已經好耐無寫。呢3年內自己結左婚、媽媽過身、生bb，有太多事情發生。到依家疫情發生，本來放完產假，都要繼續放no pay。 anyway，我想同大家分享下我同bb做睡眠訓練的種種。 話說我個b依家差唔多5個月大，訓練之前大概晚上9點換片，食最後一餐奶，大概10點訓，訓到4-5點起身，再飲奶。然後自己訓一陣就要手抱訓到7點幾。你可能話，咁bb都訓到6個鐘啦，都算戒左夜奶，但係bb訓覺個陣時係keep住扭來扭去，不停醒。我就每個鐘都醒，基本上無得訓，仲要5點到開始抱住訓。真係人都癲。然後日頭又要抱住先肯訓，每次都要我或者姐姐抱住1個鐘起，基本上做唔到其他野。 訓練前2個禮拜，我開始頂唔順，比左奶嘴bb，有一兩日佢竟然可以訓到6點，好神奇。跟住個幾日，我地都嘗試比奶嘴佢，有時佢可以訓耐d，有時都係keep住醒。 直到有一日，我無啦啦睇到一個香港的sleep training consultant，佢有一個workshop，咁我無聊就去睇啦，點知講完之後都係話你比錢啦，咁我就可以比個program你跟住做。大剌剌幾千蚊，覺得太貴，無理到。 點知就係個晚，9點餵完呀b，佢之後每個鐘都醒一醒，塞返奶嘴比佢，掉左又醒又喊。成晚無訓過。第二朝，把心一橫，就比錢join個個sleep training program。 你話有無用？有好有壞。 其實同網上面嘅其他鬼佬寫嘅program好似，都係話要set一個訓覺前嘅routine，沖涼、換片、飲奶、換睡衣、放落床、熄燈。間房最緊要黑，床上面唔好有任何玩具等等。重點係放落床要清醒。 至於你隔幾多分鐘入去安慰bb，就每個program都唔同。有d就話隔10分鐘入去，有d就話5分鐘入去，然後隔耐d先再入去。 第一晚訓練呀b，佢喊左45分鐘先訓著。佢都係訓到4點左右醒要飲奶，然後係自己床訓到7點幾。 第二晚喊左1個鐘，第三晚喊左40分鐘，第四晚喊左20分鐘。之後個幾晚佢就5分鐘內訓著。當然有時都會耐d，不過都係15分鐘內嘅事。 至於夜奶，有時佢3點就醒，都有試過2點醒。不過我睇另外d網站話4-6個月嘅bb訓12個鐘都可能仲需要1次夜奶，所以無所謂，唔會特登去改佢。總之佢可以自己飲完奶訓返就ok。 依家過左14日，bb嘅夜晚時間表大概係咁：7點9沖涼，8點飲奶，8點半訓覺。11點前我會dream feed佢一次。通常訓到5點，飲奶，再訓到8點幾。 至於日頭，佢終於可以自己係床到訓啦，通常訓40分鐘左右，有時可以訓到2個鐘。每日日頭total大概3個鐘左右。終於唔駛抱住訓！ 我當呢個training成功架啦。 不過我想講嘅係，如果你夠忍心，唔需要比錢join個program。 因為佢所謂嘅一個月無限consultation係廢嘅，你唔搵佢，佢係唔會搵你。我只係第一日join左個program之後有同個consultant講左5分鐘個電話，之後個2日我都有whatsapp佢問野，其他時間佢係完全無搵我，無跟進過我個bb嘅情況。依家過左14日，完全無跟進過，無問過究竟成唔成功。 仲要個2日每次WhatsApp完我都唔覺得有得著，講嘅野都唔係好supportive，甚至有d被責備嘅感覺。佢話唔好用奶嘴，會影響牙同埋bb學講野。我都知，但係bb第一兩日都未成功訓練到佢自己訓，喊到聲沙，唔通由佢喊足成日唔訓教？點都要佢訓少少所以先比奶嘴佢。點知個consultant就一野話你咁樣做唔得架，你唸住比奶嘴佢到幾時呀。嘩d態度真係頂唔順。我話曬都係佢半個客，佢轉個個tone同埋用字，我唸我會舒服d囉。 雖然佢都有話4個月嘅bb可能仲要飲夜奶，但係我從其他媽媽度學到可以做dream feeding。dream feeding就可以延長bb起身嘅時間。好彩我周圍問人jei.... 人地媽媽都搵sleep trainer，貴少少但係人地每日follow up，每日睇ip cam，每日同媽媽研究可以點做好d。我個個呢？消失左。可能我嘅expectation太高，但係follow up呢樣野應該好正常jei... 總之，如果你夠狠心，就唔好比錢。就算比錢，都要搵d你比錢比得gur d嘅consultant。 呻完。
