到達多哈機場後，同金仔國民分手，因為佢地真係係去呢個國家的，如果唔係足球的話，真係唔知佢地黎到會做咩。 排隊過關等左一段時間之後，係機場隨意逛逛、吃了點東西，便準備登前往科威特的航班，今次坐的是787航班，比起香港段的A330更新，座位亦較闊。 年紀老了，坐了整晚凌晨機，早上5時到達科威特機場，申請了簽證後，用Priority Pass入Lounge即時補眠。 拎埋下一張Boarding Pass，坐上巴士出市區，準備參加期待已久的Grand Mosque Tour。剛到達門口的時候，竟然撞到另外四個香港人一同參加，而且其中一位仲要係之前識落的旅行朋友，真係巧合到不得了！ Grand Mosque固然真的好Grand，不過更令我地著迷的係Tour Guide的講解，短短的個半小時，同我地上左一課基本的伊斯蘭課，為我地入伊朗做好準備。 參觀完Grand Mosque，原本想去參觀Dickson House，想一探這位前英國人如何在中東因為石油而呼風喚雨，不過搵極都搵唔到。時間所限，唯有直接去科威特塔，這個地標點都唔可以miss的，聽當地人說這座已關了數年的塔在年初才重開，我地去的時候剛好可以趕上！！ 原想在塔上吃個豪華Lunch，不過見價錢同食物質素唔係好成正比，都係算了。在旁邊的Bazar走了一轉，行下街市，就直接返機場了。 呢程飛德黑蘭坐的係科威特航空，相信之後都無咩機會坐了。伊朗比科威特快一個鐘，到達時已經夜深，坐上的士，直奔酒店了。 我們預定的是Iran Central Hotel，係Tripadvisor有非常好的評語，雙人房每晚US55。坦白講房間設施較簡單，反而係Reception職員非常非常友善、而且好肯幫忙。第一晚我們的房間有蚊，職員不停道歉而且馬上換房。如果德黑蘭係你的第一站，一係住呢間酒店、一係Couch Surfing，應該都可以得到好多有用的資料。 Iran Central Hotel (原名：Markazi Hotel) Tripadvisor：https://www.tripadvisor.com.hk/Hotel_Review 地址：419 Lalezar, Imam Khomeini Square., Tehran, Iran Facebook專頁：話走就走 | Your Wanderlust 網誌：http://your-wanderlust.com/ 伊朗遊記・在香港申請伊朗簽證2016更新版 伊朗遊記・簽証篇 (科威特) 2016 伊朗遊記・準備篇 2016 伊朗遊記・再遇卡塔爾航空 巧遇金國國民 Day 1 ［26.3.2016］ 伊朗遊記・科威特石油國半天遊 初遇波斯 Day 2 ［27.3.2016］ 伊朗遊記・他們真的反美嗎？ Day 3 ［28.3.2016］ 伊朗遊記・近郊一天遊 Day 4 ［29.3.2016］ 伊朗遊記・再見德黑蘭・卡尚初遇熱心人 Day 5 ［30.3.2016］ 伊朗遊記・跟小導遊伊斯法罕 Day 6 ［31.3.2016］ 伊朗遊記・自然日郊遊記・臨時改plan Day 7 ［1.4.2016］ 伊朗遊記・閃遊亞茲德・遇上拜火教 Day 8 ［2.4.2016］ 伊朗遊記・設拉子・顏色的魔法 Day 9 ［3.4.2016］ 伊朗遊記・波斯波利斯古城・再見波斯 Day 10-11 ［4-5.4.2016］ 伊朗遊記・後感・想像跟現實的分別
