上回講到，帶左伴娘Tracy同姊妹Ruby去CLINICX見梁醫生，討論完一輪當然黎到打針既重要時候。 Tracy當日打既係Ultra V Lift埋線，而Ruby最後都係選擇左Ellanse，因為佢個人比較心急=_=（梁醫生話Ellanse填充可以見到即時效果，而Sculptra(聚左乳酸?)就要比少少時間佢漸漸生長） 打既過程，佢地2個都話無乜唔舒服既感覺，只係落針之前有d緊張，但落左第1針之後就無乜野，感覺同去做facial/massage差唔多。Ultra V Lift埋線同Ellansetreatment既過程亦唔算耐，我o係treatment room出面大廳坐左陣佢地就做完。 做完出黎，當然要即場鑑賞一下佢地個樣。做完Ultra V Lift埋線既Tracy，塊面即刻細左半個碼，面型真係唔同左，個輪廓sharp左好多，當然，之後既幾星期效果慢慢會變得仲好（可以睇下面既before after相）。 Ruby做完Ellanse，我同Tracy一睇，wow，眼前一亮，終於由骷顱骨變返靚女，成塊面豐滿返，尤其係剛剛做完塊面有少少腫，望落真係差好遠。Ellanse呢隻filler效果真係一流，已經成為左我下次要試既目標之一。 相信好多人都會關注d針窿。無錯，針窿係有既，但可能醫生手勢好，出黎完全見唔到有血，所以d針窿基本上係要烘到好埋好埋先會發現到，所以唔駛太擔心。瘀方面呢，頭幾日針窿附近係有好輕微黃黃地（Ultra V Lift比Ellanse無咁明顯），但好快無事，完全無話太樣衰返唔到工出唔到街既情況，就連我地呢班自稱「靠樣搵食」既姑娘都無問題。 o係我既要求（威迫）之下，2位姊妹同意我post佢地既before after相比大家見識下。 Ultra V Lift埋線AFTER- 比較下腮線位，真係V左好多，絕對唔係影相角度問題啦 Ultra V Lift埋線BEFORE Ellanse填充AFTER - 終於唔再三尖八角，睇落後生d，精神左 Ellanse填充BEFORE 係咪差好遠呢？=_=
