野蠻天使 ❤ 私家竇

【保養】為肌膚體驗逆齡魔法❤ 保濕V面我有Ultra V 。★。

係網上Seach “Ultra V “
可能大家就會搵丁Ultra V Life埋線既療程
主要就係替肌膚提升彈性同時仲可以令線條更V
不過對於我呢D 怕死既人,始於醫學美容我真係未必咁試
不過近年韓國品牌Ultra V已經推左不少既護膚品
雖然呢個產品已經係香港都一段時間
不過多數都係美容業界人仕知道
但係好野又點可能唔同大家Share 先
係韓國大約平均每1秒售出14盒,
係韓國樂天Home Shopping護膚品界別2017年
銷量 No.1皇牌產品Ultra V Idebenone Ampoule
而家已經登錄左係香港Angel Beauty
而我當然唔輸蝕,早前去左佢地家既發佈會,
仲帶左盒Ultra V Idebenone Ampoule
番屋企試試先,睇下係唔係真係咁有效果?

而每盒Ultra V Idebenone Ampoule
都會有兩枝既小精華,或者你話唔係啵,
明明之前見到我分享係黃色既?
係,大家都冇講錯既,Ultra V Idebenone Ampoule
中文名字為艾地苯黃金亮澤美肌精華 
每盒為$320/2枝
含有995PPM濃度的艾地苯,具有六大提升肌膚功能:
水光、抗氧化、改善皺紋、美白、保濕及提升肌膚彈性,
可深層滋養肌膚,補充所需養份。
在第一次使用前,請先將精華頂的黑色蓋頂按一下,
將樽內的艾地苯精華釋出,同時搖勻就可以使用囉

 

然後就可以換上佢附上既吸管瓶蓋就可以使用
雖然佢真係好貴,但係要留意呀,
開左就盡量係7日內使用呀

 

不過又咁講,佢每次只需要一汞就可以搽曬成面
雖然質地好似有少少笠既感覺,
不過又真心咁講,又吸收得好快啵
我推一推就已經吸收曬係肌底
係呢個時候可以選擇搽埋面霜
或者好似我敷下面膜都可以架

 

同時要介紹既都係Ultra V Aqua Shine Mask
咁呢個面膜原價係$220/盒
如果係Angel Beauty
買一盒精華連同它家品牌其中一件產品
即時可以有一盒10片既
Ultra V Aqua Shine Mask
Ultra V Aqua Shine Mask 水光面膜
含多種功能性精華結合而成,具有保濕、
提升肌膚彈性、提亮、補充養分、美白等作用。
而且,不含化學添加成分,能使暗淡的肌膚變得滋潤亮白,
 保濕效力持久同時具鎮靜舒緩作用,故此,敏感肌膚均合使用
Ultra V Aqua Shine Mask 主要含有兩大成分:
1) 艾地苯:有效防止肌膚老化的抗氧化物質,
具有相等於4倍的維他命C及10倍Q10的抗氧化成份,
 以及塗抹肉毒的效果。
2) 3GF-Complex(即EGF、FGF及IGF):
能有效修復損壞之細胞,通過細胞移動而達至肌膚再生的效果,
同時能促進細胞分解,使細胞再生,
可以舒緩傷口、防止發炎並令肌膚重生。
面膜不算太厚但係又未係去到好薄好貼面
精華上就適量啦,我敷左約15-20mins
面膜都偏去有點乾,不過滋潤度都不錯的
敷完後肌膚Keep住好水嫩,
第二朝都好有彈性,同埋仲好夠水份
呢排天氣咁乾,我都費時專登拎洗面產品洗面
但係平時唔洗面都會覺得好乾,
果然使用埋精華同面膜第二朝仲好好
如果新年前夕拎黎急救真係好Work wor!!

