今早準備離開德黑蘭，不過仲未去過首都最重要的景點之一的Azadi Tower，所以又係要早起，暫時每日伊朗的行程每日都係早起晚睡，好累呀…. 今日的天色好好，陽光普照，加上後面的雪山景，成個畫面好舒服。 衝衝地趕往巴士站，剛好上到前往卡尚的巴士。 原本計劃係行下市內的幾間古老大宅 (Khan-e Ameriha、Khan-e Tabatabei、Khan-e Borujerdi) 同埋Fin Garden，不過結果完全係意想不到的！ 巴士準時到達卡尚之後，遇到幾個的士司機開天殺價，正當有個青年行出黎話帶我地去。由於語言的關係，一開始都唔太放心，一路對住google map知道方向係正確的。路途上年青人用僅有的英文嘗試邀請我地返屋企食飯，見仲有點時間，決定唔去個幾間大宅，一於跟佢返屋企。 Fin Garden的確係一個唔錯的花園，四周都有水道流通，不過人潮處處。 礙於時間所限，轉左個圈之後，出番去會合熱心的年青人。再次入番去卡尚，又轉左幾個圈係住宅區停低。第一次進入伊朗人的家 德黑蘭的唔算，因為佢自己一個起左間房自住)，成間屋都鋪左地毯，行係黎好舒服。年青人哪Mardi，今年24歲，職業係馬師，有一個弟弟。媽媽同姊姊見到我地之後，馬上帶上頭巾 (女士正常係屋企可以唔戴)。之後先知原來佢地已經食左飯，係專登整飯比我地食，真係有點唔好意思。 伊朗人有睡午覺的習慣，食完飯佢叫我地訓一陣先，不過初黎貴境又幾難訓到既。一齊坐係地下吹下水，雖然唔係好聽得明，不過電話的相永遠係最好的文化交流道具，比佢睇下香港的景色、日常活動，好輕鬆就過左一個下午。 當佢地知道我地將會前往伊斯法罕的時候，就話個度好危險，叫我地唔好去而好係佢地個度過夜。伊斯法罕作為其中一個重要的旅遊城市之一，危險情度實在危險整有個譜，明白佢地其實想我地係佢地屋過一晚夜，聽落都有啲眼濕濕。不過行程所限，唯有都係要硬著頭話要走，不過我地會記住你們的！臨別時，佢地好堅持要幫我地比巴士費，數目唔係好大，但係佢地真係無必要咁做，唯有留低張港幣比返佢留念。 在卡尚留的時間很短但係很難忘，無特意去景點但係本地人的家中過左一個美妙的下午，由呢一刻開始，注定我地會愛上伊朗。 由於想跟Mardi多談一會，我們坐上了晚上的巴士前往下一個城市。到達時已經夜深，剛好又不能跟Couch Surfer聯絡，加上沒有足夠的伊朗幣，正當思考下一步的時候，又遇到了另一有心人。 有個拎住大背包的路人行過黎同我地講，佢係一個剛完成旅程返家的背包客而且係一個couch surfer，如果唔嫌棄可以跟佢返屋企。又係一個人生交叉點的時間，去定唔去。正常Couch surfing會一開始係網上傾定先，好少會係街上面撞到。 經過一輪考慮，最後我地約左係市中心一個地方等。今次出市區的時候遇到一個好司機，到達目的地後，佢一直幫我地打電話，希望呢位host會出黎接我地。過左15分鐘之後，我地實在唔好意思再撞住佢了，唯有落車。呢個時候已經差唔多11點，街上面有點冰冷，加上唔知可以去邊。很快已經有幾對人過黎問我地有無野要幫手，今次終於搵返個位backpacker，佢馬上「接滯」我地返屋企。 又係一間全屋都係地毯的屋企，不過今次係一棟三層高的獨立屋連車位，真係人不可貌相！再一次証明佢地喜愛晚食，同佢地屋企吹左陣水之後，佢提議不如落去食飯，不過剛才先係車站食左只好婉拒了。 伊朗人好客，除左會拎生果同甜點出黎之外，仲會叫哂屋企人出黎同你認識。呢個時候應該講聲‘Salam‘ (你好) 啦。 Facebook專頁：話走就走 | Your Wanderlust 網誌：http://your-wanderlust.com/ 伊朗遊記・在香港申請伊朗簽證2016更新版 伊朗遊記・簽証篇 (科威特) 2016 伊朗遊記・準備篇 2016 伊朗遊記・再遇卡塔爾航空 巧遇金國國民 Day 1 ［26.3.2016］ 伊朗遊記・科威特石油國半天遊 初遇波斯 Day 2 ［27.3.2016］ 伊朗遊記・他們真的反美嗎？ Day 3 ［28.3.2016］ 伊朗遊記・近郊一天遊 Day 4 ［29.3.2016］ 伊朗遊記・再見德黑蘭・卡尚初遇熱心人 Day 5 ［30.3.2016］ 伊朗遊記・跟小導遊伊斯法罕 Day 6 ［31.3.2016］ 伊朗遊記・自然日郊遊記・臨時改plan Day 7 ［1.4.2016］ 伊朗遊記・閃遊亞茲德・遇上拜火教 Day 8 ［2.4.2016］ 伊朗遊記・設拉子・顏色的魔法 Day 9 ［3.4.2016］ 伊朗遊記・波斯波利斯古城・再見波斯 Day 10-11 ［4-5.4.2016］ 伊朗遊記・後感・想像跟現實的分別
