Blog: http://zurg0117.blogspot.hk/2015/01/2014day3.html 上高峰, 登絕嶺. 美ヶ原高原 - 日本的阿爾卑斯山, 冬天是滑雪天堂; 8月, 化身日本人的避暑勝地 :roll: . 當東京悶熱到30幾度既時候, 呢處溫度只係最高20度左右, 清涼舒服! 因為未被各國旅行社"發掘出土", 反而成為自駕遊的爽爆地段~ 高原絕色風景, 開車! 因為查過天氣, 呢兩日都會陰晴不定, 所以一早就起身拎車 (其實約左9AM拎車>_<). 因為行程唔想走回頭路, 所以決定左長野縣松本出車, 山梨縣河口湖站還車. 點解唔簡單D, 東京租車來回哩? 原因有兩個, 一黎手車屎wa~haha :twisted: , 怕東京大城市應付唔到 (其實索鋴好勇, 牌齡短, 香港無車揸, 出發前借朋友車練習左半日而已); 二來松本市唔大, 花火大會個晚, 泊車又係亂到暈, 如果東京開車, 就白蝕左兩日租車錢. 旅程完後亦證明索鋴俾呢個甲租乙還附加費好值得, 因為返東京時晌巴士塞車塞左2-3個鐘, 如果要返東京還車, 相信我會昏迷左晌高速公路上... 好啦, 要符合松本出車, 河口湖還車既條件, 搵黎搵去, 竟然係Toyota Rent a Car最平 (https://rent.toyota.co.jp/), 連ToCoo都比下去, 4日租車 (Ractis) 價錢如下: ■出発店舗 松本店 (TEL:0263-39-0100) ■返却店舗 富士河口湖店 ■出発日時 2014/08/16 09:00 ■返却日時 2014/08/19 16:00 基本料金: 27,540円 eメンバー割引(5%): ▲2,754円 免責補償料: 4,320円 ワンウェイ利用料: 7,560円 (即甲地乙還附加費) ------------------------------ ご利用総額（税込）: 36,666円 （うち消費税）: 2,716円 這是2014年8月暑假的價錢, 割引就睇你彩數, 給你參考啦~ 我明白, 價錢係偏貴, 但如果跟我走接下來幾日的行程, 索鋴包保: 絕~對~值~得! ;-) TOYOTA RACTIS, 官網訂既好處係車比較新, 兩個人走山路都夠力水. 拎車地點: 其實松本有兩個位拎車, 最好揀"松本駅前店", 因為近市中心. 如果係 "松本店", 索鋴教你啦... 取車前嘗試聯絡toyota店, 問店員可否駕車到"松本駅前店"給你取車囉~~~ 戰戰兢兢, 開車去第1站 :美ヶ原高原 (~30km) 美ヶ原高原観光協議会 http://www.utsukushigaharakogen.jp/ 初時仲出太陽, 點知愈向山上爬天就愈陰, 最尾仲落大雨! 索鋴第一次租車, 就遇上"暴雨秋明山", 實在太有挑戰性! 同車仲有老婆大人, 當然不敢膽搏膽, 因此每有車追尾, 都駛進讓車位, 無謂阻人時間, 亂我心神~ 中途休息下先 山本小屋上 我諗呢班日本朋友見到有兩個香港人, 咁既天氣都上黎, 天然呆吧 :-o 由GPS帶領, 慢慢走約1個小時, 終於到達美ヶ原高原. 雖然呢一刻落到狗屎, 但天氣不能影響旅行既心情~ 我地唯有入山木小屋避避雨, 食過午飯先! 落雨不怕落雪也不怕, 避雨好去處之二: 美ヶ原高原美術館 呢度除左美術館, 仲有觀景台, 手信店, 因為原定計劃係行下美術館外的雕塑, 但天色太差啦, 唯有趁停雨一剎那... 狂拍照! 如果天氣好, 呢度會更絕景!! 撞正飄零燕展, 不過好似流流地所以無俾錢入. 接著的行程, 其實已經開始左啦~ Venus Line 維納斯線 http://www.venus-line.net/ 以景色聞名的這條行車路線, 從美ヶ原高原開始, 經八島高原, 霧之峰, 再進入車山高原. 而今晚我地住既民宿, 就係晌尾站既白樺湖. 暑假時候, 你除左遊車河, 仲可以揀D地方行下山, 去牧場玩下牛羊, 傳說7月上車山高原一帶, 仲有遍山野生橙百合花哩~ 可惜索鋴無這個福份啦. 八島高原休息站, 能見度是0.1... 但戶外停車場既工作人員仍然堅守岡位, 讚!! 入面都有好多高原生態既展覽喎 車山高原呢個位其實好多野玩, 可以搭cable上山, 又有大shoppng mall, 室內有展覽, 戶外有攤檔, 可惜天氣的錯 :-? :-| 終於見青天! 遠眺白樺湖 如果今日全程係咁藍天, 你話幾爽! 揸下車, 影下相, 睇下景, 以索鋴咁笨拙既駕駛技術, 都可以輕鬆地在6PM前到達白樺湖, 租開車既車手們, 唔好猶豫啦, 今個暑假過黎挑戰髮夾彎啦~~ 下篇,就要推介你一間100分的民宿!
