在車上訓得唔係幾好，如果唔係驚天未光就到設拉子，而無買到比較舒服的VIP巴士， 可能會瞓得更加舒服。不過朝早到設拉子嘅時候見到日出，感覺係安全啲既。 設拉子嘅巴士站好近市區，我哋用行嘅方式去做舊城區，搵到背包客最喜歡嘅青年旅舍Niayesh Hotel之後，食完早餐之後慢慢行過去粉紅清真寺。 Niayesh Hotel (有床位、獨立房間) No. 10, Shahzadeh Jamali Lane, Shiraz 71398-56135, Iran 唔去尤自可，一去竟然撞到一齊係香港辦簽證嘅朋友，又撞到另外兩個中國嘅背包客，大家都係影相發燒友。其實成個清真寺唔係好大，影呀影呀，我哋起碼要個半小時。太陽直射透過清真寺字嘅玻璃，折射喺彩色嘅地氈上，畫面好有美感。隨著時間過去太陽慢慢移動，令到折射落地下嘅光線位置產生變化，最後已經唔係好影到。 離開粉紅清真寺之後，我哋慢慢係市中心行逛。正當又喺度睇緊地圖搵路嘅時候，又遇到友善嘅伊朗人了，有一位退休嘅大學教授決定帶我地周圍行下。 第一站佢帶咗我哋去一個較出名嘅花園Qavam House，睇得多呢啲咁嘅花園其實覺得大同小異，大宅面前有一個好長嘅水池，種左唔少綠色嘅花草樹木。 之後教授帶我哋行市集，佢請我地食一種幾特別嘅伊朗甜品。名字唔太記得，質感甜甜酸酸地嘅，係炎熱嘅氣溫下，一路食一路行好有消暑的效果。 肥嘉因為工作關係，要早一日離開。終於等到呢一刻，自己一個人慢步伊朗街頭。先經過Arge Karim Khan舊古堡，外觀望落壯觀，不過入面望落就差少少，如果無時間可以skip掉！ 伊朗的建築很多時用了七彩的玻璃窗，或者大量的銀色鏡子。 離開有點失望的Arge Karim Khan之後，坐車去左Eram Garden (Baq e Eram) 波斯花園，如果你喜歡花卉應該都會幾鐘意呢度，有點像香港動植物公園的高級版，當日有唔少伊朗龍友大發神功。 離晚上還有點時間，決定一而再再而三地去Bazaar走走。每個大城市都有自己的Bazaar，貨物包羅萬有，有專攻遊客的手信類，都不外乎係藏紅花、地毯；亦有唔少日常用品，睇下佢地講價又幾有趣。 係伊朗的街上面，不時都會有人想你幫佢影相，幫佢影相的意思係用你的相機幫佢影張相。當你比返佢睇返張相時，他們的臉上總會有滿足的表情，簡單得來的快樂你我還懂這種感覺嗎？ 回到Hostel的時候，實在不能相信自己的眼睛！在大堂竟然又 特意晚上才前往Aramgah-e Shah-e Cheragh 光明王之墓，剛到達的時候有一位行動不太方便的女士，走過來同我地討論伊斯蘭教的睇法，對我們來說呢個話題有點深奧，不過難得黎到伊朗唔了解唔通等到返屋企先咩？ 起碼最後都知道點解墓入面都有個類似清真寺的建築，而同正常的清真寺有咩分別。前者通常係聖人的墓地，入面係用來頌經的地方，並唔係真正的清真寺，所以兩者係有分別的。 Facebook專頁：話走就走 | Your Wanderlust 網誌：http://your-wanderlust.com/ 伊朗遊記・在香港申請伊朗簽證2016更新版 伊朗遊記・簽証篇 (科威特) 2016 伊朗遊記・準備篇 2016 伊朗遊記・再遇卡塔爾航空 巧遇金國國民 Day 1 ［26.3.2016］ 伊朗遊記・科威特石油國半天遊 初遇波斯 Day 2 ［27.3.2016］ 伊朗遊記・他們真的反美嗎？ Day 3 ［28.3.2016］ 伊朗遊記・近郊一天遊 Day 4 ［29.3.2016］ 伊朗遊記・再見德黑蘭・卡尚初遇熱心人 Day 5 ［30.3.2016］ 伊朗遊記・跟小導遊伊斯法罕 Day 6 ［31.3.2016］ 伊朗遊記・自然日郊遊記・臨時改plan Day 7 ［1.4.2016］ 伊朗遊記・閃遊亞茲德・遇上拜火教 Day 8 ［2.4.2016］ 伊朗遊記・設拉子・顏色的魔法 Day 9 ［3.4.2016］ 伊朗遊記・波斯波利斯古城・再見波斯 Day 10-11 ［4-5.4.2016］ 伊朗遊記・後感・想像跟現實的分別
