雖然Ali一家對我地非常友善，不過始終係人地屋企都唔好意思訓到太晏，所以又係好早好早起身。Ali見我地咁早起身，於是帶我地返去佢父母屋企，介紹埋佢個細路George比我地識，12歲的佢好活潑，而且英文唔錯，於是極力希望我地參加佢既「導賞團」。 有客到訪對伊朗人黎講好大件事，當我地決定跟團之後，陸陸續續佢啲表兄弟、姑姐一齊出黎同我地出去走走。第一站先到伊瑪目廣場 (Imam Square)，呢個係伊斯法罕的最大景點，聽聞係繼天安門廣場之後最大的景點。四周圍都係名勝，包括：伊瑪目清真寺、星期五清真寺 (Jameh Mosque)、Ali Qapu Palace (阿里卡普宮) 等等，因為去左唔少清真寺，所以George帶左我地上阿里卡普宮。唔上由至可，一上真係不得了，係頂層望落去個廣場真係好靚！ 三點鐘返到屋企之後，又係時候黎個late lunch，佢地真係好習慣晚點先飯，係地下食飯，風味十足！ 食完飯，佢地又叫我地訓午覺，雖然今朝早起，不過人大了真係好似唔係好慣訓午覺，所以我地出左去自己行。係人地屋企訓樣樣都有幫你安排哂唔使煩，不過可能中國人的原子都係有啲驚麻煩到人太多，始終無咁自在。下午呢幾小時正正係我地係伊斯法罕的唯一獨處時間。 6點同小領隊會合之後，一齊出發去左另一個地標 – Pol-e Si-o-Seh (33 孔橋) 同埋Khaju Bridge (哈鳩橋)，前者出名到連伊朗駐香港領事館都用呢度，作室內裝飾。日落時份去到，慢慢等待橋光亮起，再等到倒影浮現，真的是太美了。 晚上9時回家後，知道當然沒有那麼早吃飯，不過擾擾嚷嚷，又等到唔少人探妨，而且也見到他們的嫲嫲，終於係11點45分開飯了，估唔到竟然係哪Pizza外賣，說時遲那時快，午夜過後已經吃完，12時半已經陸陸續續離開了。家庭觀念非常重的伊朗人，寧願多花時間互相問候、玩弄，最後才吃飯；對比整天都係度電手機的我地，更覺得伊朗人的內心快樂不會比我地低，反而可能更高。 接照計劃，我地明天下午會坐巴士去下一站Yazd，不過事情總係有驚喜的。 Facebook專頁：話走就走 | Your Wanderlust 網誌：http://your-wanderlust.com/ 伊朗遊記・在香港申請伊朗簽證2016更新版 伊朗遊記・簽証篇 (科威特) 2016 伊朗遊記・準備篇 2016 伊朗遊記・再遇卡塔爾航空 巧遇金國國民 Day 1 ［26.3.2016］ 伊朗遊記・科威特石油國半天遊 初遇波斯 Day 2 ［27.3.2016］ 伊朗遊記・他們真的反美嗎？ Day 3 ［28.3.2016］ 伊朗遊記・近郊一天遊 Day 4 ［29.3.2016］ 伊朗遊記・再見德黑蘭・卡尚初遇熱心人 Day 5 ［30.3.2016］ 伊朗遊記・跟小導遊伊斯法罕 Day 6 ［31.3.2016］ 伊朗遊記・自然日郊遊記・臨時改plan Day 7 ［1.4.2016］ 伊朗遊記・閃遊亞茲德・遇上拜火教 Day 8 ［2.4.2016］ 伊朗遊記・設拉子・顏色的魔法 Day 9 ［3.4.2016］ 伊朗遊記・波斯波利斯古城・再見波斯 Day 10-11 ［4-5.4.2016］ 伊朗遊記・後感・想像跟現實的分別
