葡萄佐人地咁耐，終於到我依位豆返鄉下助長一下日本既經濟體系啦～大部分香港人去日本既旅遊地方都係離唔開東京同大阪，而小妹都唔例外。只不過對上個幾次都係主攻一個市，所以今次試下新行程：三日東京四日大阪。 由於N世紀已經係買佐乘坐香港航空Hong Kong Airline：HKG>NRT，KIX>HKG 各一張，價錢都係2k左右咋! 唔知係人大佐，寧願揀飛早機都唔想搭零晨機咁駁命 <Day 1> 乘坐九點幾航班既我，著陸日本成田機場當地時間差唔多已經中午一點幾啦⋯之後拎埋行李 狗衝去坐NEX(價錢好似係1500円)出返最就腳既新宿站。今次小妹住既酒店揀佐間平得黎但CP值高既 APA Hotel Shinjuku-Kanukicho Tower。 1-20-2 Kabukicho, Shinjuku-ku, 新宿, 東京, 日本, 160-0021 如果有去開東京而且有蒲開新宿既你，一定知恐龍酒店係邊，而依間平靚正既酒店正正係佢隔離一條街，所以超容易搵！不過check in完放底曬行李汁返個靚樣都不經不覺都四點幾...由於小妹太肚餓既關係9秒99就坐佐上架的士去搵野食。第一餐緊係食碗熱辣辣既池袋無敵家拉麵。 171-0022 東京都豊島区南池袋1-17-1崎本ビル1F 唔知係咪太餓既關係我覺得碗麵幾好喎，舊叉燒林得黎又唔會一咬就散，啲湯飲完又唔會勁口渴。醫飽個靚肚之後就出發去今年將會拆除1:1高達模型既台場影返張到此一遊照片。 雖然都覺得自己好無聊，不過去咁多次日本都無黎過依度真係唔好意思同人講過黎過東京HAHAA！而且佢隔離都有個Outlet行下同個天方地老流連在摩天輪影下相既。不過咁就過佐一日，最後小妹下次決定都係坐零晨機，寧願精神上暴走都好過無佐半日既時間，黎得日本既緊係要爭分奪秒