 

襯就黎新年啦,如果唔得閒去美容院
不如同我一樣係屋企自己做護膚啦
今次介紹既產品係唔算平,但係真係幾好用
有興趣可以了解更多它家既資料
Ultra V Facebook:
https://www.facebook.com/ultravhk/
Ultra V 官方網店(網訂)
https://www.ultravhk.com/
銷售點係各大Angel Beauty 分店及其網站
尖沙咀, 九龍城,屯門,元朗,澳門均有門市
快d同我一齊體驗一下逆齡魔法
就這樣完結啦,下次再見!(拜~)
◕‿◕如有任何合作事宜.
歡迎以電郵或者到FB Page找我 ◕‿◕
謝謝唷!
Contact me:manman811@gmail.com

【療程】✿天氣乾。做保濕 ♬Hairless 冰極補濕滲透療程 ✿

要是媽媽放假,一係就要我自己請左假
一係就要爸爸幫手睇住個仔
但係新年前夕,唔為自己保養下
真係唔得掂,剪頭髮都要襯新年前做啦
面部既肌膚又點可以唔係新年前做一下呢?
早前,襯我親友結婚,就係去婚禮前
去左位於銅鑼灣既HairLess 做一個
深層保濕既療程
【冰極補濕滲透療程】

HairLess 位於銅鑼灣時代廣場附近既商廈
係去做療程既前一日,已經有店員預先提醒左我
約左做Facial 之外(要知道媽媽記性好差)
仲有條片帶你點去佢地美容院
(真係好彩有佢地條片,唔係真係會有少少迷路)
上到去美容院,美容師已經係門口迎接我
或者佢地每段時間都係應該一位客人
所以一上到去已經知道我係邊個
然後新客人就填左一些個人資料,,
亦有詢問是否需要廁所等等
咁店員就帶左小妹我入房間,
可以放底自己既私人物品等等
今次療程就不需要更衣,我直接訓上床上就可以囉

 

由於我打算來做療程既關係,所以我就直接素顏到達
所以美容師先為我先抹走臉部既塵埃
然後再洗面及去角質

 

清潔完肌膚後,美容師就先替小妹塗上
蠟菊舒緩保濕精華
主要成份就蘊含膠原及綠茶成份,
可抗氧化及收緊肌膚
當然就係有呢個重頭戲啦,就係冰極導入啦
不過要留意一樣野就係,
因為呢個療程係需要我地手拎住金屬棒幫助引流既
所以所有既金屬性/電子產品都要先放底唷
係療程開始既時候,美容師就會安排左一枝既金屬棒比我拎住
唔需要用力握住的,只需要手拎就可以囉
然後美容師就會先給你溫度試一下,
看看會否有點受不了,因為呢個MCS冰極補濕舒緩滲透療程
既機頭係由0至負10 度,而美容師安排左大約係負3度比小妹先嘗試
真係有點受不了可以通知美容師的
咁呢個療程既好處就係將平時搽極都唔滲透既Skincare
重重地打入最底層既肌底,
每次療程由下巴開始碌至到額頭,
途中不斷加入了蠟菊舒緩保濕精華
美容師不斷指”寶寶你肌或真係好乾呀,
d精華未碌已經滲曬落去啦”
其實我真係知架,但係我真係冇時間去做Facial呀
媽媽係適當時間真係要放一下假先可以啦

 

碌完兩邊之後,就可以敷番一些保濕面膜
幫助鎮靜同舒緩番咁正既療程先啦
不過由於我鼻翼同鼻頭黑頭粉刺也蠻多
所以就先敷上一個吸走一個污垢, 粉刺和黑頭既面膜
然後其他位置就敷上保濕面膜
大約20MINS 後就可以清洗後,
就會搽上蝸牛精華加強保濕就可完成囉

 

不如比大家睇下個對比啦,左面係我係出發前影底既
另外就是剛好完成療程後影左張相
雖然今次沒有針清又唔係做D 咩特別野
不過看起上來係精神好多,同時即使素顏都覺得好順眼

 

