早前咁岩同朋友夾到時間, 黎左一轉快閃台灣XD 只係為左去期間限定既Melody Café, 好感動啊!!! My Melody x Amandier Cafe 呢個期間限定既Café會至到去9月30號, 想要去的大家快D安排一下行程啦~ 我跟朋友出發前已經係網站上訂左位, 佢地只係接收訂枱架咋! 地點好易搵, 捷運忠孝新生站行過去好快就到啦~ 一去到, 見到門口既Melody耳朵門框真係好感動啊! 好靚,! 好靚!! 好靚!!! (重要既事所以要講3次XD) 去到呢個位, 已經係想影十萬張相啦 我件MELODY外套終於有用途啦~~~~~ 由於我地比原定既時間早到左, 所以都等左一陣, 影下相其實真係好快過~ 入面仲有Melody商品賣, 不過有部份都係平時SANRIO賣既野! 至於我買左D咩? 等我介紹完食物再同大家分享啦 我地食3點果一轉, 所以都係下午茶時間 鹹點既選擇不多, 大部份都係甜品 既然黎得, 無理由唔叫D特別既野食架麻 所以我地就叫左2個輕食加MELODY頭既乳酪蛋糕 (相信最多人叫一定會係呢個啊!!!!) 野食黎到之後我地不停影左好耐相 (我自己都帶備左好多配件黎XD) 好明顯我都係一個瘋狂粉絲(笑) 野食既質素都算唔錯啊! 果然唔係淨係得個樣架~ (應該比起香港既好XD) 餐廳內仲有幾個影相位比大家影相 所以我地真係玩左好幾個鍾頭! 身為Melody粉絲真心覺得今次旅程真係好值得去啊~ 餐廳地址: 台北市中正區新生北路一段66號1F 營業時間: 周一~周日 11:00 – 21:00 預約專線: (02)8501-5950 預約網站: https://yoyaku.myqueue.tw/webform/webforms/4EA8D20B08C433BE/confirm-condition Facebook: http://www.facebook.com/mymelodyxamandier facebook instagram twitter youtube
