從根本擊退黑色素@CUPAL Beauty

夏天都來到尾聲,伴隨住美白工程係咪都可以差不多完結喇?答案係錯架,其實我個人認為真係全年365日一日都唔可以收工架~夏天既美白係防止黑色素形成,而冬天既美白係修復返夏天防唔到既工作。而以往一直以為美白係搽精華呀,防曬呀,就可以叫做係一個好好既保護,但直至我遇到佢—-CUPAL Beauty 褪黑透肌美白丸。

「CUPAL Beauty 褪黑透肌美白丸」針對亞洲人「淨白無瑕為美」既概念,獨有配方VitaC-Ptero,可以高效抑制酪氨酸酶既活性,阻礙黑色素合成高達68%,堪稱亮白肌底既救兵。只需每日2粒,持續食3個月以上,就可以斷絕黑色素细胞既訊息傳遞,阻止黑色素增生,全面提升肌膚健康,自然由內散發晶瑩剔透感,令肌膚持久亮白!
 

而我每朝都真係好乖甘第一時間就食2粒褪黑透肌美白丸,其實我之前都聽過美白丸呢樣野,但都似只係日本流行,有諗過買一盒返黎試,但由於我唔識晒日文,唔知食咩分量,加上如果真係食得好之後又點回購呢?所以打消左呢個念頭,既然CUPAL Beauty而家就推出左呢款褪黑透肌美白丸,甘方便,無理由唔試下佢。

我本身既皮膚唔黑,都算白,但由於生完咕咕妹之後,塊面唔多唔少都多左少少黑斑,之前一直好想打左佢,但又怕痛,同埋要樣衰2個星期,甘所以都無做到。而食左呢款褪黑透肌美白丸開頭1-2星期無乜分別,但去到第三星期,好似我原來位置既斑真係淡左少少。而家我食左接近2個月,成績真係都幾唔錯,

>>>>
>>>>

不過最後有句說話係一定一定要大家記住,食呢d補健品一定要持之以恆,如果只係抱住一個衝動想去試一,兩星期就真係勸你唔好食好過,因為始終呢D野唔係快見效,最少都要食成3個月先叫一個療程,所以各位SIS,想試前請先衡量一下自己有無呢個美白既決心喇~
Posted in 美容食品 | Leave a comment

夏日急救箱@Kiehl’s

夏天,我基本上真係只會收埋自己係個冷氣房,但一走出個冷氣房,伴隨住我既隨左熱之外,仲有嚴重既油光問題,原因係我皮膚既水份都被冷氣抽乾晒~其實都理解,雖然係話夏天應該要搽更多保濕產品去令皮膚唔好甘乾,但始終搽甘多都笠痴痴,自己都覺得唔舒服啦~但早排CarTungBaBy收到呢款Kiehl’s特效清爽保濕系列既啫喱乳霜同乳霜,唔好話我賣花讚花香,我自己係試左成2個星期多先出文推介俾大家,因為真係太正,想知有咩甘正,請繼續睇埋落去~

首先大家一定會被我上面既相片吸引左,無錯因為Kiehl’s同國際知名插畫家Dave Homer畫左呢一套香港限量版,大玩以香港特色標誌既物件、地標等結合埋Kiehl’s,創出呢一個玩味性重既系列。而家只要係Kiehl’s購買指定產品就可以獲得購物袋或環保野餐墊。個人就對呢個購物袋最感興趣,因為一般既tote bag係無拉鏈,Kiehl’s呢個唔單止有拉鏈,仲要係有佢好靚既K字。
 

環保野餐墊亦都係印上好靚既ROLLING PRINT,呢塊墊真係大到夠我係上面平訓,而且佢質地好軟好舒服,用完又可以袋返入個袋,非常貼心既設計。

好喇~到主角喇~特效清爽保濕啫喱乳霜同特效保濕乳霜,2個有咩分別呢?簡單講,一個係cream一個係gel~

甘你又可能會問,應該揀gel定cream用呢?我自己答案係2款都需要,因為唔單單係根據膚質而選擇,仲有環境都係考慮因素,就好似點解要分日夜霜既原理一樣,唔同環境同時間,皮膚都有唔同既需要。
特效清爽保濕啫喱乳霜,佢主要為中性至油性肌膚帶來清爽既保濕效果,為肌膚注入源源水份,調節肌膚,持久鎖住肌膚水份,可迅速被肌膚吸收,即時感到清爽涼快
而且24小時保濕及控油效果。不含油份、防腐劑、不含矽氧烷、不含香料。不阻塞毛孔,不會導致粉刺。
   

