復活佳節，四日假期，唔想同人捱貴機票，決定番大陸一趟。 想話早一日上網預訂高鐵，點知話要親身到內地站口驗證account……煩到爆，結果高鐵去唔成，反而搭左火車到廣州玩左幾日。 高鐵有個電話app, download左落來之後要註冊戶口，你以為註冊完搞店買得……傻豬來既，首先你要通過個戶口，方法係用一個有效的大陸電話號碼(要收到短訊既)，透過短訊形式收驗證碼去通過戶口……你以為自己有一卡兩號好威威，傻豬，你個19一卡兩號點都係出香港number, 所以收唔到短訊架。結果？就係打電話上去，用你唔係母語既普通話同客服傾下計，跪求他俾個驗證碼你啦！ 你以為通過左個戶口搞店晒可以訂票時，傻豬來既，你仲要真人親身在內地售票廳核實，個人去到啦，要記得講清講楚唔好俾d職員急口令豪氣式既普通話嚇親，係要核實兩次，一係核實戶口本身，二係核實常用聯絡人的資料，常用聯絡人的意思係你要買票果幾個人，包括你自己，都係要再核實一次。 核實晒啦，你以為自己可以試下網上訂票，點知原來個app可以有bug既，核實完都話未核實唔俾預訂。 ok, 呢個時候……你可以親身叫職員把你苦苦行到呢步既所有野成個account取消左它……搞店！重新做一次以上步驟！結論係終於下次可以在香港預訂左高鐵票先啦！
