之前兩篇都有講到我今次去韓國參加左韓國1天遊，呢個團包左3個景點： 1.【YING住行】江川鐵路單車Railbike"Click me" 2.【YING住行】南怡島賞楓葉"Click me" 今次就講埋行程的最後1個景點 - 小法國村 有睇過韓劇"來自星星的你"的話，對小法國村一定唔會陌生，除左"來自星星的你"之外，仲有"秘密花園"同埋我最愛的"Running man"都係係度拍攝！ 雖然大家認識呢個地方可能都係因為韓國節目，但其實呢度係仿照著名童話"小王子"所居住的法國村建造，韓國的法國村係重現法國東南部庭院村落的主題公園。 呢個時間去法國村已經開始佈置聖誕裝飾 充滿童話氣息的法國村 係鐘塔望出去風景好靚 村裡面有個鐘塔，每一層都有好靚的壁畫，都係一個影相位！ 村裡面有不同主題的展示館，呢個係佈滿繪畫得好靚的碟！ 各種歐洲陶瓷公仔，真係好靚！ 點擊圖片放大 +3 溫馨提示：法國村其實面積比較細，所以好快會行哂！如果大家唔算好熱愛影相的話預留1個鐘係度影相已經好足夠！