點解我講返甘正先,原因係佢係非常保濕既產品,我第一日用既時候,一搽上去,皮膚馬上有一陣FEEL到好強滲透既感覺,呢個感覺大家搽左2-3日左右,開始無甘強,而且會FEEL到皮膚真係好有彈性。
呢個CREAM,我十分推介大家可以當日霜用。因為佢一D都唔笠,吸收亦都好快,好岩趕返工,但又要化妝,但又要急救皮膚既人士用。
由左至右看,見到皮膚係搽完後感覺飽滿。
   

特效保濕乳霜,佢係24小時面霜,可以減少水分流失,同時從空氣中吸取水分,一整日持續保濕,令肌膚更顯柔軟幼滑,
展現健康光澤。
   

我覺得呢隻CREAM係比頭先個隻更強,搽左上面既感覺亦都大d,所以呢隻CREAM我覺我岩晒係冷氣房人士用,用完係馬上覺我皮膚好有回彈性。
 

好喇,我既分享就到呢度,希望大家鐘意啦~

Posted in 護膚 | Leave a comment

大人小朋友,都要繼續飲奶奶

作為父母,我最常聽到幾樣野,1.你小朋友戒左片未?2.你小朋友戒左奶未?,其實我覺得前者要戒係好應該,因為有著片小朋友自己都覺唔舒服,但戒奶其實我個人都唔係好明點解要戒,EVEN我自己本人都係每日早餐一日一杯,亦都好多人有睡前飲奶既習慣,但點解要小朋友過左2或3歲就要戒奶呢?呢個問題,係似乎係一個風氣,但唔係真正一個有根據既習慣,反而唔飲奶對身體百害而無一利吧,想知到底會對小朋友有咩問題,睇埋落去你就知~

我自己女女而家就已經3歲,但佢仍然係早/晚一支奶(約180ml-200ml,奶粉沖泡),有時茶點亦會有(110ml,一小盒紙包奶),我身邊既親友都話,嘩咩甘大個仲飲奶?要戒啦~其實要戒係咩意思?完全唔飲?只係飲一餐?其實早前CarTungBaBY就出席左個講座,佢地做左個調查關於兒童的奶類攝取情況



發現綜合受訪兒童進食牛奶、芝士及乳酪製品的情況,發現九成半(95%)受訪兒童的奶類攝取量低於衞生署建議的份量(2歲至17歲的兒童和青少年每日進食兩份奶類)-超過三成(33.7%) 受訪兒童完全沒有飲用牛奶的習慣

呢個數據話俾我地知,近7成兒童(67.6%)有進食奶類製品,但不足每日2份;,3成半(34.6%) 家長有進食奶類製品,但不足每日1份。但其實我地身體係每日都需要吸收呢個份量,而另一個問題就係運動量嚴重不足,

-只有一成半(15.4%)兒童的運動量符合世界衞生組織建議5 歲至17 歲兒童及青少年每日運動60分鐘的標準百分之七兒童(6.7%)完全沒有運動-小朋友認為與父母做運動時會感到快樂(平均 8 分,滿分為 10 分), 但四成(40.4%)兒童指家長沒有陪同做運動

試問一個人,又無均衡營養,又無適量運動,想健康都難,其實衞生署建議任何年齡人士,由兩歲既兒童到長者,都需要每日進食至少一至兩份奶類同代替品,而牛奶就係其中一種蘊含多種豐富營養素既食物,包括蛋白質、鈣、磷、維他命 A 同D等,應該keep住俾小朋友每日進食兩份奶類。
 

而運動方面,我相信好多都市人都會話,我好忙,我好攰,我無時間,我放工都散,唔想郁,但其實運動就好似營養一樣,係身體所需要,如果長期缺乏,病痛就自然出黎,而我自己亦都常見既係小朋友到小學階段,就好似十個有八個都變左肥仔肥妹,香港浸會大學體育系副教授同香港運動醫學及科學學會會長雷雄德博士表示:「超過一半受訪家長(54%)誤認為『飲食均衡』較『適量運動』重要,但兩者都係兒童健康既基礎,絕唔可 以只係食,唔郁動。美國運動醫學會指兒童每星期至少有三日10至15分鐘既跳躍活動,可以為骨骼健康帶來好處,而投擲活動就可以鍛鍊協調性,專家指六至九歲係發展協調能力既最佳時間。所以小朋友應與參與多元既運動項目,透過跑、跳、擲等唔同運動類型,俾孩子得到心肺功能、骨骼及肌肉等的全面健康發展。

最後係度鼓勵家長應該同子女一同建立均衡飲食同恆常運動習慣,長遠有助減低非傳染疾病風險

更多有關世界牛奶日2017及香港兒童健康調查,可以去以下網址了解更多:
http://www.worldmilkdayhk.com

Posted in 知識, 親子 | Leave a comment