女性私密問題の 解決 – INTIMA 陰部重塑療桯

多數人只會講生完BB身材走樣,個樣殘左,
但大家都唔會提及陰道變得鬆弛,滲尿,甚至失去性趣呢d私密話題。
但唔講,唔代表唔存在,身邊好多媽媽生完小朋友都有以上的問題,
但大家似乎都無諗過要去解決,或根本唔知有得解決 ⋯
現今科學咁發達,唔係下下都要做手術,
一d非入侵性既療程其實已經可以修復到以上的問題
今日我就親身去試左啦~
Venus Aesthetics 
呢度的環境好舒服,無左平時美容院個D冷冰冰既感覺
好似返番左屋企咁溫暖
療程開始前,美容師好詳細咁同我講解左呢部機的功能,原理
消除番大家心理既疑問
 今日做呢個療程叫
INTIMA  陰部重塑收緊治療
係一個首創非入侵性無創的療程
以前要重塑陰部,唯一既途徑就係做外科手術
唔單止要全身麻醉,仲要4星期去復完
但依家呢部INTIMA 機就可以發出能量
促進新的骨膠原白和新的彈力蛋白增生,從而令大/小陰唇和陰道收緊
如多人以為只有生完小朋友或熟齡女先要做呢個療程
唔啱得哂囉~
其實輕熟女都好適合架~ 點解?
呢個療程的主要功效,除左可以收緊番大/小陰唇同陰道
緩解尿滲,失禁以及更年期症狀外
仲可以增加陰道肌肉彈性,性滿足感亦會提升

 

 

而且,佢仲可以平滑大小陰唇的摺位,減少細菌滋生和分泌物
可以減少陰道炎,念珠菌的復發架~
所以,咩年紀既女性都適合做呢部機架~
聽完資簡介,仲睇左唔少外國的實例圖片,真係好心急想快D去做呀
今次的美容床較特別
好似做婦科檢查咁~XD
有左右2個支架俾你”朗”起隻腳架~
今日就係呢部 PROTEGE INTIMA 機
聞說香港半島酒店SPA房都係用呢部
而且講緊係做一次要 9000蚊
今日同我做既美容師都考取左呢部機的操作證書架~
所有接解到客人身體的用品都會換上即棄架~
就好似成個儀器頭都會用即棄保護套緊緊包裹
就算放落身體個塊電導鐵片,都係用上即棄的呀~
開始時,美容師會係陰部搽上涼涼的GEL
用作潤滑及降溫之用
之後美容師就會利用儀器頭在大/細 陰唇的陰部外圍來回治療
整個過程絕對無入侵性,亦不須探入性,只係體外進行
儀器頭會發出熱力,但只係大約38-39度,和體溫相近,所以絕對唔怕炙傷
係冬天做感覺仲好溫暖添~
整個過程大約25-30鐘就完成
過程中真係完全DD痛都無,亦都無好難受的感覺
治療前的表皮層及真皮層都有凹凸不平
但經過 INTIMA 治療, 可以增厚多逹51%的膠原層架, 所以成個表皮層都會漲番~
美容師幫我影左前後的效果,真係好見效
成個陰部感覺都緊緻左,提升左,
唔再係鬆泡泡的感覺~
實驗證明,治療後3個月的骨膠原有明顯的增長架~

 

女性尿滲,陰道炎呢D睇唔見的辛苦真係好難講出口
以前就話無辦法解決,要死忍啦~
但現今有方法可以解決,又何妨一試呢﹗
四次療程 / HKD 28000
(不設試做,以逹最佳效果)
想知多D,可以瀏覽以下網站或聯絡VENUS 直接查詢啦~
Venus Aesthetics 無痛·無創,你的塑型專家
https://www.facebook.com/venusaestheticshk/

以上療程由Venus Aesthetics 提供

如要聯絡本人,請電郵至: smonkichi@hotmail.com
Posted in 美容療程 | Tagged , , , , , | Leave a comment

素菜私房菜~ 一新耳目

平時講起食齋,好多時都係去齋鋪
同埋好多都係中式齋為主
食西式齋的地方的確唔太多
而且仲係食素菜既私房菜,真係第一次呀~
~家素素食私房菜~
呢度入面既裝修真係好特別
好有田原自然風之餘,亦帶出強烈的素食訊息~

 

叫得工廈,地方當然唔細,每張枱之間都好有距離,自成一閣~
每一角都有一個特色設計,好似一間間唔同既房咁,好特別~

 

呢度仲有一個售賣素食食材既地方,好多食物都係平時好少見,
睇完一轉,真係大開眼界呀~

 

話明係私房菜,食物飲品都係由店主發板~
先黎一個香香的,清徹通透的玫瑰花茶~
玫瑰花朵朵都好大朵,唔係平時既細細粒花朵~
而且仲有好香的玫瑰花味
最重要係無左廉價玫瑰花個陣野 UP UP 花草味~

 

前菜也很是特別的
甜甜的黑豆,加入了醬油和糖煮,非常可口,用來平時做小食一流~
生果也非常清甜可口
那個炸雞脾菇外脆內滑,炸得非常好~

 

珍菌黃耳牛肝菌養生燉盅
雖然入面全係菌同素菜,但味道非常濃郁,好似飲緊豬肉湯咁~
第一次食黃耳,質感同桃膠好似,功效亦都非常相似,所含膠質亦非常豐富
而且它能促進肝脂肪代謝,防止脂肪在肝臟中累積,提高肝臟解毒功效架~

