今日計劃要走了，如果夠時間的話，真係想留多多幾日，同佢地相處好真誠、好舒服。 今日係佢地的自然日 (Nature Day)，全國的家庭都會去大自然的地方過節，一般都係去公園，不過我們這一家就特別啲，佢地有自己的私家花園，當然就要用返自己的地方啦。由於距離有點遠，而巴士的時間係下午兩點，Ali建議我地不如留係屋企，而且我地其實都仲未去過另一重要地標40柱宮，正當又係到候人生交叉點的決定時，爸媽、小領隊一齊夾擊邀請我地同去，最後都係抵受唔住同當地人過節的體驗，結果跟車一齊去，至於點返去車站，之後先算啦，結果証明決定係完全正確的！ 以下的相片全部以手機影的： 跟住爸媽的車，我地最早已經到左，嘗試扮幫下手 (不過佢地當然唔比)，感覺到呢度對比市中心寧靜好多。 親友陸陸續續到達，其實同昨日的班底都係差唔多，佢地已經每星期周末都會最少見一次，加上各式各樣的節日，究竟佢地一年會見到幾多次呢？ 話得係自然日，當然唔少得親親大自然，有得落田修剪下雜茶，打下波。時間一分一秒過去，開始準備諗辦法去巴士站，一班細路加埋婆婆開始叫我地留低，坦白說心裡是想的，可是礙於行程…. 經過一輪商量之後，Ali成功幫我地訂到張明天清晨6點的巴士飛，哈終於無籍口話要走了。當佢地知道之後，夾道歡呼，其實我地心裡仲開心這佢地，而且好感動。 搞掂交通之後，各家人自己準備左一啲食材，又再黎一餐地上野餐，正呀！ 食完飯，大家又落田「工作」，事實上玩的可能仲多，一路自拍一路跳舞。聽George講，呢個花園種的食物，佢從來都未有機會食過。都係既，呢塊田佢地gathering多過真係會用黎等開飯。 無論係大人定細路，波斯歌定係西方音樂，大家都好high，邊句話一定要有酒先可以high~ 仲要識得用汽車個喇叭播音樂添。 返到屋企，我地即興煮左蒸水蛋，呢啲外國人抗拒情度最低的菜，加上佢地的面包都幾夾！順道又玩下筷子功，時間真係過得好快。George明天都要返學了，由於我地明早要坐好早的巴士，所以要晚上先行道別，真係好唔捨得你地呀！ Facebook專頁：話走就走 | Your Wanderlust 網誌：http://your-wanderlust.com/ 伊朗遊記・在香港申請伊朗簽證2016更新版 伊朗遊記・簽証篇 (科威特) 2016 伊朗遊記・準備篇 2016 伊朗遊記・再遇卡塔爾航空 巧遇金國國民 Day 1 ［26.3.2016］ 伊朗遊記・科威特石油國半天遊 初遇波斯 Day 2 ［27.3.2016］ 伊朗遊記・他們真的反美嗎？ Day 3 ［28.3.2016］ 伊朗遊記・近郊一天遊 Day 4 ［29.3.2016］ 伊朗遊記・再見德黑蘭・卡尚初遇熱心人 Day 5 ［30.3.2016］ 伊朗遊記・跟小導遊伊斯法罕 Day 6 ［31.3.2016］ 伊朗遊記・自然日郊遊記・臨時改plan Day 7 ［1.4.2016］ 伊朗遊記・閃遊亞茲德・遇上拜火教 Day 8 ［2.4.2016］ 伊朗遊記・設拉子・顏色的魔法 Day 9 ［3.4.2016］ 伊朗遊記・波斯波利斯古城・再見波斯 Day 10-11 ［4-5.4.2016］ 伊朗遊記・後感・想像跟現實的分別
