野蠻天使 ❤ 私家竇

【療程】✿ 為肌膚即時註滿水份 ♬一小時零入侵深層清潔肌膚✿

11月秋意開始到了,
不過時涼時熱既天氣的確吃不消
早前剛剛跟家人去了一次家族旅行
由熱到癲左既曼谷,番到有d涼意既香港
的確令我有一點受不了,加上去旅行的時候
Gogo 也許受不了天氣既改變
大病了一場,回到香港的我們也要為他去找醫生
超級疲累之餘,肌膚也有一點吃不消,
跟小朋友看完醫生,急急忙外出去找美容師打救一下我

今次媽媽放空時間,
我就去左旺角呢間美容小店Belle Stage
由於當日我睇醫生遲左出發,所以就唔特別介紹場地
我地直接入去房去做Facial 啦
其實美容院就係唔算大間,唔會有好多既房間
以我所見好似有兩至三間既,
最重要係冇所謂既顧問房間,我真係好怕
雖然房間唔大,但係樣樣都有
而今次打救我肌膚既療程就係
Collagen Enzyme Treatment
首先入到房間後,美容師會為我先清潔肌膚
的確係去完旅行唔夠訓期間,又趕住同小朋友睇醫生
又熱又乾,肌膚有溫柔既雙手幫你洗面超爽的!
洗好面,或者你以為一定又係去角質啦
去角質都岩,不過係今次係利用酵素去角質
首先會利用由木瓜同菠蘿酵素粉劑及活化劑混合
最重要係,為左提高療程既成效
呢個混合物係當係要搽之前,先會開始Mix 埋一齊
然後就會均勻搽係面仔,等待一陣
等酵素準備乾同埋可以令滲透至皮膚底層
就可以推走d 垃圾出黎架啦
當等到差唔多乾既時候,
美容師同時都會為我輕輕按摩
同時亦幫我清潔肌膚,就可以進行下一個程序啦

 

然後下一個程序,就係進行為導入精華、
膠原蛋白肽及40%濃度透明質酸至皮膚底層,
將肌膚皺紋減淡,全面抗衰老。
由於利用左噴槍既方式,可以令精華更加容易滲透
雖然一路噴一路都成面水咁,但係美容師係噴到咁上下
又幫下我按摩,等d 精華可以滲左落肌底
即時為肌膚飲飽水水呀!!
睇下噴完精華水水之後,肌膚完全飲飽水同埋覺得好飽滿
最重要係即時唔覺得再乾爭爭呀,當日真係番到香港好唔慣呀
突然間咁乾肌膚真係頂唔順呀,但係做完呢一步
我已經忍唔住即刻摸下面仔先
最後就Full Mask ,
老老實實做Facial 呢家野我真係好少會擺出黎
又肉酸又嚇人,所以好多時我呢Part 都會Skip
不過今次呢個倒模就唔係一Pet 野擺係面上
而係利用左好似叫黃金面膜幫頭先噴完既精華再加強同鎖住
等番大約20MINS 就完成啦

 

最後當然要睇下即時效果啦,
就係肌膚有咩分別啦,好明顯係肌底既水份係明顯高左好多
起碼我自己都Feel 到乾到扯住既效果先啦
同時鼻仔想甩皮既情況都即時改善
最重要係做完肌膚好似做左美白咁,起碼白左一度咁濟
証明我應該幾污JO….睇黎真係要好好清潔一下
不過今次真係令我好滿意好爽
如果大家有興趣都黎大清潔同時大補濕啦

 

Collagen Enzyme Treatment
試做價 $380

 

Belle Stage
旺角彌敦道585號富時中心1601室
電話: 2392 3733
Whatsapp預約熱線: 66894719
就這樣完結啦,下次再見!(拜~)
◕‿◕如有任何合作事宜.
歡迎以電郵或者到FB Page找我 ◕‿◕
謝謝唷!
Contact me:manman811@gmail.com

【成長日記】✿Hugo’s 成長紀錄 ♬Happy 19 Months ✿

轉眼又一個月了,轉眼你就19個月大了
早前媽媽最擔心的健康院檢查,
你都非常叻叻地已經完成了整個檢查
亦完成健康院要求既目標,
媽咪已經心滿意足了
近來天黑得很快,每天媽媽收工後也要急急腳
帶你去公園玩一陣,希望比你放一陣電開心一下

