荔枝與孖寶 人生就像是一趟奇妙的旅行,我們就在這裡分享與紀錄這趟奇妙旅程吧!

高蛋白質又低脂肪 滋陰養顏 禦寒同時調理身體的靚湯


過年大家都可能日日出去拜年, 食埋食埋好多熱氣野, 而且又晚晚玩到好夜先返, 體力透支了. 大家都係時候調理返好個身體, 迎接美好的新一年.



除咗平時我地一家都會日日飲這杯紅紅的super healthy drink杞子汁來提昇身體, 增強抵抗力之外. 孖媽有時都會盡力煲返D靚湯比孖爸飲. 

今次就係新年優期, 煲咗個陰養顏, 禦寒又可以調理身體的靚湯比一家大細飲, 翅群角是鯊魚沒有翅針的部位,質感軟硬適中,營養和益處跟魚翅相似,因魚翅價錢較貴,煮食複習,一般家常便飯較為少用,而翅群角價錢便宜,煮食簡單,含豐富的蛋白質及膠元素,極具營養價值,中醫稱有補虛下氣功能,膠元素更有能令皮膚光滑,減少皺紋,常服更能常保青春.

花膠湯的主要食材是花膠,其實就是魚肚,是魚鰾的干製品,含有膠質。很多女士都喜歡飲花膠湯來滋陰養顏, 一齊睇下以下食譜:


花膠翅群角圓肉豬展湯


功效: 滋陰潤燥, 強骨保健, 振靜安神 滋陰養顏

材料:

紅蘿蔔 4條

花膠 適量 

翅群角 適量

栗子 1 磅

粟米 3大條 

螺頭  數個

蜜棗  2粒

圓肉 8-10粒

薑  3 片 (拍扁)

水 大約 2-3 公升

做法:

1. 所有材料洗淨、切件,備用

2. 瘦肉出水,讓其血水去掉,用冷水洗乾淨

3. 將翅群角加薑及鹽出水

4. 栗子去殼去衣, 洗淨; 備用

5. 將清水注入湯煲,水滾後放入所有材料,再滾。之後轉細火,煲1.5-2.5小時便夠火候

6. 如有需要放適量鹽調味,拌勻


而大家亦可以將湯渣取出放於碟上,以生抽伴食

新年當然唔止碟湯, 我仲煮定幾味等孖爸回家齊齊食餐好, 迎接Abundance Year!

祝大家新年快樂  心想事成  萬事如意!


我和孖寶的Facebook Page: 荔枝與孖寶 

當媽後 過年大不同

舊文回顧


細個個陣好喜歡過年,梗係啦有新衫、新鞋著;又有好野食;仲會有壓歲錢;而媽咪新年唔會鬧我地、成日都係笑瞇瞇咁,無拘無束,細個真係好開心。

人大了,過年好像愈來愈無氣氛,少咗細個嘅興奮同期待。

畢業、返工、亦愈來愈唔喜歡過年……


因為通常未結婚就會問你幾時結婚;未生BB就會追問你幾時生BB。快D生! 真係有苦自己知。

生咗一個BB又會問你點解唔追多個;無樓嘅就問你點解唔買樓、幾時買樓!?


有時適度嘅關心係善意,過度嘅關心可能會變成壓力,就算再好意亦有可能會變成惡意!

跟孖寶一起做的揮春!

人長大了,就好似一定要跟住大家所謂既定好的時間表去行,你跳出咗呢個一般人常規嘅框框,就好似好大問題咁!所以有時都只會打個招呼就好快咁閃人!因為都怕呢d關心會由他們脫口而出,講中自己心中的痛。

不過以家有咗 Caydan Ramsey,我唔希望他們會感得麻木。我只想他們對新年係應到溫馨同期待。所以我當了媽媽好真係會好熱絡咁去張羅過新年的一切 。

同佢地一齊去超市辨年貨、買新衫、行花市一齊貼揮春、入利是、包禮盒、放賀年全盒、教佢地恭喜、教孩子拿全盒給長輩「搲銀」聽他們的嘻笑聲。我只希望把一切新年的美好都告訴給他們。

令孖寶感受到節慶的歡樂氣氛,我絕對唔希望孖寶對節日嘅感覺跟我們大人一樣係麻木畢竟我們做人還是需要有所期待。何況係小孩至於其他嘅野他們長大後,相信佢地自己就會有所體會。

孖媽希望他們會好好珍惜,會感恩每一個節慶都可以跟家人齊齊整整咁聚在一起!

