Ah Meh 遊雲記 (spassmachen)

德國熱甜酒

Posted on 2019/12/07 by Ah Meh (spassmachen)

瀏覽人數: 147

聖誕節要暖笠笠，梗係要返杯熱甜酒即係mulled wine (德: Glühwein)。

這是傳統熱酒（可紅或白酒），加上不同香料，橙皮，糖煮成。

當天氣勁凍嘅時候飲完紅酒成個人都會暖笠笠！一杯€3-4，再加按杯費大約€2-3，如果你覺得個杯靚嘅話就可以唔使還杯飲完直接攞走！我幾乎每去到一個Christmas market 都會飲番杯，最好飲嘅係喺Frankfurt, 亦都係最貴最大杯嘅. 最靚嘅酒杯就係喺Düsseldorf. 有啲細market可能要用舊杯，每一年每個market都會出新杯嘅。順帶一提，為了小朋友都可以分享一下節日氣氛，是有沒酒精的”mulled wine”賣的，德文Kinder小孩的意思，若看到Kind字頭的德語就應該是了。仲有蛋酒 (德:Eierpunsch)都好好味，雖然不夠mulled wine popular.

咁喺香港又點算呢，如果怕煩自己煲，其實簡單方便嘅我推介馬莎有已經調好嘅熱甜酒，只需煮熱或微波爐叮返2分鐘，咁就有好好飲嘅熱甜酒㗎啦！一枝只需$89，同事飲完都話正！

最好味！

最靚！

沒杯用，用別個market的往年舊杯。。。

M&S 熱甜酒

Posted in 德國 | Leave a comment

德國聖誕倒數日曆

Posted on 2019/12/02 by Ah Meh (spassmachen)

瀏覽人數: 129

Advent calendar 降臨節日曆或聖誕倒數日暦，是用來倒數計算聖誕節來臨的日子用的日曆。日曆自將臨期的第一主日開始計算，即自11月30日最近的星期日起倒計時，直至聖誕節。現代降臨節日曆為了簡便，則通常從12月1日開始計算。日曆多以紙盒製成，上面有24個分隔開的小格子或小口袋對應着24天。每日可以開啟一個小門從格子取出裏面的禮物。傳統禮物為《聖經》的章節或引文，現代禮物則主要為巧克力、聖誕餅乾或糖果，也會有蠟燭等小玩具。日曆可以用不同的主題裝飾，不過主要與冬季和聖誕節相關。這一習俗起源於19世紀德國的路德宗，不過也慢慢傳播至其他基督教派系。

(From Wikipedia)

香港好多護膚品牌都有出聖誕日曆，平既有朱古力，如Lindt, M&S, 中價護膚品牌有L’occitane, Body Shop, Lancome, 幾百蚊就有，貴既幾千蚊一個既有Dior, La Mer, Giorgio Armani等。聖誕倒數日曆(Adventskalender)源自德國，喺德國幾乎所有化妝品同護膚品牌都會出，貨品總價值可超過日曆價格的兩倍，但通常唔係樣樣都用得着，但係每日開一格真係有好多驚喜，收到禮物係好開心！自己比較喜歡Dr. Hauschka, €49, 有面膜、面霜、潔淨、身體修護、沐浴，沐浴用品只是一款，所以大部分都好啱用！但因advent calendar 喺係12月1日開始，所以好多受歡迎既產品都會賣完，因十月便開賣。冇咁受歡迎的，要買過幾日後可能會特價添！