 早前媽咪襯去旅行前修一下頭髮
順道跟你剪了你人生第一次頭髮
不過看起上來,好像不太襯你的樣子
在十月尾的時候,我們再一次帶你出國
小孩你真的非常幸福,年紀少少已經坐了飛機兩次
或者明年媽咪未必有能力同你坐飛機
但我會盡自己能力之下會比到最好既野你
今次既旅行,係我地女家既家族旅行
亦係講左N 年終於成行既旅行,今次旅行其實真係好擔心
好怕我度既行程大家唔滿意
好怕gogo 會成日暴走,又驚佢去到唔適應d 野食
不過總算叫捱過左呢五日,係辛苦但係開心既
不過一差唔多番香港,GOGO 又開始病到七彩
亦叫好彩係,GOGO 係旅行後病左
睇完醫生食曬D 藥,係人生第一次面試前終於好番左大半,
起碼唔會呆呆濟濟咁啦
雖然成績唔知理唔理想,但係你當日表現我都好滿足
媽我都唔知幾耐冇著到咁斯文,就係呢一日咋
認真見工都冇咁緊張
你開始長大,表情都有好多變化
同時亦好唔聽話,真係有時會激死你
但有時對住你好冧豬,真係好一啖砂糖一啖屎
仲要成日爸爸爸爸到媽咪心都酸呢
點解而家既你唔會叫媽媽架呢?
呢排既Gogo 開始學講野,最清楚就係講爸爸Le?
然後突然聽我講多左叫BB ,
又會指住媽咪個胸部講BB (然後一句bb話)
又開始學講巴士?好似係
開始有知應該點除鞋,當然gogo 比起同日好多小朋友都係冇咁叻
不過希望小朋友你愈大愈快樂
有d 野真係迫唔住,呢個小朋友當你以為佢唔識
佢就會突然學識比你睇!
我信Gogo 你唔係咁蠢豬,只係你暫時唔講我知者xd
愛你,十九個月快樂Gogo!
就這樣完結啦,下次再見!(拜~)
◕‿◕如有任何合作事宜.
歡迎以電郵或者到FB Page找我 ◕‿◕
謝謝唷!
Contact me:manman811@gmail.com

【保養】 ♬本地品牌本木序❤ 居家必備‧秋冬必要的好產品 ♪゚

搭入11月,真的到了我最喜歡的天氣
既有點秋涼也人不會太熱
不過雖然呢個天氣非常之舒服
但同時亦係身體上既肌膚會容易受傷既機會
講緊咩野?咪因為因為乾燥就好易會界傷
或者因為天氣問題令到身體出現敏感或者乾燥問題
就會令你痕到有d頂唔順,
有時有d 位置仲要唔係咁易處理到
不過你話身體上既乾燥就話用Body lotion都仲可以解決

如果因為天氣乾燥而令到界傷肌膚
就真係未必靠lotion解決到
早前係朋友口中認識到一個香港品牌,
名為本木序,除左係本地品牌之外,
重要係佢地係生產天然護理品

係介紹本木序既產品之前,不如我都簡單地介紹下

本本序係乜東東黎架先,本木序除左係香港品牌之外
佢地既原料都好特別,
因為係由本地有機農夫手上購買他們自家種的農產品作原料
用左優質上乘的原料、力臻完美的配方
製作出天然護理品,更於香港設置廠房,
聘請本地人參與製作,一來為香港工業出力,二來更容易控制產品質量。

加上嚴僅認真的製作,提供純天然的功能性護理品;
同時兼顧環保低碳、本地就業、支持本土有機農業等社會責任。
聽起黎,其實分分鐘買一件產品仲可以幫到好多人既收入來源

而今次我就會介紹兩款它家既產品
首先就會有可以消炎,保濕,敏感肌都好岩用既
金盞花紓緩膏 $ $248/50ml

唔知大家對於金盞花既認識有幾深呢?
而我對佢既認識就在於我購買第一枝既
金盞花爽膚水既時候
當時只會理解它可以消炎,保濕,舒緩敏感
但係唔講唔知其實它對於比蚊咬,界傷都有幫助
而同樣呢枝「金盞花紓緩膏」,它的特點有以下這些:
– 止痕、紓緩,適合各種皮膚炎或敏感;
– 對於傷口癒合十分有幫助,如刀傷、燙傷;
– 真空瓶設計,乾淨、衛生、防止氧化。

主要成分包括:

