國際飯店蝴蝶酥 地址: 上海市黃浦區黃河路28號國際飯店西餅屋人民廣場站8號出口既斜對面就係黃河路美食街..小楊生煎, 佳家湯包同國際飯店就係呢條街入面一轉入去就見到國際飯店既西餅店, 蝴蝶酥係最受歡迎既食物第1次黎到又係下雨天, 勁多人排呀, 而且因為即整即賣所以等好耐但我之後黎過又見唔多人, 所以真係睇彩數試蝴蝶酥就好了, 其他不太出色蝴蝶酥一包5塊, 幾鬆化, 牛油味重, 可以一試! 佳家湯包 地址: 中國上海市黄浦區黄河路90號再向前行就會見到佳家湯包, 而且會有不少人排隊 早起的鳥兒有蟲吃, 要早去先能夠食到限量發售既純鮮肉湯包, 即鮮肉小籠包我第一次12點幾先去到就食唔到, 第二次8點幾去就咩都有另外蟹粉鮮肉小籠包都好surprise, 好重蟹黃味好足料好食!真係齒頰留香~佢地既小籠包真係要食呀!真係好食又多湯, 諗起都想食!!!蛋黃鮮肉小籠包都有試, 但冇蟹粉同純鮮肉咁出色另外, 有設外賣, 如果住附近可以落去買番酒店食, 當然冇即刻食咁好啦小楊生煎呢間又係唔試唔得, 佢係佳家湯包對面, 可以係排佳家湯包時買黎食住等另外亦有售賣鴨血湯, 酸辣粉等, 但冇試過生煎包有3款口味,我地買左3拼, 有大蝦生煎, 小揚生煎(即全肉)及薺菜生煎(全菜)最好食係小揚同大蝦, 真係好食到食左幾日一咬開就係滿滿既湯流出,一定要趁熱食呀!泰康湯包館 地址:中國上海市黄浦區南京路南京路步行街768號係人民廣場站7號出口附近, 近我果間酒店係酒店隔離有個叫上海新世界城既商場, 入去後從地庫穿過去南京路步行街就到, 十分方便我竟然到最後一日先發現, 之前每次都係行番去地鐵站兜=.=抵達步行街就已經會見到泰康食品的牌子了, 下層係買手信, 上層係湯包館上層都幾闊落, 行街行到咁上下去食下休息都幾好呢度最好食就係蟹粉湯包, 入面仲有蟹肉蟹黃, 湯味濃郁, 不可錯過其他食物仲試左小籠包, 生煎包同辣醬炆肉麵小籠包既湯比較甜, 個人覺得普通生煎包都可以, 當然敵不過小揚生煎而辣醬炆肉麵有點驚喜, 不算太辣, 肉炆得好食, 下圖係比我食左小小先影的哈哈打完呢篇之後真係好想去食多次呀=P
