於香港機場 T2 check-in, 乘搭 Tigerair 虎航, 揀 Tigerair 有兩個原因, 一來係平, 二來係時間配合, 10:55 - 14:50 (本身有諗過買新加坡航空, 但唔知點解d稅貴好多) 虎航其實係細機黎, 一排六個座位, 左右各三個座位, 前後都幾逼, 唔知點解次次坐後面果個都係會搵對腳頂住我..... = = 虎航機票本身只係包 hand-carry 10kg / 7kg (唔同航線) 買check-in 行李都唔算太貴, 我地只係買左一個check-in 20kg, 係機場個磅度到 20.6 kg .....要即刻拎返對鞋放入背包先得 :P ( 題外話, 虎航揀座位係要加錢既, 本身有d人話唔駛揀位, 早d去check-in就可以叫個staff幫你揀, 但又有d人話唔揀定位有可能會無位上機, 所以自行決定喇, 我就當然買定喇) 搭左幾粒鐘, 終於到新加坡, 其實我真係好驚搭飛機, 因為有時升高升低, 個離心力會嚇親我, 好在每次都有吳太陪住我 (感動) 其實我唔知邊款字先係新加坡當地既字 Ez-link, 當地既八達通, 手續費 SGT $5 係無得退回既, 張卡都幾靚, 不過除左搭車真係無乜用途, 呢方面香港八達通真係方便好多 每次去旅行都會出張呢d卡, 真係慳太多時間 la 機場既 MRT 幾欣賞佢咁寬敞既車廂, 寧願cut左d座位, 比多d人乘搭, 呢方面like佢設計多過香港 去到呢間酒店, 我上網 (Tripadvisor, agoda, expedia) 睇過唔錯既酒店, 唔算貴丫, 一晚只係 $ 929, 幾新幾靚, 最緊要係近牛車水, 總要係正 MRT Outram Station 上面 ! (機場MRT去around 45分鐘) 再黎多次的話, 都會住多次 Dorsett Singapore (房間d相自己上網search下喇) 房間設計得幾好, 唔會周圍都係鏡, 幾有一種屋企既感覺 放低d行李就去左 ChinaTown, 本身諗住去天宇旅游... 點知比我地見到呢度有松發肉骨茶分店, 一於食左先講喇 ! 排骨肉骨茶 + 扣肉 + 兩碗飯 肉骨茶係好重胡椒味, 可以不停加湯既, 好飲 扣肉用黎撈飯都係一流 ! ( 坐低記得話唔要濕紙巾, 因為要加錢嫁 ) 係Chinatown 2/F定 3/F 既 天宇旅游 買左所有想去景點既門票, (夜間動物園, 環球影城, 海洋館, 濱海灣, 滑坡及空中纜車) SGT $272 個男職員幾好服務, 見上網話d服務態度好差, 我又唔多覺, 佢重慢慢講解比我地聽添, 本身買夜間動物園係想早d, 但佢話 21:30果場會好d, 因為早去都未必入到, 可能要等到21:30.... 既然佢建議, 咁就照聽喇 搭左一段時間終於去到夜間動物園 交通方法 : 去到 MRT - NS16 Ang Mo Kio, 跟住 Zoo個標誌, 去乘搭巴士 138 號, 係終點站落車, 落車後認住上圖對眼既logo (發光果對呀, 唔好行錯路) 係門口有幾個人表現噴火, 非常精彩, 亦會感受到果種熱力, 等到 21:30 入場, 去左睇個劇院...但其實無乜野睇, 可以慳返d時間唔駛睇 跟住我地就搭遊覽車周圍去睇, 其實好多動物都已經訓左, 唔算多野睇, 個動物園後半截係好多種鹿....睇完鹿, 又係鹿....當然有分別喇...但我地分唔到 有d失望, 因為真係唔算多野睇, 有興趣既可以一去既 (搭左兩次遊覽車, 一次係人講, 一次係錄音, 我自己覺得錄音聽得更加清楚 ) tips : 唔一定坐車, 係可以步行既 睇完已經就黎12點, 係門口搭返巴士返去 Ang Mo Kio, (巴士尾班好似 12點幾...唔肯定) 但 MRT 已經收工 lu, 唯有搭的士返去酒店喇~~~~~ 繼續閱讀2016.06.12 新加坡的第二天 - 環球影城 USS