– 金盞油︰抗炎、抗菌、止痕、癒合傷口;
– 德國/羅馬洋甘菊︰強大的消炎、鎮靜功效;
– 沒藥/廣藿香︰超卓癒合傷口之效;
– 沙棘油︰金黃色的植物油脂,當中含有β胡萝卜素,
通過皮膚進入表皮细胞後,能轉化為維他命A,
改善皮膚角質化及粗糙問題。含豐富不飽和脂肪酸,
有效保持水的代謝平衡,保護皮膚及修復受損。
話說有一日唔知點解係汞完奶之後,
手上面有一條我諗都成10CM長既界痕
仲要唔知點解係唔痛既,係點到水個下先有D 拿拿地
然後就見到一條好長既界痕,連老公都見到問我做咩玩咁大
由於介痕真係比較長,正當掂到水或者用手頂住汞奶既東西時候
都會隱隱作痛,真係搽左lotion都解決唔到
突然諗起,用呢枝金盞花紓緩膏試下先
呢枝金盞花紓緩膏質地會比較厚實一點
好似我呢條疤咁樣,
真係一粒黃豆既大細可以搽到大半隻手臂
搽左上去疤上面真係有少許刺激感覺
少少拿,但係唔算好痛
連續搽左三日,疤痕已經開始甩焦
掂到亦唔會再痛,隔多一星期左右連疤都冇埋啦
介紹左阿媽用既,又點少得介紹比阿仔用既先
對於BB 既用品我好重視,最好就係天然,有機
冇咩其他特別成份就最合我心啦
雖然我仔都有用開既保養品,
其實小朋友既用品用得好快

加上天氣乾燥阿仔就會一沖完涼就會狂R架啦

早前一轉天氣,阿仔就會狂R個肚仔R到我心都痛埋
有時我都懷疑過究竟個D係唔係濕疹
因為佢爸爸都係一轉天氣就會起曬爛咁樣
而今次我同GOGO 試下呢一款

洋甘菊嬰兒呵護潤膚乳

係本木序既洋甘菊嬰兒呵護系列
共有三款唔同既產品,而今次呢一款就岩曬所有BB 使用
不過就岩係當做普通保護,預防等等
如果損左,或者有紅腫就需要使用它家既另一款

洋甘菊嬰兒呵護膏

洋甘菊嬰兒呵護潤膚乳本身含大量皮膚所需的維他命、

不飽和脂肪酸、保濕因子及抗氧化物等,

能為初生寶寶皮膚的天然自身屏障打好基礎,

助其抵抗乾燥和潮濕的天氣﹔

月見草、金盞花、蘆薈、魚腥草等有抗菌、抗炎及鎮靜的功效,

可預防和減少尿布疹及其他皮膚敏感問題﹔

羅馬洋甘菊、甜橙精油有助紓緩寶寶情緒,有助入眠。

注意︰避開留血傷口
由於呢位小朋友真係好難會乖乖地訓係度比媽媽影張相
所以我就擺番張After 後既相片啦
相睇落好似唔太覺,其實係箭咀指住住個個位
比GOGO 抓到又紅又起粒粒,仲要愈抓愈起勁
今次就把心一橫,用左呢枝洋甘菊嬰兒呵護膏
比阿仔用左,隔左一陣佢就停左抓
同時仲好快訓到教,所以先可以影到相張相

呵護膏搽在肌膚上面時,會化作一個水份及保護膜

即時有D舒緩,搽多左兩日仲散左D紅同粒粒tim
小朋友身體上有d 咩特別問題,做阿媽會特別擔心
好彩今次有枝Cream 可以幫到我解決問題
介紹左兩款本木序既產品,唔知大家覺得如何呢?
認真的,香港製造的確會令人吸晴有購買既意欲高好多
除左之外,佢既品質亦好好,好多野時都可以即時舒緩
呢個冬天真係要靠佢地啦,我地一齊支持下
真係香港製造既小店啦!!
仲有仲有,我仲有好康介紹比大家
只要大家在本木序Eshop上面購買產品的時候,輸入「SA2828」,
全單可享減 $50 折扣優惠。
另外凡於網站消費滿 $300(全單折扣後)可免費送貨,
未滿 $300 需自付運費,有效日期至12月10日,大家要把握機會喔。
本木序官網:
本木序fb :
本木序IG:
銷售點也有這兒:
就這樣完結啦,下次再見!(拜~)
◕‿◕如有任何合作事宜.
歡迎以電郵或者到FB Page找我 ◕‿◕
謝謝唷!
Contact me:manman811@gmail.com

Post Navigation