日本”Canmake”Flaring Curl Mascara (volume plus)鬈密持久睫毛液

小妹LaLa之前試咗幾日”Dejavu”睫毛膏 ,一啲都唔好用,當然要再買新,甘啱朋友介紹呢支,就第一時間去買.

佢特別之處 “啡色睫毛液 x 黑色纖維”,啡色液體,感覺自然,黑色纖維,變得濃密.而且唔會凝成結塊,令到睫毛根根分明,易於梳理,價錢又大眾化,用一般卸妝油,就可以卸除,重要細細支,唔會太浪費,因為大慨3個月要換1支,通常好難用得完1支.

大推! 大推! 大推!

Posted in 化妝 | Leave a comment

日本”Dejavu” Lash Knockout魅惑濃密睫毛膏

小妹LaLa前排係sa sa見到個套裝,仲要係日本製造,又係2016下半年至2017上半年得到人氣第一位,就心癢癢買返屋企,點之個睫毛夾唔啱眼型,夾到眼皮,痛到飛起,而支睫毛液乾速度有啲慢,每搽完一次要等,搽多幾次都hold唔到又唔翹,攪到啲睫毛塌落黎,仲要出街2-3個鐘後,隻眼周圍一點點黑色,而支睫毛刷肥Do Do,下眼睫毛同眼尾位置好難掌握,只有濃密感可以接受,為一好處係容易卸同管身係切割形,放係枱上唔會滾來滾去.

極之唔推介,用咗數次全set放入垃圾桶,浪費金錢.

 

Posted in 化妝 | Leave a comment

日本”曼秀雷敦” Premium Rich Nail指甲修護營養霜

小妹LaLa每次坐飛機,都攪到甲邊超乾燥,起晒皮,生晒倒刺,搽多多hand cream都冇辦法改善,之後幾日旅程啲手指好難睇,要等到返香港先有好轉.

前排係Manning亂逛,發現呢支甲cream,一搽上甲邊,感覺滋潤度夠,吸收快,而且唔笠,細細支,方便帶出街,但又因為細細支,去完幾日旅行已經差唔多用晒,而且價錢有的貴,好彩平時唔太需要用.

 

使用方法:

1)攞米粒大小嘅護甲cream,搽係指甲邊,再用手指按摩至整個指甲面,直接完全吸收.

 

Posted in 美甲 | Leave a comment