天然護唇之道

上回提到天然護膚之道,今次講下我最緊張嘅「咀唇」!

身體皮膚好似家父,不過咀唇似足呀媽!應該係呀公先係…
天生上唇唇色深,人人都以為我中咗毒咁…..
偏偏咀唇又厚,搞到好似潤腸咁…
IMG_5753
今次朋友整咗潤唇膏俾我,又可以試試有無用啦!
所有成份都選用「食品級」、「美國農業部有機認證」、「GRADE A」等等物料製造。
種種成份做出「不含防腐劑」潤唇膏!

有機黃蜂蠟 (USDA organic 美國農業部有機認證):具抗菌功效、有助鎖住水份、滋潤皮膚。

有機未精製乳木果脂 (Grade A):滋潤保濕效果極高、具抗老化、抗發炎、軟化皮膚、修護及防曬功能。

可可脂 (食品級):能代謝老化角質、促進細胞再生修復、具抗氧化功效、能減淡唇紋、令雙唇飽滿、聞起來還有淡淡的可可味道。

初榨橄欖油 (食品級):含天然維他命E,具促進皮膚細胞新陳代謝及有防曬作用。

酪梨油 (食品級):營養度高、保濕力強、可滲入肌膚深層、令雙唇彈滑粉嫩、減淡唇紋、親膚性極佳、不易刺激幼嫩肌膚。

甜杏仁油 (食品級):能舒緩刺激、易被皮膚所吸收、溫和保濕。

以前用過好多種牌子嘅潤唇膏,無論係日本、香港著名品牌、外國都有….
不過今次呢隻「天然潤唇膏」令到我嘅咀唇好有突破性進展!

IMG_5755
包裝好簡單,背後有提示「開封後三個月內用畢」!
對於我呢種慳住用嘅人,1日內會更加搽多幾次!
搽上咀唇嘅時候,有淡淡朱古力味(可可脂)!
我會來回搽幾次先罷休,咀唇即時有光澤。

IMG_5756
我只選擇夜晚臨訓先搽,因為好驚帶出街整唔見。
用咗差不多2個月,發現角質少咗兼薄咗。
就算有1次整損咗咀唇,修復能力都好強,2至3日已經痊癒!
1路以嚟都發現咀唇紅潤咗、上唇黑色素好似都有減淡咗跡象。
就算真係無搽1晚,甩皮都無以前咁明顯。

IMG_6383IMG_6384

價錢嚟講,35蚊都好公道!
好多品牌平過佢,都無咁好嘅效果。
用咗2個月,都仲有3分1未用哂…
睇嚟又要每晚搽多幾層先訓啦!

請多多支持妮妮手作香皂小天地

Posted in 其他 | Tagged , , | Leave a comment

天然護膚之道

以前總覺得天然產品未必對自己皮膚有效。
「唔夠力」「會敏感」等等句子字眼,經常喺腦中出現。

最近身邊朋友開始整手工產品,加上自己皮膚開始差、要尋求其他方法。
朋友都係第1次整。佢選擇第1步係整「番皂」,仲係去咗台灣學習!
第1次聽到「母乳皂」,即時諗:「咁都得?邊有咁多母乳整呀?」

番皂類嘅產品,起碼20年以上無用過。
多數中年以上或者BB先用,家中老爸都係仲用緊番皂沖涼!

朋友送咗2款俾我作為「入門級用家」使用!
第1款係頭髮用:迷迭香洗髮皂
IMG_4589
第2款係身體用:薰衣草酪梨米糠皂
IMG_4587

手工皂主要由精油配搭而成。

「迷迭香洗髮皂」主要由椰子油、苦茶油、酪梨油、蓖麻油、迷迭香精油、紅檀雪松精油製作而成。

椰子油係1種基礎油,主力幫忙起泡。「皂化」後唔會好似其他精油功效,不過比例方面係最重。
苦茶油比較難起泡,但係滋潤度高,係「洗髮皂」當中主要成份。
酩梨油(牛油果)滋潤度高兼洗淨力強,當中含有維他命A、E、B及蛋白質、卵磷脂及脂肪酸。有助滋潤柔軟肌膚、消除細紋;另1方面可以鎮靜安撫皮膚、改善皮膚過敏,
非常適合乾性皮膚、缺水、敏感皮膚人士使用。
蓖麻油係利用泠壓法取出,當中特有嘅「蓖麻酸醇」對髮膚柔軟及親水性佳,幫助洗完後溶水。
迷迭香精油可以幫助刺激頭髮生長及有效改善頭皮屑;另1方面對皮膚有收斂效果。
紅檀雪松精油幫助抗菌、軟化皮膚及保養髮絲。

