個日行弘大諗住lunch去食豬手，點知發現間舖頭係開晏晝4點半，於是係弘大漫無目的咁行緊既時候突然見到呢個食店，開頭係比門口個兩個大熊仔吸引，但見佢demo大大盤都係19,900 won(大約港幣$130)，於是決定入去試下呢間炸雞！ 入到舖頭都係得1枱客人，個一刻有少少懷疑會唔會中伏！但當開始坐落無幾耐就越黎越多人食喇！ 究竟咩係大米炸雞呢？呢度的炸雞唔係用一般的麵粉炸，所以就算放一段時間都唔會變"林"，而且用大米粉比麵粉的卡路里低同吸油程度低，亦都可以令到有過敏症的客人都可以放心食用！ 呢度主打係炸雞套餐，套餐包括：炸雞、辣年糕、沙律、炒烏冬麵、忌廉意粉、炸物、熟雞蛋同埋班戟。 主角黎喇！我地叫左調味炸雞套餐，價錢係21,900 won (大約港幣$145)真係好抵，香港淨係叫一碟炸雞都要百幾蚊，所以真係好抵食！而且味道絕對唔差，調味炸雞甜甜辣辣，仲有炸薯條伴碟，可以點旁邊的BBQ醬/酸甜醬，沙律加左胡麻汁，忌廉意粉有小小卡邦尼的感覺，炒烏冬麵比較日式，似日式炒麵多d！辣年糕超辣，個班戟可以加埋忌廉一齊食，但放耐左會比較乾！整體成個套餐都係好好味！ 就咁睇相睇唔到個套餐有幾咁大盤！加埋個人睇就知真係好大盤，兩個人其實食唔哂！ 「大米炸雞」 地址：首爾麻浦區西橋洞366-12 韓文地址：서울특별시 마포구 서교동 366-12 「YING住食住行」已經開左係Facebook開左專頁喇！ 歡迎大家入去比個like丫！ www.facebook.com/yingyingstyle
