岩岩上個星期同家人去左次2日1夜的家庭旅行，地點就係去澳門喇！我都已經好耐無去過澳門喇，對上一次已經係兩年前！ 先放一張新開的巴黎人鐵塔 今次家庭旅行最主要係陪婆婆去旅行，而且我比左個驚喜婆婆，婆婆一直以為我唔去，直至個朝食早餐時都仲講緊我去就好喇！結果我出現係婆婆面前，婆婆開心到成個攬住我跳起！製造驚喜大成功！ 巴黎人鐵塔真係幾靚架！ 夜晚去大三巴感覺又唔同d！ 今次酒店住威尼斯人，check in大堂已經有棵好靚好大的聖誕樹！ 周圍都有好靚的聖誕樹 新濠影匯都有3D立體畫 新濠影匯的食街玩懷舊主題，紅色的鐵閘絕對係影相位！ 點擊圖片放大 懷舊士多 終於去巴黎人影相喇！ 暫時未去到真的巴黎鐵塔，係澳門呢個鐵塔影住先喇！ 入面的噴水池一樣咁靚 整間酒店都係參照法國凡爾賽宮嘅裝修，就連Check in大堂都非常豪華。 其實真係好靚，下次試下住呢間先！ 大堂的天花壁畫靚到呢... 夜晚的戶外更加靚，當晚好多人係度留影 入去鐵塔裡面係要收費的，鐵塔分兩層觀景台7樓及37樓。而鐵塔每晚都會有巴黎鐵塔燈光秀的表演，時間係18:20 - 00:00，每15分鐘一次。但大家要留意澳門巴黎人響應“地球一小時”的活動，鐵塔燈光秀將會係每個月第一個星期二20:30-21:30之間暫停演出。 鐵塔觀景台 開放時間：10:00am-10:00pm 7樓觀景台門票：平日MOP98（小童MOP68）；假日MOP118（小童MOP88） 37樓觀景台門票：平日MOP168（小童MOP138）；假日MOP188（小童MOP158） 下一篇文章會介紹澳門的當地美食，大家記住留意喇！ 「YING住食住行」已經開左係Facebook開左專頁喇！ 歡迎大家入去比個like丫！www.facebook.com/yingyingstyle
