigeon 奶樽度~ 大家都知Pigeon 奶樽出名平, 所以可以買多幾個做儲奶樽~注意擰到落去咋, 唔防水架~不過只要正賞使用都冇問題既~ B. SpeCtra 9+ 可配Medela 鴨咀~ 易洗D~ 感覺仲泵得清D C. 我鍾意Medela 既部件, 又舒服又易清洗, 但又鍾意SpeCtra 9+部機, 又輕又舒服又用充電令我活動自如, 最後我就親手合成左佢地~成為獨一無二 Ella Mama 專用PUMP 啦~步驟如下: 首先將SpeCtra 9+條軟膠管剪一段仔出黎, 大約3CM; 然後將Medela 條膠管質落去果段3CM既軟膠管到, 可以將條軟膠管剪斜角, 咁就好易接駁到架啦, 咁樣Medela 條膠管就可以吉入SpeCtra 9+部機啦~不得不讚~我真係一個天才~!