黃子華棟篤笑《洗燥》頭場精華

瀏覽人數: 7575

今晚看了黃子華棟篤笑《洗燥》頭場,入場前有肥皂派!可是,剛好派到我前面一位朋友仔,肥皂派光,家陣洗燥沒肥皂!!!未睇先燥,點先?回水啊!!!!!

講笑姐,肥皂派光唔緊要,場騷好睇就心滿意足了!子華果然沒有失準,頭場好看!GOOD SHOW!

請注意: 以下將會透露棟篤笑內容…

I repeat: 以下將透露棟篤笑內容(慎入!)

子華出場!!!

3小時棟篤笑準時開騷,全因要看開場小電影,有劉青雲的!八時準時開始,大家記住不要遲到了!全場笑位不斷,密集攻擊,有些笑完就即場忘記了。回家回帶回想,以下是小弟記得的一些啜核金句:

開場小電影! 

劉青雲(PR 經理):

1. 做人無PR, 食屎啦!

2. 有日,我個女帶男仔返屋企,個男仔係間房度搞我個女。之後,仲留係度食飯。食完飯條靚仔問: 細伯, 有無甜品食啊?我即刻火都嚟埋,你已經食左我個女,食埋飯,宜家仲想食甜品。果刻我想推佢埋牆,打爆佢個頭再磨成粉末!!…當然,我無咁做啦,我做 PR架嘛!

楝篤笑

黃子華:

。 黃子華定理:X+Y=<X

。「斯文敗類」的相反詞是「麻甩君子」

。唱英文版帝女花: 「I am so sad, I want to die」

。做人想特別好簡單,只要講野時講埋標點符號就得:「小姐你返屋企呀問號」

。網上有位少女話寧願坐在寶馬裏喊,都唔要在單車尾笑,但有樣野少女知左可能會崩潰,其實寶馬係有出單車架!

。借錢比朋友周轉有分自轉及公轉,借比佢時就叫自轉(1日要收到數),但到還錢時就係公轉(好多年)

。歌都有得唱「人生如夢,朋友如霧」,借錢比朋友等於借左錢比霧,借完咪散囉!

。幾百萬億呢 d 唔叫天文數字,係地府數字

。美國的國債差不多等如一年的淨GDP!如果一個人洗凸了他一年賺的錢,他不是給老千騙,而他就是老千!

。現代女性有兩個性徵,1是有子宮;2是有個LV

。1000隻羊用條脷賴一下隻牧羊狗叫做攻擊,但如果得我一隻羊去,呢啲叫舔,服侍嚟架喎!

。人類用左800 萬年由馬騮進化成呢幾年先有iPhone,如果咁就世界末日,一定係Samsung搞事

—————————————————————-

全場笑不停,金句數不清。若然記得其他的金句,歡迎提供!

子華 GOOD SHOW!!! 但都係要回水…!!!

This entry was posted in 香港. Bookmark the permalink.

發表迴響