◤親民價 米芝蓮推介高質泰菜◢ ‧【❤ Cafe Siam】

最近都愛到港島區搵食 尤其是銅鑼灣中環 貪其選擇多而且高質素
就以中環蘭桂芳來說 除左老外多酒吧多連菜式種類都好多

芸芸之中選了Cafe Siam

餐廳裝潢精緻 帶點泰國氣息 
環境寬敞 坐得舒適
分二樓及三樓 用上木系家俬襯托灰色牆身 營造空間感
唔講唔知 原來Cafe Siam已經屹立蘭桂芳多年 係米芝蓮推薦食肆 

所有菜式均由來自泰國既廚師團隊設計 餐單選擇豐富 食物水準有一定保證

有泰式小食、沙律、湯類、咖哩、海鮮肉類、蔬菜、飯麵以及甜品等
以中環區來說 價錢算是親民大眾化

一坐下就即時送上餐前小吃蝦片 蝦味頗香濃 略嫌唔太香脆
新鮮椰青

良久沒有飲過椰青 清甜解渴仲好消暑
值得一讚是 餐廳用上環保竹飲管 減少塑膠垃圾

精選二人拼盤

一客拼盤可以試齊4款不同小食
包括沙嗲雞肉串燒、脆炸春卷、炸蝦餅及香蘭葉包雞
蝦餅炸至色澤金黃 咬落爽口彈牙而且鮮味 
無骨雞件煎至外套香脆可口 再包著香蘭葉 葉香滲透雞肉
不僅有著雞肉香 肉汁豐富 仲多左香蘭葉既獨特清香味 一試難忘

啖啖肉既雞肉串燒 燒至微焦帶點乾身 食落唔覺鞋口 沾上沙嗲醬更見惹味
泰式春卷炸得香脆內軟唔油膩 味道剛好

香草青芒大蝦包酸子醬

以生菜包著金邊粉青芒果粒以及爽口大蝦 沾上味道甜中帶點酸既酸子醬
酸子醬有畫龍點睛之列 即使金邊粉不作任何調味都好好食 混合後令整體口感清新特別
椰子雞湯

雞湯以南薑、香茅、檸檬葉同椰汁等材料熬製
加上雞肉以草菇 上枱時已經香氣撲鼻味道酸酸地帶點微辛 口感柔滑
同時亦散發陣陣香甜椰香 層次感十足 令人一飲再飲停不了
泰式金邊粉包蛋

以蛋網賣相示人非常搶眼特別 實在令人不忍撕破包著幼滑爽口金邊粉
金邊粉炒得爽身不會黏成一團 味道酸酸甜甜頗開胃

蒜香椒絲炒椰苗

椰菜苗新鮮幼滑葉嫩 食落唔覺苦
以蒜蓉椒絲輕炒 油份唔算多 屬健康之選

南瓜布甸

頗有新鮮感既甜品 以南瓜包著香滑蛋布甸 帶有濃郁蛋香
質感軟棉入口細滑唔會太甜膩 沾上椰漿更是別有一番風味

Cafe Siam
中環德己立街21號The Plaza 2-3樓

就此,謝謝喔~
Blog link: http://natnataliecc.blogspot.com/
Email: natalie_911999@yahoo.com.hk
https://www.facebook.com/natalieccdevoyages/

Posted in 泰越菜, 米芝蓮餐廳/廚師, 香港 | Leave a comment

◤打咭必備 精緻九宮格小食拼盤◢ ‧【❤ SENSU by Gosango】

對於人流眾多既銅鑼灣來說 數不盡既樓上cafe及輕食店可說是標記
雖然文青感打咭一流 偶爾跟朋友閏蜜來個放空確實不錯
不過
食物質素同價錢都不太合理 令人有「中伏」感覺
最近見銅鑼灣有不少新食店進駐 於是n_cc都唔執輸來走一走

發現左賣歐陸菜為主既All day dining餐廳SENSU
鄰舖就是和牛火鍋店以及燒肉店 同樣主打和牛

SENSU設計以簡約但摩登現代化為主

原木牆壁加上雲石餐桌同精緻的擺設 整體令人感覺舒服唔花巧
主打日本「日山和牛」既SENSU 最近就推出左非常吸晴既九宮格小食拼盤套餐

 

 

