第一晚係伊朗訓得唔算好，整晚比隻蚊搞到好辛苦。第二朝起身，Reception隨即表示抱歉，仲即時換房。 今日天氣好好，第一站先去前美國大使館。自從美伊交惡，美國大使館人去樓空，只係剩下建築物，外牆滿是反美的圖案。 純觀察圖案的話，的確會以為伊朗跟美國有世仇。正當想走的時候，有個本地人走來說：「Excuse me, please don’t let others ‘see’ these photos, because it does not represent our people. It’s just because the government hates the American, but we do not.」謎底解開，原來唔鐘意美國的係伊朗政府，而唔係人民本身，呢個睇法係之後同更多本地人交談之後，得到印証。 由於大使館已經無人用的關係，其實只可以係四周行個圈。 三月的德克蘭溫度大約十多度，非常舒服。位於伊朗的北面盡是雪山，聽聞有唔少歐洲人專門去個度滑雪，價錢又平質素又唔錯。 之後去左伊朗國家博物館，如Tripadvisor所言，可以的話沒有必要去~ 估唔到會見到伊朗人，尤其係女性，會係街上寫生，佢畫、我影。 吃過午飯，突然發覺又要為錢傷腦袋了。事緣因為德黑蘭機場的rate唔係幾好，所以原本打算去到市區先唱錢，可惜係市區的兌換店又唔多，幾經辛苦之下，終於搵到間珠寶店肯同我地唱錢，先唔會淪落街頭。中途經過幾間銀行，不過由於伊朗人實在太好的關係，堅持話銀行的rate唔好，差唔多用逼的方法唔比我地唱錢，高度建議我地出街唱，即使係少少都唔比…… Golestan Palace (古列斯坦皇宮) 古列斯坦皇宮的名字解作「花之宮殿」，主要係巴列維王朝 (Pahlavi, 1925-1979) 時期用黎接見外賓的地方。入面分左唔少展館，可按照意願分別買飛入場。 點擊圖片放大 古列斯坦皇宮旁邊有個類似市集的大巴扎 (Bazar)，入面由家庭日用品、到乾果、以至係手信都有。 夜晚我地約左Couch Surfing個host出黎食左餐飯。佢同一般的伊朗人一樣咁nice，帶左我地周圍去同食飯。係大約9點的時候大家仲未食飯，佢問有無興趣去多個地方先，不過實在頂唔順同佢講不如食飯先啦，先發覺原來伊朗人的生活習慣同我地好唔同，每晚10點食飯係等閒事，不過又會12點前訓覺，難怪個個都咁好生養啦~ Facebook專頁：話走就走 | Your Wanderlust 網誌：http://your-wanderlust.com/ 伊朗遊記・在香港申請伊朗簽證2016更新版 伊朗遊記・簽証篇 (科威特) 2016 伊朗遊記・準備篇 2016 伊朗遊記・再遇卡塔爾航空 巧遇金國國民 Day 1 ［26.3.2016］ 伊朗遊記・科威特石油國半天遊 初遇波斯 Day 2 ［27.3.2016］ 伊朗遊記・他們真的反美嗎？ Day 3 ［28.3.2016］ 伊朗遊記・近郊一天遊 Day 4 ［29.3.2016］ 伊朗遊記・再見德黑蘭・卡尚初遇熱心人 Day 5 ［30.3.2016］ 伊朗遊記・跟小導遊伊斯法罕 Day 6 ［31.3.2016］ 伊朗遊記・自然日郊遊記・臨時改plan Day 7 ［1.4.2016］ 伊朗遊記・閃遊亞茲德・遇上拜火教 Day 8 ［2.4.2016］ 伊朗遊記・設拉子・顏色的魔法 Day 9 ［3.4.2016］ 伊朗遊記・波斯波利斯古城・再見波斯 Day 10-11 ［4-5.4.2016］ 伊朗遊記・後感・想像跟現實的分別