順帶一講,呢間美容院好多野都好貼心
不論提醒同埋話你知點上去之外
其實仲有呢個化妝間啦,化妝間除左係正常既梳同水噴頭之外
仲有不同既彩妝品,Con 水等等產品提供
即使做完療程要同情人約會/約左朋友見面
都唔怕話完全素顏見人啦係唔係?
題外話,我曾經問左美容師會否有清黑頭既服務?
因為佢地唔會以人手清黑頭,但係佢地係買左
污JO 水既D字頭美容公司既美容機
另外佢地公司亦有做脫毛療程,
有興趣既朋友查詢一下
好似話我介紹都有優惠架
今次分享既療程係冰極補濕滲透療程
美容院  HairLess Medical Beauty Center
地址為銅鑼灣耀華街25號丹納中心5B
就這樣完結啦,下次再見!(拜~)
◕‿◕如有任何合作事宜.
歡迎以電郵或者到FB PAGE找我 ◕‿◕
謝謝唷!
CONTACT ME:MANMAN811@GMAIL.COM

【食 ❤ 屯門】非一般情人節推介◕‿◕ 高質量。鮨千壽.。♥゚

好快又轉眼過年,當大家準備緊年貨之際
有冇睇到月曆,其實情人節就快到了
或者大家都係諗住咪Book 下d 西餐廳食下
最Hea 就係去食下茶記既西餐都好呢
雖然我都已經對於情人節呢樣野已經有了免疫
要是收花,倒不如給我買一些重要東西好過了
早前我已經留意屯門市廣場,有一些大執位
而早前也是做壽司店的位置
開了一間聽說蠻高級的日本料理餐廳
想試了很久,直至有一天先生突然提議
不如去試一下呢間鮨千壽

其實係屯門有既日本餐廳都唔算少,
不過叫有D質數既應該都要講係呢間啦
咁我地就主要叫左一些熟食類,
本身係有諗住食刺身併盤/壽司併盤
最後我地就先揀左食一個卷物啦
首先有出場既係呢個
牛油果軟殼蟹卷物 $79
首先真係覺得個牛油果好夠多,
係差不多是一整塊既牛油果
軟殼蟹都幾夠熱,同埋夠脆
整體都不錯的,推介必點!

 

另外就是我看隔離枱點了這個刺身飯好吸引
同先生傾完就話不如要點刺身併盤,
倒不如點兩個刺身飯會更好啦
起碼先生唔會餓住個肚仔嗎
首先有既呢款係雜錦魚生飯
分別有三文魚,一整塊甜甜的海膽
油甘魚,牡丹蝦,熟蝦,蟹籽etc…
刺身真係好夠新鮮,亦唔會有雪到冰既感覺
同時好夠厚度,雖然份量應該是一人份,
但係對我而言都好夠飽

 

另外就係店員推介的雜錦天婦羅 $108
本身係想食天婦羅蝦既,但係店員就推介
呢個雜錦的,因為樣樣有d
連同三種不同既鹽,分別有綠茶,咖哩同原味
不過由於我地掛住餵Gogo 食野,
所以呢個天婦羅有少少凍左,味道都差左少少

 

呢個壽喜鍋,係期間限定既
應該係專比寒冷既冬天享用的
今次我地就揀左牛肉鍋另加烏冬 $13x + 38
 湯底好清甜,牛肉唔會係已經完全煮熟既狀態
加上手加烏冬,真係好夠暖胃又好味
不過就有個生雞蛋,要是比小朋友享用既話
記得一上菜時,一定要攪勻落湯底
最後就係要介紹既就係就係都係刺身飯
就係北海渡刺身飯
呢款刺身飯同雜錦既相對好似冇咁多款刺身
不過佢個海膽入口即溶真係好好味
不過飯既份量就大約一人份,男仕吃可能就剛剛好
但係唔會夠飽個種
今次晚餐大約就食左七百幾蚊啦,
個人認為佢地既刺身係好新鮮既,
同埋佢又有一些係新鮮魚類產品,
係由師傅親自按時令訂購,所以每次去都有一些精選食品推介
當然你有想食既食品亦可以預早通知餐廳再為你安排
預期比錢去食D 一式一樣,又成班情侶係身邊既西餐
不如試下不一樣既情人節晚餐?
今次分享的店是鮨千壽。屯門
屯門屯順街1號屯門市廣場1期1樓1108-1111號舖
就這樣完結啦,下次再見!(拜~)
◕‿◕如有任何合作事宜.
歡迎以電郵或者到FB Page找我 ◕‿◕
謝謝唷!
Contact me:manman811@gmail.com

Post Navigation