祝大家新年快樂  心想事成  萬事如意!

給二歲半的你倆

到今天相信我已手新手菜鳥媽媽變成老鳥了;從開始完全茫然到你們坐、行路、講野到今年要幫你們安排幼稚園的事,以家每天盡力跟你們一起看世界、一起學習。轉眼很快又將會要為你們預備報考小學,這一切一切實在來得太快,孖媽心中確實萬般不捨。


你兩兄弟的到來,孖媽跟你們一樣都是新手初試,謝謝你們讓我可以跟著你們重新去學習,通過你們的眼光再一次去重新認識世界,在這包含懷孕將近39個月的旅程當中,我努力地去學習當一個好的媽媽,希望成為你們的榜樣,讓你們看到媽媽亦是很努力認真地去做個善良,堅持,勇於學習,自愛,盡力幫助別人,希望可以成為一個有正面影響力的人。幫助你你們看到將來可以如何自持。


Cay Cay你雖然長得大一點,當上哥哥。但你心思敏感細密,學習能力很強,數字跟A B C 學過幾次都已經知道個大概。你性情穩定、一直都很懂事,媽媽跟你解釋過的都明白亦會盡力嘗試。只是有時候你有自己的堅持、但孖媽相信心地善良嘅你,慢慢就會明白好多時候我們說不要這樣做,其實都是為你們好。

謝謝你總是會說要保護媽媽,令媽媽的心好甜好甜,有時細佬不跟大隊,你都會幫手說: Ram Ram返來呀! 因為有你,孖媽總是比較累小一點點。


Ram Ram你跟哥哥一樣有善良心,你們性格分別很大,但共同點都是你們很有同理心,這是媽媽最欣慰及希望你們以後都可以保持著的事。記憶力超好的你,有時說出令爸媽都好驚訝嘅事情,總係暗暗地令我們讚嘆。只是你有時睡前跟差不多睡醒的無情力,很多次都令到媽媽傷痕累累。不過這一切都不重要,最重要是你們可以健康成長。

對你媽媽內心總是覺得虧欠,當初不能把你留在媽媽肚子久一點,令你再強壯一些才出來。孖媽很記得當天在病房我哭著跟你說對不起,媽媽令你受苦了。記憶猶新你當時給我的回應是,報以一個微笑,當時才幾天人仔的你,就已經這麼會關心別人的感受。


Ram Ram最近都好喜歡唱歌,音樂感不錯呢。孖媽每天看住你們吵架又相親相愛,看住你們常常搶玩具,又一起有商有量聯手去搗蛋,雖然有時會有一點無力感但內心總是因為你們而暖暖的。


對你們 爸媽沒有什麼要求,你們只要熱愛生命,珍惜生命,自己有能力時會幫助別人,繼續做一個尊重長輩、正直、善良的人。媽媽亦是這樣努力著。


還有仍是一樣想感謝天父伯伯,幫助我們完成心願,成就了我們家這個意義非凡的奇妙恩典。除咗令我們成為爸媽之外,更令我有更深的體會感謝自己同孖爸的父母,學習成為溫柔、堅強、寬容的人。


孩子你們都是如此幸運的,打從一開始在媽媽的肚子裡,就已經有對方為伙伴,互相依靠,長大後亦要如手如足,支持同幫助對方。


Caydan Ramsey 生日快樂,平安喜樂,恩慈信實,延續天父伯伯的美意。

愛你們的爸媽上

我和孖寶的Facebook Page: 荔枝與孖寶 

Post Navigation