「薰衣草酪梨米糠皂」主要由酪梨油、米糠油、棕梠油、椰子油、薰衣草精油製作而成。

椰子油今次都係幫忙起泡、棕梠油幫忙變硬,1齊作為基礎油!
米糠油係油糙米外表1層米糠所製造而成,含有豐富維他命E、蛋白質、維生素、固醇、角鯊烯等物質。亦因為米糠油具有較細嘅分子,能夠平滑流動及非常容易滲透皮膚而不黏膩、能夠提供肌膚水分作為保濕、美白抗氧化、抑制肌膚細胞老化、抑制黑色素形成,令肌膚變得白淨。
酪梨油今次都係幫助加強洗淨能力軟化肌膚,改善皮膚過敏。
作為「主打」嘅薰衣草精油,能夠促進傷口癒合、止痛抗菌,主要作為修護之用。

上年11月中正式開始用!
當初第1次用皂沖涼好唔慣,完全唔記得咗點用。
洗頭時總係感覺怪怪,唔知點樣起泡。
沖水沖好耐,好驚洗唔乾淨。
不過「迷迭香皂」用咗1個禮拜就放棄,因為要等1個月先有效果,改為沖涼之用。

「薰衣草皂」用咗1個禮拜就開始見效果!
起泡要用少少時間放喺掌心磨擦,再用於每部分皮膚仔細塗上按摩。
IMG_6189IMG_6190IMG_6193IMG_4590

如果加埋起泡袋,會更加容易而泡沬會細緻綿密。
大概我會分頸膊、左手、右手、肚、背、左腿、右腿、私密位、腳板。
用完皮膚無咁乾燥,感覺好自然舒服,甚至真係唔需要用BODY LOTION。
私密位1直用開清洗液,反而手工皂仲舒服、唔會有敏感情況。
不過1個禮拜後轉用咗「迷迭香皂」,將薰衣草推遲咗。

迷迭香用喺身上唔會無效果,甚至我覺得佢滋潤過薰衣草。
當時正值轉冷,溫度同濕度亦隨住降低,我以為會唔夠力。
身邊人竟然對呢件產品評價極高。
好記得每3個月1次嘅激光脫毛,治療師終於無話我皮膚乾,仲話我滑咗。
當我透露用緊手工皂嘅時候,佢非常建議我繼續用。

除此之外,膚色均勻兼少少白咗。
夏天時候1個月有2個船P,膚色前所未有地「黑」!
3個月後著姊妹裙要露手臂嘅時候,皮膚都無分別。
反而用咗「皂」,逐漸平穩及均勻。
大概2個月時間用完迷迭香之後,用番薰衣草。
當時膚色已經有改善,露臂衫絕對難唔到我。
IMG_2345IMG_4259

不過另1個考驗到了!
正值轉換時候要去美國出TRIP幾日。為咗方便起見,無帶佢過去用。
當地天氣非常凍及濕度超低,令到皮膚「勁乾」「甩皮」,痕到要搽LOTION。
返到香港當晚,即刻轉番薰衣草沖涼。
皮膚即時得到舒緩,1星期後變番出TRIP前咁舒服。
薰衣草當中嘅米糠油可以幫助美白抗氧化,膚色開始偏向健康及偏白。
深信我繼續用佢,加上夏天做好防曬保護都無問題。
IMG_5626

至於價錢方面,我覺得係物有所值!
$70用2個時間解決到我皮膚1直以來嘅問題,令我少咗痕癢。
氣味都比較舒服,鼻敏感嘅我都無影響。
私密位嘅效果係我最大驚喜!完全無敏感痕癢等唔舒服,反而1個「皂」代替咗2支沖涼用品。
相信「持之以恆」,係我今次最大嘅收穫!

Facebook Page:
Winnie’s Little World of Handmade Soap 妮妮手作香皂小天地

Posted in 護膚 | Leave a comment

頭髮也要浸溫泉 – Pantene日本風呂養護精華乳 (冬日限定)

人到冬天,最想浸個溫泉輕鬆下。原來頭髮SPA都有。
最新出品嘅Pantene日本風呂養護精華乳 (冬日限定),令我感受到頭髮嘅順滑。
期間我喺美國三藩市開會,天氣又乾燥大風。不但頭髮被吹亂,更加有乾燥情況出現。
IMG_5274IMG_5275

每晚返到酒店沖涼時候,利用花灑沖水時間將精華乳加熱3分鐘。
洗頭之後將精華乳搽上頭髮按摩,以我嘅長度用唔哂1支,同房都有受惠呀!
IMG_5276IMG_5655
由於要等3分鐘先可以清洗,期間我都幫身體部分做咗「溫泉美容」。
3分鐘後沖水,感覺好順滑。
IMG_5653IMG_5687
有幾日我都無吹頭就訓,第朝夾髮造型都無問題。
就算無搽髮尾油,我都覺得造型持久。
IMG_5688

產品已經公開發售:$49.9(75ml)
由生活家提供

睇完之後,去我PAGE俾個LIKE支持我呀!

Posted in 美髮 | Leave a comment