 

成個湯超級多料,飲完食左都飽左一半~
黑松露素鵝肝拼鮮果

 

素鵝肝的的質感較實,感覺似食緊午餐肉
不過加埋醬汁調味,成個感覺好實在
有機鮮蕃茄焗大啡菇
 
呢度菜,就咁睇,點都唔似齋,賣相非常靚~
大啡菇非常厚肉,咬落好JUICY
有機蕃茄都好甜,一D酸味同草腥味都無~
啡下面有非常多的雜菜同菇菌,有各種唔同品種
不過我覺得煮得有少許淋,如果爽身番少少就更好~

 

有機椰油牛油果炒飯
呢個飯非常的香,那陣椰油味真的非常濃郁
飯入面加入了好多牛油果,仲有菇粒同松子
口感有軟有硬,好複雜,但亦很新奇有趣~

 

不過因為加入左椰子油的關係,呢個飯亦都比較油膩,感覺有D滯~
甜品
黑冰糖貢棗燉桃膠

 

黑冰糖好清甜,
加上最近大愛的桃膠,真係又滑又滋潤~
雖然好飽,但最後我都食哂成碗~XD
第一次食西式全素宴,估唔到感覺好特別
有D似食緊FUSION 菜,亦真係似食緊平時既西餐咁,最重要係無中式齋咁油膩
之前以為食素菜唔太飽,但唔估唔到同食肉一樣咁飽肚
每款菜都好有新鮮感~ 睇得出廚司亦落左好多心機係每一度菜度
試過呢個私房菜,包保你會對素食改觀
~家素素食私房菜~
觀塘成業街19-21號成業工業大廈2樓24室
如要聯絡本人,請電郵至: smonkichi@hotmail.com
Posted in 中國菜, 九龍, 其他, 家庭聚會, 情侶約會, 特色餐廳, 生日派對, 知己聚會, 食材 | Tagged , , , , , , , , , | Leave a comment

媽媽購物好幫手~ 親子王國 KMall 購物平台

做左媽媽之後,真係好少機會行街買野,BB細個時揹住又重, 唔想行,
大個時叫佢陪我行又嫌悶~@@ ,所以我都係網上購物多
而  KMall 就係其中一個我成日瀏覽的網上購物平台
KMall 其實係BABY KINGDOM 的一個網上購物平台,
所以買既產品都以媽媽/BB為主,好啱我地呢D媽媽睇~
媽媽區入面既產品真係多到數唔哂
有產前產後產品啦, 個人護理產品,哺育用品, 家居安全…
甚至連煮食廚具都有
而 BB 區方面當然更加多選擇
特別寶寶護理方面,由 LOTION, CREAM, SHAMPOO ….到如廁用品都有
當然仲有奶樽,奶嘴..玩具, 奶粉…….應有盡有
KMall 仲特設一個尿片區同圖書區
尿片區唔單止有特價,仲可以成箱咁買,運埋回家唔使拎
閱讀係現今家長好注重既
KMall 搜羅左好多熱門的童書,仲有特價添~
KMall  仲有根據唔同節日推出特別優惠產品
好似就黎聖誕節,KMall 就推出聖誕優惠套餐
仲推出無激素,無基因改造的食物,特別適合小朋友架~
KMall 品牌多逹400個
除左好多本地優質品牌,仲有好多外國出名的嬰兒品牌
有時我地都會上網,上FACEBOOK 代購呢D品牌既產品
但係KMall 買,除左可以慳運費,仲保證唔會買到假貨~
KMall 仲不定時同唔同品牌合作,推出一D優惠架
留意住,分分鐘執到平野架~
KMall 本身都不時推出好多優惠
依家做新會員,仲可以有30蚊 KDollar ($1蚊 KDollar 可以當港幣$1蚊使用)
同100蚊 KMall 優惠劵
未登記既朋友就快手啦~
係KMall 購物時 CLICK 入去件產品度就可以睇哂產品的特性,用法同成份
方便了解選購,唔使自己買左咩都唔知~
睇啱加入購物車,再俾錢就得架啦~
購物車一眼睇哂自己買左咩
俾錢時記得選埋配送方式呀~
KMall 可以提供
家居送貨 / 官塘點自取 / 順豐站 / 物流公司提取
只要係KMall 買滿400蚊就有得免費送貨架啦~
(依家聖誕優惠,300蚊就可以免費添)
俾錢就仲簡單添
可以揀信用卡,銀行轉帳, Paypal 或者貨到付款都得~
今次我買既都係重野
所以揀左送貨去屋企
係”我的訂單” 可以睇到送貨單號,方便追蹤
仲可以睇番成張單買左D咩,清清楚楚~
由落單到運送一般都需時2-3日
但我好好彩,星期一買,星期二晚已經收到貨啦~HAHA
我最鐘意上網買呢D日常清潔用品
因為呢D產品通常都好鬼重
下下成 1000 ML 1樽,買多幾樽,真係拎到手軟
而網上購物,就可以舒舒服服坐係屋企等收貨啦~
想知我買左咩荀野,可以CLICK 入去下面既連結睇睇架~
KMall  website : https://kmall.baby-kingdom.com
如要聯絡本人,請電郵至: smonkichi@hotmail.com
Posted in 其他, 消閒, 親子, 護膚 | Tagged , , , | Leave a comment