念念不忘的七彩小籠包~ 樂天皇朝

阿女呢2個星期話劇公演同考試一齊黎,真係人都癲
大人,小朋友都真係攰
今日阿女考完試,當然即刻去食番餐賀一賀佢啦~
之前食過七彩小籠包,阿女成日講,今日就帶佢食多次啦
呢間係將中的樂天皇朝就最近我地~
比起銅鑼灣個D,呢間裝修就無太多GIMMICK
不過勝在夠哂光猛,座位同條路又闊,坐得都幾舒服
每個位都有一個呢D好懐舊既銅壺 ,光潔照人,又有風味,真係茶都飲多幾杯呀
小食既炆花生同栗子超級淋同好味,未上菜,先KO哂佢了 HAHA
除左茶外,仲有新出的養生飲品可以揀
而且價錢仲幾抵, 18~20蚊就有一杯啦~ 係大大杯添
阿女揀左檸檬薏米水(熱)
薏米水唔太甜,又可去濕,幾啱小朋友飲
就係呢個令女女念念不忘的七彩小籠包
其實應該叫八彩,因為佢有八種味~而外皮有唔同既顏色俾大家分辨
因應味道濃淡而分出進食既先後次序~由原味的最淡味食到川味最濃味
女最愛芝士味,一早就食左落肚了
我食左鵝肝,蟹粉同川味,每款味道都好突出同濃郁
食完那個蟹粉,鮮味留係口腔久久未散呢~
因為每款味道都好濃郁,一早準備好的姜絲醋派不上用場,浪費了~
樂天的辣味菜式幾出色架,不過今晚又老又嫩,所以我自己就叫左個酸辣湯自私下
呢個酸辣湯外形已經夠搶鏡,個壺細細但好精緻
雖然佢係一個人份量,不過我一個人飲完都幾飽~@@
味道非常帶勁,夠酸夠辣,平時少食辣既媽媽就頂唔住
而我就食得好開心,食完超暖胃的說~

入面既豆腐,配料全部都切到好細,心機都唔少野
個湯帶有少少芡既濃杰,似羹咁,用黎送飯都幾正~仲幾飽肚

知女莫若母,特意叫左呢個京蒽肉絲配薄餅俾阿女
開頭阿女話佢只食個薄餅~ 哈哈,又睇下點~
黎到,當然佢又食唔停口啦~ 個肉絲有濃濃的上海風味醬汁,惹味非常,肉絲偏瘦但一D都唔嚡唔韌,將大蒽絲同肉絲包在軟軟的薄餅,卷成肉卷放入口,中和了肉的濃汁,又多了一種煙嚡的口感,大人小朋友都愛食
就係略嫌那個薄餅太少,肉未食哂但薄餅已食完了~
有看出這個冷盤是甚麼嗎?
原來係素鵝呢~
和平時認知的素鵝的確有很大分別,因為
1. 不是炸的
2. 不是熱的
3. 不是脆的
就係冷冷的,軟軟的,淋淋的
不過比起平時的炸物,這個素鵝更有豆香,亦不油膩,配上淡淡的醬油
整個菜變得健康了
最重要係味道亦非常好,是一個很出色的變奏版
揚州糟溜魚片
魚片非常大塊,無骨,啖啖肉,仲好嫩滑
不要少看這個清淡的芡汁,原來加入了酒糟,傳來淡淡的酒香
酒香將魚片的鮮味提升,亦能去除魚的腥味,是非常聰明的一種煮法

我懷疑自己上一世係上海人
因為最愛就係呢D上海小食
小籠包,生煎包,全部都百吃不厭
這個生煎包外皮的上半部份非常軟熟,底部則煎得香脆可口

入面除左滿滿的一大團肉,咬落去仲流出肉汁,非常JUICY ~
係小籠包以外的另一個好選擇呢~

食左咁多野,其實已經好飽
但無個糖水收尾又好似爭D,於是叫左個姜湯芝麻湯圓,有3粒,一人一粒啱啱好

姜湯的姜味都幾濃,不過片糖底都幾甜下 ,中和了一下姜的辛辣
湯圓大大粒,入面有流出黎的芝麻蓉
湯圓皮如果再軟D,煙韌就更好~

臨走見到門口有新年套餐,好似都幾抵食
新年約朋友黎試試先
樂天皇朝 
Paradise Dynasty
將軍澳唐德街9號將軍澳中心地下G31號舖
文章只屬個人意見,只供參考
如要聯絡本人,請電郵至: smonkichi@hotmail.com
Click below for my sharing platform :
Posted in 中國菜, 九龍, 商務接待, 家庭聚會, 知己聚會 | Tagged , , , , , , , , , , | Leave a comment

女人滋寶~草姬 金鑽蟲草

女人唔補好易老,不過太補我又頂唔順,個人會燥熱,即係虛不受補,點好?
食蟲草就最好~
蟲草好受歡迎,因為科技發展成熟,大家都可以好方便又經濟咁享用到
而草姬新出呢款蟲草更加入了近年大熱的黑松露添