每份拼盤包括脆炸豆腐配土佐醋汁
經過脆炸既豆腐仍然幼嫩細滑 豆腐浸泡係醋汁內 吸盡精華入口甘香可口
日山A5和牛壽司 用上原片生牛肉 油花綿密豐富而且均勻
雖然未到入口即溶 不過肉質幼軟 肉味濃郁 入口脂香細膩
鹽漬昆布沙律  沾上金箔 氣派十足 以秋葵木耳絲組成 口感清新爽脆一併進食 毫無違和感
海膽馬鈴薯沙律 海膽鮮甜突出 雖然比薯蓉醬汁包著 仍無損驚喜
日山A5和牛牛肋條 一串兩件 質感嫩滑肥美 入口牛味香濃 令人想多吃幾串
櫻花蝦餅 蝦味香濃口感彈牙 配合櫻花小蝦干 再沾上沙拉醬 蝦味更為突出
脆炸鱔乾 炸得脆卜卜 入口香脆 用來佐酒實在一流

日山A5和牛迷你漢堡 漢堡包皮焗至香脆 微微散發濃厚牛油香氣
牛肉軟腍入味 肉汁juicy豐富 雖然略為重口味 不過整體不礙事
日山A5和牛芝士春卷 咬落香口爽脆 牛肉同芝士配搭得宜 食落唔會油膩 非常不錯
除左九宮格小食拼盤 SENSU仲有不少多元菜單可選 道道都是精美可口既特色菜式

主菜蜆肉天使麵 菜式看似平凡 不過天使麵軟硬度剛好 有咬口之餘但又唔會太軟身

蜆肉非常大隻厚肉 蜆肉煮得剛熟唔會太老 味道相比九宮格小食略為清淡
不過整體食落清淡鮮味
九宮格小食拼盤仲包左杯特選無酒精雞尾酒

名為Sunrise 用上西瓜同白桃調出 味道清甜不膩 飲落有著陣陣白桃香 

另一杯Cold Winter 以蘋果蕃茄熱情果加上薑 拼合烏龍茶及迷迭香
初頭飲落帶點蘋果熱情果香甜 尾段味道帶點淡淡薑辣 感覺頗獨特

 

餐廳仲提供大量雞尾酒同特式飲品 滿足不同客人既需要 讓客人好好享受
最後食埋柚子芝士餅配柚子雪芭芝士好細滑軟棉 

估唔到芝士同柚子味道好夾  食落淡淡柚子香 味道唔會太甜太膩
柚子雪芭味道帶點微酸 冰冰涼涼 好透心涼

餐廳內設有舞台位置 不時會有現場liveband進行

食住野既有味覺享受之仲可以滿足埋視覺 實在是一大樂事

SENSU
銅鑼灣謝斐道535號Tower 535 1樓 

就此,謝謝喔~
Blog link: http://natnataliecc.blogspot.com/
Email: natalie_911999@yahoo.com.hk
https://www.facebook.com/natalieccdevoyages

Posted in 其他, 特色餐廳, 香港 | Leave a comment

◤漸見光感剔透◢ ‧【❤ philosophy 透肌光感保濕精華素】

對於混合性外油內乾肌既n_cc來說 一支保濕度高既精華素是不可或缺
不過隨著年紀漸長 除左保濕之外 膚色均勻剔透更是n_cc最想達到
所以最近n_cc除左四周找尋好用保濕精華
不時都會留意可以保持光感既東東

philosophy
renewing dew concentrate
透肌光感保濕精華素

蘊含全方位透肌複合物 全方位抗老化
獨有創新水感精華有助柔滑肌膚 綻放年輕光澤 

 

逐漸提升肌膚剔透度及水份 撫平細紋 膚色回復均勻光麗
呢支philosophy上年才推出既光感精華素正合心意
一支既可保濕更可以打造光感透肌 簡直就是一箭雙鵰

淡黃色既精華 沒有香味 水感高濃縮質感 清爽得來帶點滋養

 

 

用後膚色變得亮澤柔潤 細紋輕微淡化 沒有感到不適 沒有敏感情況出現

 

 

意外地保濕度不俗 出油度減少 連帶上妝都貼服水潤 乾燥浮粉情況大大減少
短短日子都已經做到剔透實在令人驚喜

想了解更多:-
https://www.facebook.com/philosophyhk
https://www.philosophyskincare.hk/
 

就此,謝謝喔~
Blog link: http://nataliecc.theztyle.com
Email: natalie_911999@yahoo.com.hk
https://www.facebook.com/natalieccdevoyages/

Posted in 護膚 | Leave a comment