◤再嚐粥底海鮮火鍋◢ ‧【❤ 發哥粥底海鮮火鍋(大圍)】

雖然天氣未算好凍 但涼爽爽既天氣最好就是吃火鍋
既可暖身 亦可跟友人來個近況詳談 一舉兩得挺不錯
早排知道發哥粥底海鮮火鍋係大圍開左分店 已經急不及待相約飯腳再去試試

位置是比觀塘偏僻 做的應該是附近街坊生意為多
舖面濶落乾淨開明 座位間空感好足 圓枱坐得舒適
望望餐牌 除左基本海鮮火鍋仲有七款海上鮮

包括聖子皇、貴妃蚌、多寶魚、黃金蜆、海蝦及時令貝
不過當日因貨源關係 聖子跟貴妃蚌就無緣品嚐
仲有八款自選配料連粥底 (粥膽、南瓜粒、芋頭粒、粟米粒)
全部人頭份量 而且飲品任飲

除左汽水仲有自家製竹蔗水 味道清潤帶微甜
火鍋後飲用來下火實在不錯 好岩一家大細

跟飯腳點了龍蝦套餐各一 既可以多試口味亦可以令粥底更鮮甜

點餐後 會先送上粥水湯底 先吃海鮮再吃火鍋配料
未吃火鍋前 店員先送上兩款前菜 是手拍蒜泥青瓜同鹹花生

青瓜帶點微辣 爽脆香口 非常開胃 鹹花生爽脆可口 作為下酒菜實為不錯

仲有時令燉湯 味道鮮甜滋補 真材實料
雖然只有4款海鮮配料 份量都頗充足

雖然龍蝦只有半隻 不過都非常大隻肉質肥厚 食落富鮮味爽口彈牙
海蝦一人兩隻 口感爽彈 帶有淡淡海水味道既鮮甜味

黃金蜆份量都不少 乾淨無沙 肉質飽滿
多寶魚肉質嫩滑 未見特別多細骨
鮑魚上枱時仍然生猛會動 質感軟腍有咬口

安格斯牛肩肉 雖然遠比肥牛肉味不算香濃
不過勝在肉質細膩香嫩 油花分佈均勻

自選配料質素亦算不錯
點了黑豚肉、自家製雲吞、魷魚鬚、鮮滑雞、順德釀冬菇、花膠、自家製蝦滑、金菇菜

黑豚肉 味道濃郁 口感細緻軟滑

自家製蝦滑 打得唔會死實 咬落爽彈有口感

順德釀冬菇 頗特別既一道
配料用上手打魚肉釀落鮮冬菇 令本來清淡既冬菇帶點魚香鮮甜

鮮滑雞 雞味香濃 用作慢熬鮮味粥湯底實在不錯 令粥底充滿鮮雞濃郁香味

花膠軟腍細滑 完全是女生必備 

餐廳會等待客人差不多吃完時送上粥膽及配料

只需將粥膽及配料下鍋 待煮至腍身至滾就可以了

煮起後粥底份量頗多 食落鮮甜 口感綿滑細膩
今餐又要捧著肚子離開了

呢度除左火鍋 仲有家常小炒小菜提供
唔想火鍋 都可以食番小菜架

發哥粥底海鮮火鍋(大圍)

大圍車公廟路69號顯徑邨地下3號亭 

就此,謝謝喔~
Blog link: http://natnataliecc.blogspot.com/
Email: natalie_911999@yahoo.com.hk
https://www.facebook.com/natalieccdevoyages/

Posted in 中國菜, 新界, 火鍋 | Leave a comment

◤親民台式小店◢ ‧【❤ 阿珠嬤 Azhuma】

差不多半個多月沒有相約飯腳飯聚
來到2019年尾 當然要聚一聚 來個細聲講大聲笑
來到香港大學附近既西營盤 見到原以為是食韓國菜
睇清楚原來是台灣菜既阿珠嬤 正合我倆心意口味

