事緣上年12月中，HK express開倉 我有著人生一定要去睇日本櫻花的願望 於是就買左3月31日-4月5日的機票，總共盛惠HK$1437!! 來回機票 HK$556 行李費 (去程15kg+回程20kg) HK$80+HK$100 稅項等 HK$701 Total Amount HK$1,437 但當時12月中，櫻花預測有排都未出， 真係屬於賭一鋪，已經有心理準備，如果東京未開花，就南下大阪等地追櫻！ 我亦開始計劃旅程，我利用Google Drive的功能規劃， 此功能的好處係可以隨時係街用手機打開瀏覽同編輯，即使外遊時都唔駛拎住一疊行程紙， 更可以分享俾多個朋友一齊同步睇同修改 (隨後亦可能會另有文章介紹，如何利用Google的功能規劃行程) 而我集合旅遊書，眾多遊記後及地圖後，以下就係我原先的行程計劃: 酒店因當時酒店網有特價，而我亦想住涉谷，方便第一日到步放低行李就可以行去明治神宮， 於是預訂Shibuya Tobu Hotel，雙人房3晚盛惠HK$2,592 而櫻花預測及天氣預測就詳看下篇文章啦！