草姬 金鑽蟲草

「草姬金鑽蟲草」男女老幼都啱食,不過我覺得特別適合女人~
蟲草具有補虛損、益精氣效用,亦有助氣道暢順,令肺部吸入更多氧氣
而加入了黑松露做「藥引」,則可提升血液循環,增加血液帶氧量,令氣血運行充足,血液循環好,改善手腳冰冷,補血養陰調經,養顏好面色
蟲草品種眾多,但未必隻隻都咁有效
「草姬金鑽蟲草」採用的是中國藥典承認的蟲草CS-4菌種,以頂尖培植技術,分別模擬蟲草與黑松露獨特的生長環境,孕育出含有最多活性的菌種,而且品質優良,成份安全,更有嚴密的監控,加上香港製造,絕對安心食用
香港人十居其九都有鼻敏感同氣管問題,而蟲草有助紓緩因缺氧而引起的氣喘,令氣管健康。黑松露幫助肺部的氧氣源源注入血液,並帶至各器官及血管,提升身體帶氧力、補氣補血。
蟲草成份天然,藥性溫和,適合大部份人士食用,而「金鑽蟲草」加入了黑松露,尤其適合氣血虛弱、氣促無力、容易疲倦、手腳冰冷、面色蒼白、易暈易病、失眠,甚至免疫力欠佳人士既人,甚至大部份患有三高、高尿酸等人士均適合食用架
每日Keep 住朝早空肚或瞓前食2粒金鑽蟲草,可以強身健體外,更可以紓緩壓力,寧神安眠,瞓得好D,精力充沛D,人都健康D架~
金鑽蟲草係膠囊裝
一瓶有60粒,足夠一個月服用啦~
之前接阿女出出入入排話劇,個人攰到不能,有時仲暈暈地,死下死下咁
食左「金鑽蟲草」半個月,個人有番D氣色,無咁攰,夜晚又好瞓左
最重要係唔會燥到爆粒粒,又無咩其他副作用
如果小朋友太細唔識吞服或老人家有吞嚥困難,可以將膠囊拆開,放入湯水或清水服用。
「金鑽蟲草」粉末氣味芬芳,充滿菌香,一D都唔苦架~
小朋友2歲以上都可以食得架啦
媽媽煲湯時我都會拆開一粒放落湯度成家一齊飲,成煲湯都矜貴左,營養價值都高左
最重要係方便又簡單就可以幫屋企人加強身體免疫力~
尤其最近細菌橫行,除左要做好防禦措施外,
打好個底,令到身體健康強壯D,都係一個治本的方法黎~
女人最重要係補氣血。氣血足,婦女病都少好多架
想知多D產品既資料,可以瀏覽以下的網址架~

草姬 金鑽蟲草

草姬
產品及資料由品牌提供
如對產品有任何疑問,可直接聯絡品牌查詢
文章只屬個人意見,效果因人而異,只供參考

如要聯絡本人,請電郵至: smonkichi@hotmail.com
Fanpge : www.facebook.com/smonkichi
Instagram : https://instagram.com/smonkichi/

Click below for my sharing platform :
Posted in 個人, 健康, 護膚 | Tagged , , , , , , , , , , , | Leave a comment

超微分子透明質酸,1000倍補水~ Dermaci 超微分子保濕精華

最近天氣開始濕濕立立,無冬天咁干燥
不過咁樣都唔代表你可以鬆懈保濕的護膚程序呀
春天氣溫逐漸上升,我地既皮脂腺分泌亦開始旺盛,加上天氣忽高忽低,皮脂分泌與肌膚水分很難維持平衡,脫皮或是毛孔粗大的問題會開始出現,加上黏黏濕濕的天氣,成塊面都唔知係油定濕,感覺好唔舒服,甚至唔想再搽野上面
所以呢D時候就需要一D清爽得黎又保濕的護膚產品~

Dermaci 超微分子保濕精華

呢枝法國製的精華,含有超細的透明質酸分子,可以快速地將滲入皮膚底層
而透明質酸本身吸取 1000倍的水分分子,將水份帶埋入皮膚底層
使肌膚回復水漾豐潤,同時改善膚質
精華內的成份還有積雪草提取物,水解膠原蛋白,維生素E和蘆薈提取物,呢D都係一樣可修護皮膚的成份
當中積雪草提取物,在中醫角度可以清熱解毒,利濕消腫
係美容方面可以促進血液循環,改善痤瘡性皮膚,防止色素沉澱,促進皮膚的膠原蛋白生成、改善皮膚彈性,延緩肌膚老化及舒緩日曬
之前做過一個積雪草的保濕療程,效果真的非常好,從此就愛上了積雪草
而呢枝精華亦無令我失望,同樣擁有強大的保濕力,令到皮膚時刻都水潤嫩澤
精華係透明的質感,無色無味無酒精成份,非常溫和,可以安心使用
甚至可以配合激光/彩光治療後的補濕護理
精華非常易推,推開後會變成水水的質地。
因為用上了較細的透明質酸分子,所以可以很快就滲入肌膚底層

而且仲可以幫皮膚吸收1,000倍水分份子入皮膚底層,令皮膚保持濕潤。
持續使用,更可改善膚質
1. 深層改善皮膚缺水狀況 , 令皮膚持續保濕
2.修護皮膚組織 , 舒緩敏感膚質 , 令皮膚更胞滿健康
3.增強皮膚彈性 , 令皮膚柔軟嫩滑
4.控制油脂分泌
5. 減淡細紋及幼紋
6.防止肌膚老化現象

有少少地方要注意,因為保濕精華的份子較細
建議先搽上呢個保濕濕華,之後先再搽其他精華,以免阻礙左皮膚的吸收呀
無論邊一個季節, 保濕補水都係護膚重要的一環
用上高效的保濕產品,可以今皮膚更健康,其他皮膚問題都可以輕易解決呀~
【產品 Dermaci 超微分子保濕精華 30ml 由官方提供】
產品及資料由品牌提供
如對產品有任何疑問,可直接聯絡品牌查詢
文章只屬個人意見,效果因人而異,只供參考如要聯絡本人,請電郵至: smonkichi@hotmail.com
Fanpge : www.facebook.com/smonkichi
Instagram : https://instagram.com/smonkichi/
Click below for my sharing platform :
Posted in 護膚 | Tagged , , , , , , , | Leave a comment