20141122潮州高鐵行

瀏覽人數: 1151

2014年11月21日星期五晚計劃星期六日坐高鐵到潮洲,, 高鐵或動車都坐過好多次, 北京-天律, 成都一青城山,廣州南-衡山西, 洛陽-西安, 深圳北-霞浦, 深圳北-福州, 但今次最驚險,星期六早上官網12306見到還有幾百張票, 便決定到深圳北站先買票,早上到上環信德中心的環島通買巴士票去深圳北站, 環島通早上10點後就只有12點的巴士, 票價 HKD$90,12點準時開車,經深圳彎關口過佐關, 找到環島通的車站, 有車但沒有人, 找下找下, 先見一個環島通的工作人員,先知要在另一邊登記, 登記好就帶你上一部9人車, 坐滿人就開車去深圳北站, 上環到深圳北站要2個小時. 在南入口買票, 等佐20鐘先買到票,RMB$89.5一張深圳北站到潮汕站的二等車票, 對過証件編號和名字都正確後便安檢入站, 入到深圳北站先發現3個坐位編號一樣, 都是3車28號,便出番去, 個售票員都發現有問題, 就去問其他人, 幾分鐘後回來話是3個位, 28A, 28B, 28C 三個位, 不過無印在票上, 我話上到車時無位點算, 佢話可在票上手寫A, B, C,我要求重印票要有28A, 28B, 28C, 佢話系統無呢個功能, 後面排隊的人龍又長D, 我要求重新出票, 佢話咁就得, 但發現已沒有車票了,最後只好信佢所講的. 再安檢入站, 還是有點擔心, 到入閘了, 排到我的票時, 閘口顯示車票失效,第2,3張都是,但個閘員在我擔心前已話是部閘有問題, 改手動比我地入去, 上到車卡, 點解變佐軟臥卡, 原來軟臥下層張床變成座位A 和 座位B, 走廊個位變成座位C.望下其他乘客D票真是有印A,B或C的. 坐坐下, 又到上層個位睡下, 2小時20分鐘後, 晚上7時落車了, 天黑黑, 在潮汕站落車的乘客不多, 從南門出閘,被大量的士司機包團, 出番潮州市開價RMB$70一個人, 講下講下RMB$40一個人, 最後RMB$45三個人成交. 出到潮州市Check-in 酒店,都8點了,食個清淡的晚飯後. 因沒有回深圳的火車票, 便去長途車站買明天的巴士票回深圳, 點知動車通車後,潮州己沒下午回深圳的直達巴士, 呢刻又擔心明天點番深圳了, 直達車回深圳要成6個鐘,非直達的巴士時間,個售票員又話5個幾鐘, 再問佢話不清楚, 另一方法是坐6個鐘直達巴士到遠D的廣州火車東站,再火車回深圳. 此時只好回酒店, 問下前台. 佢介紹酒店的票務中心, 打電話過去, 佢話太夜, 幫不到手, 再問前台, 佢話路口有間火車的票務中心,可直出票的, 早上九時開門.回到房間後上官網12306, 星期日還是沒有3張回深圳的火車票, 11點再查, 系統更新中, 無得查.
#1 各有各忙

#2 軟臥卡

#3 原來軟臥下層張床變成座位A 和 座位B, 走廊個位變成座位C

#4 電視控制器和燈

#5 到達潮汕站

#6 在潮汕站落車的乘客不多

#7 清淡的晚飯

#8 清淡的晚飯

#9 清淡的晚飯

#10 動車通車後,潮州己沒下午回深圳的直達巴士

早上7時起床, 再上12306官方網站, 見到有幾百張回深圳火車票,即用手機去Book, 訂好後, 便網上付錢, 點知原來官網是不支持手機網上付錢, 只好用手機連到一部香港的電腦, 再登入12306付錢, 入完密碼後最後都是去不到完成的畫面.最終放棄網上買票, 食完早餐, 8時多, 再上12306, 只得番幾十張票, 約9時去到路口的票務中心, 我排第2位, 個售票員好努力咁開緊機, 打電話問Click邊個icon開機,, 轉頭又打電話問點開部印票機,轉頭又打電話問點輸入Login,轉頭又打電話問密碼入mud, 佢終開到機了, 我同第一位講話我要買即日票回深圳, 佢讓個位比我, 我要3張回深圳的火車票, 個售票員入來入去都跳回頭一個畫面, 試到入到時, 已沒票了, 點算好, 叫佢改為潮汕去中途站惠州南, 好彩全日仲有3張, 是一等坐的票,我話即要,佢就開始出票, 到輸入我地資料時, 見到是回鄉咭, 又唔知入邊種証件類別, 要打電話求救, 原來類別是輸入[港內],不是[內港], 終印出第一張票, 跟住又出不到第2,3張, 因個畫面去不到入証件編號個位,又要打電話求救, 入到後, 系統又話資料不正確不能出票, 再電話求救, 要重新輸入先打印到第2,3張票出來, 跟住我話再訂3張 惠州南到深圳北站, 同一班車還有座位, 但系統又話不得, 呢個時候個同事回來, 話系統每個人每日每班車只可買一張票, 咁買下一班車, 但原來全日已沒票了. 只好上車先補票. 跟住處現理好來潮洲的事便回深圳, 找的士回高鐵站, 途中停一個景點, D的士開價RMB$100, 最後$60成交.上動車後, 補票已沒有坐位了, 但最終都有坐位坐到深圳北站.點解和在潮州做mud野, 有機會再講.
#11 訂好後, 便網上付錢, 點知原來官網是不支持手機網上付錢

#12 與媽同行

#13 潮汕站

#14 潮汕站內外望

#15 潮汕站內

#16 香港的旅行團

—End—

發表迴響