舖面是小店格局 座位不算多 簡約裝飾 光線充足
有別於一般台式食店 阿珠嬤走時尚現代感 非常麼登

別以為是一般小店 原來是大有來頭
當中既清燉牛肉麵、紅燒牛肉麵都得過獎 可謂深藏不露
再望望餐牌 選擇的確不少

有牛肉麵系列、小食、手路菜系列、私房拌麵、行家精選、國民飲品…


青梅綠茶

平日大多會選擇熱飲 不過來到台式食店就想來一點特別
大大杯既青梅綠茶 色澤是呈金黃色 味道是帶點酸酸甜甜既青梅味道
茶味飲落好清淡 大概是青梅味有點霸道吧
最驚喜是底下沉澱左既青梅蓉 青梅蓉份量都不算少 非常重本

黑糖珍珠鮮奶
上枱時加入黑糖後賣相好吸睛
飲落奶香頗濃 炒過既珍珠爽彈又有咬口 仲可以揀甜度 非常貼心

滷味拼盤

一向對滷味有種情意結 加上可以一次性試好幾款 完全滿足對滷味既欲望
一客就有齊牛肚、牛腱、雞鎚、豆干 滷得色澤深沉
牛肚口感柔韌軟腍 牛腱好鬆化而且非常入味
豆干口感實淨有咬口 咬開有陣陣黑椒香味
雞鎚相對幾樣就顯得普通 唯獨就是欠缺滷蛋就是
整體來說水準不俗架

冠軍清燉牛肉麵

相比紅燒 其實更喜歡清燉口味揀紅燒
是因為濃香惹味 不過佢係以清燉牛肉麵成名 當然不可錯過
湯底的確是清淡 但淡而鮮味 清而不濁 略帶點油花 味道是挺好的
再試試陽春麵 滑溜煙韌 而且都算耐浸又有咬口 口感算是不俗
至於牛肉是有點小驚喜 軟腍鬆化有口感 肉質細緻嫩滑唔痴牙 肉香味濃郁

蔥油拌麵

份量剛好夠拌 拌麵蔥油香氣濃郁醬油香而不膩 味道不會太鹹
大概是等上了一段小時間 拌麵有點變糊了 口感有點欠佳

不過加了點一併送來既清湯 味道又變得不一樣
有點小可惜是隻溏心蛋不夠溏心 不過口感軟腍

燙青菜

最普通既烚生菜 軟硬剛好 油光不算重 味道清淡

黑橋牌香腸

外皮煎得香口帶點脆 味道剛好不會太鹹
夾雜蒜片一併食
香腸味更為突出 又是另一種風味 

阿珠嬤 Azhuma
西環皇后大道西305號地舖

就此,謝謝喔~
Blog link: http://natnataliecc.blogspot.com/
Email: natalie_911999@yahoo.com.hk
https://www.facebook.com/natalieccdevoyages/

Posted in 其他, 東南亞菜, 香港 | Leave a comment

◤鎮靜舒緩無負擔◢ ‧【❤ AHC Hydra B5 Soothing Foam】

作為敏感肌 對於護膚品都有一種執著
尤其是卸妝洗面 一定要性質溫和水潤 敏感肌都合用的
要知道敏感泛紅是霎時間出現 最好帶舒緩鎮靜就更好

最近選用上AHC高效B5水潤潔面乳

高密度泡沫一次性徹底清除深層廢物
能溫和地潔淨面部油脂及污垢 深入潔淨毛孔 柔軟粗糙肌膚
同時為肌膚提供充沛水分 使用後不會有繃緊感覺
調節PH平衡 提供水分 舒緩平滑粗糙肌膚 令肌膚維持水潤
植物由來成分保護肌膚 使肌膚鎮靜 塑造健康肌膚
減少對皮膚做成任何刺激 讓肌膚重現活力生氣 健康光澤

洗面乳可以輕鬆打出豐厚細緻濃密柔綿泡沫

可以深入清潔毛孔 幫助去除污垢 避免油脂積聚 形成油脂粒又或是黑頭
泡沫細滑柔軟而且性質溫和 用後乾爽唔繃緊 皮膚水潤柔軟白晢

洗面乳仲可以溫和卸走淡妝 不會帶走皮膚一點水份
用了好一會都沒有敏感情況 鎮靜舒緩確實做得不錯
加上價錢不貴 性價比高 一試無妨

想了解更多:-
https://www.ahcbeauty.com/

就此,謝謝喔~
Blog link: http://nataliecc.theztyle.com
Email: natalie_911999@yahoo.com.hk
https://www.facebook.com/natalieccdevoyages/

Posted in 護膚 | Leave a comment