全能氣墊粉底 – Lancôme 升級版瞬白亮肌雙效遮瑕氣墊粉底組合

近年我很喜歡用Cushion,一來Cushion有粉底液的底妝功效,但妝容又不會過厚,二來可以隨時隨地可以補妝,實在很方便,Lancôme 2019年推出升級版雙效遮瑕氣墊粉底組合,結合了遮瑕及氣墊粉底,令妝容更為自然完美無瑕,早在外國成為熱門話題新品

Lancôme 升級版瞬白亮肌雙效遮瑕氣墊粉底組合  HK$435
BLANC EXPERT CUSHION URBAN DUO PALETTE 
 二合一的氣墊粉底是 Lancôme 今季的新產品,結合了上妝及遮瑕的功效,早在外國已備受矚目,亦受到很多外國Blogger 推廌,粉盒以純白色設計,加上立體玫瑰花及玫瑰金的盒邊,看來十分高端優雅。
 氣墊粉底能深層保濕,針對乾性皮膚而設,同時增設了質感柔滑的遮瑕膏,專門針對黑眼圈及瑕疵部份,令妝效更為完美及持久。

氣墊粉樸亦是全新水滴形設計,有2種不同的質感而成,尖端的是絨面是為黑眼圈細緻遮瑕,而底端的是Ruby – cell,供抹上粉底液氣墊,能夠打造更緻細的妝容。
  粉底的質地如奶油般細滑易推,能夠均勻膚色及遮瑕柔膚,加上SPF 36 PA+++的防曬系數,能夠保護肌膚,免受紫外光傷害。

遮瑕膏的質感長效水潤,能夠遮去黑眼圈及暗瘡紅印,不易現出乾紋,真心抵讚,而氣墊粉底是以Blance Expert Ccushion為基底,效果十分貼服,還帶有點點珠光,一盒氣墊就有齊遮瑕及粉底,令方便度大增。

Lancôme締造明亮光彩的保濕氣墊粉底 $390
BLANC EXP ERT CUSHION 

Blanc Expert Cushion 的保濕粉底亦換上全新升級配方,氣墊粉底專為均勻膚色而設,同時為肌膚深層保濕,特別適合秋冬使用。
粉底蘊含抗污染及抗氧化成分,加上 SPF 36的防曬功效,能夠保護肌膚,令肌膚水潤飽滿。
 粉底的質感對乾皮的喵感到十分水潤細滑。

粉底的質感令妝容變得很自然, 能夠有效遮去紅印等輕度瑕疵,遮瑕效果不錯,亦十分貼服,肌膚水潤飽滿,而且一整天也不脫妝不浮粉,十分適合秋冬使用。

以上產品及資料由Lancôme提供。
 
 
Welcome to Visit : 
Posted in 化妝 | Leave a comment

海洋公園哈囉喂全園祭2019 – 愈夜愈心寒鬼后出巡Show

又到一年一度海洋公園哈囉喂全園祭啦,每年排鬼屋都唔見哂D時間,今次我搵左幾間必玩鬼屋同埋整好左個Timeshot 比大家,仲有全園最為驚嚇的廁所,入去前記得望望。
哈囉喂今年已六大「鬼域」為主題,下午入去既朋友,可以先玩LINE FRIENDS,拎下糖果同小禮物咁,然後轉攻山頂玩槍戰,大概1700鬼屋就會開,山頂大概玩2-3間鬼屋,1930就最好去返山下睇Show同埋玩厲鬼邨,而山下就愈夜愈好氣氛,厲鬼邨可以留到最後先玩,冇咁多人排隊。
【哈囉喂全園祭驚嚇美食詳文︰https://bit.ly/2kncaHE

 【LINE Friends 哈囉喂糖果樂園】
地點︰威威天地及自然大揭祕
開放時間︰11:30-23:00
如果怕恐怖的話,仲有【LINE Friends 哈囉喂糖果樂園】陪大家,樂園內有Trick or Treat的小遊戲,可以嬴取糖果及LINE Friends小禮品。
   仲有多個萌爆的影相打卡位,適合一家大細。
 係自然大揭祕附近仲有【LINE Friends 哈囉喂糖果豐收祭】,有Brown & Cony 同大家載歌載舞及合照呢。
 當然記得玩埋攤位遊戲,贏取Line Friends 公仔呢。
園內大部份鬼屋開放17:00,玩完LINE Friends 後,時間尚早的關係,可以乘坐纜車或者海洋列車到山上玩哈囉喂的射擊遊戲
【異空戰地】
位置︰動感天地
開放
時間︰13:00-00:00
異空戰地係用激光槍在場內以激光與敵人對戰,射中指定目標即可獲分,達到指定分數就可以過關,啱哂War Game 迷,大概10分鐘就可以完成任務。
17:00園內的鬼屋陸續開放,接著到急流天地玩H19祭禮,因為排隊時間較長,所以建議大家首先玩。
鬼屋︰【H19︰祭禮位置︰急流天地一帶
開放時間︰17:00-23:00
祭禮係以神祕組織的祭壇進行通靈儀式,參加者過程中需要蒙眼由專人帶領單獨進行,以西方宗教為背景,係驚嚇度最低的一間鬼屋。
鬼屋︰【血獄實驗室位置︰極速之旅旁
開放時間︰17:00-23:00
 血獄實驗室係以人體實驗為主題,實驗室內有血腥的內臟及不斷閃燈的效果,加上鬼怪不斷敲打,增加恐怖氣氛,永遠不知下一步。

