荔枝與孖寶 人生就像是一趟奇妙的旅行,我們就在這裡分享與紀錄這趟奇妙旅程吧!

Sensory Integration感統知幾多?

近年相信大家對「感統」一詞都慢慢開始不再陌生,可能大家都有「聽過」亦知道係幾重要嘅野,但又未必知道切實嘅內容同埋應該點操作。


Sensory Integration通常稱之為感統,簡單一點就係藉由環境中各種不同嘅感覺輸入大腦,經由腦部統合之後做出合適嘅反應來應付不同嘅情境需求。

換言以之,如果小朋友可以將各種「感覺加以統合、統理」嘅能力越好,小朋友對適應環境、面對不同情境、抗壓受挫、學習能力亦會相對比較好。


以我們所熟知嘅「感覺」就分為5大類:視、聽、嗅、味、觸覺等。

另外還有兩個感覺,可能是家長未必熟知嘅,一個就係前庭覺」,另一個係本體覺」,再加上觸覺,就係我地感覺統合理論中三大主要感覺啦。

觸覺係我地人最基本嘅感覺,亦係我地感知世界一切事物重要嘅來源,小朋友有良好觸覺區辯力,就可以比較好咁避開危險,當然發展認知亦會不錯啦。我地都可以透過觸摸身邊嘅事物,去感受不同輕重、大小、形狀、材質、溫度、軟硬等,這一切都會慢慢係我地腦中建立起印象與連結,透過每一次不斷增加經驗,都是係係度為小朋友促進認知。

另外,可能因為自己係嬰兒按摩指導師 Baby Massage Instructor嘅關係,我絕對相信touch therapy同深明當中嘅道理。簡單來講,觸覺唔單止可以傳遞情感,觸覺經驗亦同時可以安定情緒、紓解身心壓力。所以我亦好建議家長們,學識Baby Massage 日常可以幫小朋友按摩身體之外,過程中亦可以比小朋友增加觸覺經驗。


上文提到另外兩個比較小人認識嘅感覺之一,前庭覺。

前庭覺對我們有影響嘅範圍可以好大,無論視覺以致動作協調能力、肌張力、維持姿勢嘅能力,仲有身體係空間之中嘅位置概念等,其實前庭覺係同身體移動速度、方向等感知有關,所以,你可能會聽過人講如果前庭覺無健全咁發展,好有可能會影響協調能力,體育表現,日後書寫亦可能會比較辛苦。

我希望同大家分享一些簡單可以刺激前庭覺嘅活動等大家都可以知道一下,就好似跑步、單車、打鞦韆、玩滑梯、彈跳床、跳繩、係有足夠安全設施之下滾動身體等,其實都係一d唔錯前庭刺激大家亦都可以做到的活動。


但係特別想提嘅一點就係以家好多地方,無論外地定香港都好興一d超長滑梯,我想提提家長刺激前庭,只係需要有方位改變,係同長度無關,過長或者係一d太激烈嘅slide各反而會有反效果。如果小朋友成個過程都係唔開心嘅,面對一條咁長嘅滑梯內心係充滿恐懼,咁會令小朋友第時再面對類似遊戲時就已經覺得好驚,同時亦影響咗親子關係,小朋友會認為家長逼佢地做d自己唔鍾意嘅野。所以好希望家長同小朋友遊戲嘅時候,都係會以小朋友可以接受為主。

最後一種想同大家介紹嘅感覺就係本體感覺,本體感覺又稱肌肉關節覺,最簡單講法即係身體感受肌肉、關節、骨頭所傳來嘅感覺,肌肉收縮快慢、關節活動等都係同本體覺有關。身體嘅協調能力,就好似我地做事嘅順序同效率等,如果家長覺得小朋友玩玩具力道控制得唔太好,好易就會推倒,整壞野,咁有可能就係同本體覺發展有關係。

如果想令本體覺發展得更好,會建議家長多d比小朋友運用到肌肉同關節。但係以家嘅小朋友都要花很多時間在學術成績上、一般運動量都唔太足夠,所以刺激量就自然不足。最簡單球類運動、會應用到大肌嘅攀爬、武術運動都係一d好好去刺激本體覺嘅活動。


In General 小朋友發展感統能力黃金時期可以話係6歲前,所以分享一些基本知識同大家都可以做到嘅活動,希望各位家長都可以把握黃金期,幫助小朋友發展得更好唷!


至於一些感統訓練跟小活動可以參考我們之前嘅一些文章:


家中自玩upcycling環保入樽小遊戲, 專注力 手部小肌肉UP


‘夾出專注力’ 衣服夾: 助孩子夾出不一樣嘅想像力跟創造力 同時亦可以強化小手肌 為小朋友預備一雙執筆的手


在家自教系列 之 雞蛋都可以訓練!?