 

 大概19:30回到山下,大家記得mark 定【猛鬼重頭Show】及【地獄巨星賀台慶】的時間,因為呢2個Show是最不能錯過的,十分值得一看。
Show︰
地獄巨星賀台慶】位置︰怡慶坊
開放時間︰17:00-23:00
地獄一班巨星齊齊到公園內同大家慶祝Hell TV,有Michael Jackson、梅姐、肥姐、當紅殭B及樂小姐,同大家惡攪時下熱門話題及勁歌載舞。

 

 樂小姐以攪鬼造形出場。
 仲有殭B同大家跳舞。
 亞洲達人秀黃金按扭(Golden Buzzer)得獎隊伍ADEM Dance Crew表演高難道的肢體雜技。
Show︰戌時冥府出閘】及【亥時心寒】位置︰香港老大街
時間︰20:44 / 22:30
另一個重頭「愈夜愈心寒」Show在晚上20:44(戌時)開始,由地獄使者抬棺出殯,大跳破地獄儀式。
鬼后同全園鬼怪集體靈魂出竅,帶來最詭異的驚嚇表演。
鬼屋︰【厲鬼邨‧異點靈位置︰海濱樂園廣場
開放時間︰17:00-00:00
睇完猛鬼出巡Show,最後玩壓軸的鬼屋,厲鬼邨係咁多間鬼屋驚嚇度最高,因為係以港人最為熟悉的屋邨為藍本,充滿親切感。
進入鬼屋後,需要用靈體探測電筒令凶靈現身。
率先會有路祭的拜神儀式,令屋邨的凶靈現形。
整間鬼屋係以即將清拆的荒廢屋邨,增加恐怖情度。
 女鬼亦會突然彈出,隨時嚇一跳。
靈體探測電筒照向鬼怪,會有意想不到的驚嚇效果。
時間尚有的話,記得沿著辮子路走向猛鬼遊樂場及盂蘭老大街,一眾猛鬼等著同人合照。

 

【詭公廁】位置︰纜車的落客位
開放時間︰20:44
最後一個必到的是【詭公廁】,係晚上20:44才開放,亦係最恐怖及最容易錯過的一個景點,而【詭公廁】位於山下纜車的落客位,位置較為隱祕。
踏正20:44分,廁所的燈光會換上詭異的綠色,還有驚嚇的效果,膽小的人真的會嚇破膽,是全園最恐怖及挑戰膽量的一個。
海洋公園哈囉喂全日祭2019
日期:2019年10月4日至10月31日
地址:香港香港島南區黃竹坑黃竹坑道180號海洋公園
 
Welcome to Visit : 
Posted in 香港 | Leave a comment

倫敦Superfood過江龍 – 牛油果專門店Avobar

倫敦超人氣牛油果專門店Avobar終於來到香港K11 Musea啦,整間餐廳都係主打牛油果同Superfood,大部份都係素食,身為牛油果控真係等到頸都長,而佢地嘅牛油果係用可持續種植方法栽培而成,減低了因為種植牛油果而引起的人為及自然災害,為地球村出一分力,吃多一點也沒有罪惡的內疚感。

Smashed Chilli Avo $118
個底係烤甜薯,配上加入香料而成的牛油果蓉,甜甜辣辣好惹味,牛油果蓉的細滑配上甜薯的細膩質感,更突顯出甜薯烤過的甜蜜味
Avo Bun Burger $148
牛油果漢堡係倫敦的招牌菜式,一場嚟到無理由唔試,用
牛油果取代傳統麵包,牛油果口感軟滑,而漢堡係炸紅扁豆蕃薯餅,外皮炸得香脆,而內裡是蕃薯加紅扁豆蓉及香料製成蕃薯的香甜味道較為突出,就像吃蕃薯餅。
The Ultimate Avo Toast $118
有牛油果
、牛油果青檸醬同牛油果片及Toast,一個牛油果3種食法,真係牛油果最終回,牛油果青檸醬係最特別,加入香料同青檸汁,味道酸酸辣辣好清新,配上Home Made Toast,Tea Time一個人份量剛剛好,如果有得外賣就Perfect。
Matcha Pancakes Sweet $118
Pancake口感鬆軟,帶有淡淡的抹茶甘香味,唔算太濃郁,
而牛油果牛油及焦糖香蕉就相當有驚喜,加埋楓糖漿甜度啱啱好,如果喜歡日式空氣感兼濃厚的抹茶味,恐怕教你失望。

 

 
Avobar
地址:尖沙咀K11 MUSEA B201-4號舖
 
Welcome to Visit : 
Posted in 健康養生, 特色餐廳, 食材 | Leave a comment