孖寶御用嘅兒童體適能教練Children’s Fitness Instructor: 運雞蛋小遊戲分享 

我和孖寶的Facebook Page: 荔枝與孖寶 

零失敗 親子一起製作印模曲奇 齊齊做Bakery Man

話說未生孖寶之前,我時不時都有去上cooking class學整唔同甜品來玩下。自從懷孕之後就已經將所有烘焙工具都放埋一點,無咩再點整了。

適逢本來星期日我地約了家人一齊去迪迪尼,但係就朝早大雷雨,所以我們就留返係屋企。

以家孖寶都開始慢慢長大,可以比佢地一齊參予食物的製作機會亦開始更多,今次就請2位小幫手一齊來做曲奇,呢個食譜好簡單,小朋友都可以做到呀,近乎零失敗,大人細路都齊齊來做Bakery Man啦~

材料:

牛油  90g

糖粉  40g

蛋黃  1個

低筋麵粉  110g

鹽   極小

檸檬Vitality調味精油  數滴

作法:

1) 室溫放軟牛油, 加入糖粉打至鬆發

2) 加入小量鹽

3) 逐少加入室溫蛋黃, 至蛋黃汁完全混入牛油糊中


4) 低筋麵粉過篩後,加入牛油糊中,以切伴方法伴勻(留意不要打圈)

5) 加入檸檬Vitality調味精油,以切伴方法弄成糰,放入櫃雪15-30mins以上


6) 預熱焗爐160℃,20mins


7) 由櫃拎出麵糰之後碌平,可同不同形狀餅模印出曲奇

8) 以170℃,中低層烤焗15-20mins (過程中留要意火力)

咁就搞掂,可以拎出來,放涼一點就可以食用啦~

孖寶好喜歡係每一個過程中幫忙,特別喜歡玩印模。

小朋友參予其中,更加知道製作食物係要等待,外出餐點更明白係需要等候。亦希望他們可以更珍惜食物,惜食,惜福!


兩個可以因為加入咗
檸檬Vitality調味精油嘅關係,令味道提昇去到另一個層次,2個小人都食到停唔到口呀!


孖媽小貼士:
*因為我地屋企係用raw的黃糖,所以cookies 
焗出來之後的顏色看上去會比較深色。
*小心選擇可食用級別的
調味精油,留意產地來源及是否已申令成可食用級別的調味精油,我地今次用檸檬
調味精油除咗因為佢含有豐富抗氧化的檸檬烯之外,仲因為特別喜歡佢新鮮柑橘香,令食物味道更清香,可口。


我和孖寶的Facebook Page: 荔枝與孖寶 

平凡中見不平凡 心思處處嘅親子農莊 親子醃土窯雞體驗


448農莊相信好多大人同小朋友都有去過,今次係我地第2次去遊樂,剛好有Easter嘅活動,就係復活節親子互動定向嘉年華,我地就咁展開快樂之旅,齊齊同陽光玩遊戲。

見過有人話448平平無奇,但如果你有用心由細處看,你會見到發現盡見心思,你會感受到一花一草一木都係一班負責人用心設計,絕對值得推介。哈哈…..咁快就寫好總結。

其實入面有咩可以參觀同玩呢,大抵上應該唔洗我再多講,應該之前已經有好多唔同嘅朋友仔介紹過,今次之所以會寫分享主要係孖寶好喜歡,而我亦見到當中嘅用心,所以簡單記錄下來,希望更多人可以體驗到。

448農莊可以比大家體驗到係台灣好出名嘅古法土窯雞,香港有得食之餘,仲可以親子一齊製作,自己親手自家醃製,土窯雞工作坊需要付款及預先book的。


今次我地Easter去有埋膳食供應,可以試到咁好味嘅土窯雞,趁熱食真係好正呀,皮脆肉嫩,不錯不錯。

農莊仲有好多其他工作坊,好似自制雪糕工作坊,不過今次孖寶掛住玩其他野,睇小動物等,所以無整到雪糕。

448有條長達6米嘅滑梯之外!仲有岩比較大一點小朋友玩嘅吹氣跳彈床。

當然最吸晴嘅梗係架紅色雙層巴士,孖寶一見到就自己跑過去,呢架雙層巴士入面,其實係一間懷舊咖啡室黎架,大家可以一面飲住咖啡,一面欣賞前面嘅一大片草地。


雙層巴士嘅司機位置,當然係一眾小人嘅亮點啦,每個小朋友都想上去揸「大巴」。

而旁邊巴士站就有英式電話亭,比大家影下靚相。

仲有,孖寶最喜歡嘅電動車場,2個都要玩夠2次先肯走,呢樣自費活動,只係係假期或六、日先開放,岩晒喜歡車嘅小朋友!

如果大d嘅小朋友都可以試下自費嘅定點射擊體驗。

除咗可以親親大自然,了解更多自然生態同種植有關之外,呢度嘅玩樂區都好吸引,唔止有室外,連室內嘅遊樂場都有、仲有孖寶好喜歡嘅可樂腳踏車、餵羊活動等。而係小動物區,有唔同雀仔、兔仔等。





仲有小朋友喜歡玩嘅沙池。

場內仲有種植唔同蔬菜,水果。如果大家想比小朋友更進一步認識,亦可以自費參加指定時段嘅導賞,聽下負責人介紹農莊幾款新式種植方法。

448親子農莊,好岩大家輕輕鬆鬆來玩返日,唔止咁呀,場內仲有露營地區,經負責人confirm過嘅高質客人都可以係448一嘗露營體驗。

448既係親子農莊,亦可以令小朋友更進一步認識大自然嘅事物,呢d經驗唔係親身經歷,書本上你都唔會切實體驗到。而且仲有咁多唔同工作坊同遊樂設施,絕對係令小朋友樂透嘅地方呀,值得推介呀。

448農莊
Facebook: 448農莊

地址:元朗欖口村欖堤東路直入到尾(Google 可以search 448農莊)

開放時間9:30am-5:30pm

入場收費: 周未假日入場收費$80,滿3歲大小同價(三歲以下免費、團體除外)

閒日$50,滿3歲大小同價(假期除外)三歲以下免費
**周末假日因有人數限制,預約優先入場**

設有免費泊車,車位先到先得

我和孖寶的Facebook Page: 荔枝與孖寶 

Post Navigation