講少少預備篇先.. 唱錢方面..前排日元真係好抵..去左尖沙咀堅成..當時日元兌港元係1:0.064 今次係搶HK Express既平機票..揀埋靚時間早去晚返..2人Total $3,000 就係咁中伏!過左1排..見新聞話改左航班時間..而我又冇收到通知..即刻打去證實.. 點知真係比佢改左去程做夜機..如果要改番早機或下午機都要我加每人1千蚊..crazy?! 明明係佢地改左..要我加錢..之前已聽聞過平機票有可能會冇位比你上機.. 原來真係平野冇好...好吧..拗唔過佢地唯有局加錢.. 過左幾星期後..突然收到EMAIL話會退番錢..航班時間依然可以係早機..可能太多人投訴吧! ANYWAY..我以後都怕左..如果搶平機票的話..提提大家要承受風險呀! 至於BOOK酒店..發現除左Expedia,agoda等等之外.. 日本book酒店可以去樂天旅遊格下價.. 因為同一間酒店我係樂天book平左差唔多HK$100一日..女人心態慳得就慳嘛XD http://travel.rakuten.com.tw/ 注意: 日本係極少垃圾桶..所以自備垃圾袋呀.. 而煙民就要自備鐵盒掉煙頭了 18.2.2016 Day 1 大阪比香港快1小時~ 去大阪真係要做定好多功課..事關地方大..地鐵的種類也較多.. 建議上網搵定JR同地鐵路線圖出黎睇定會比較方便 到達大阪係當地差不多2點..但最估唔到係IMMIGRATION果度等左成超過1個鐘.. DAY1行程已失預算..我住既飯店係位於心齋橋.. 拎完行李後會見到個有個TRAVEL DESK..旅客們都可以係果度買ONE DAY PASS等等.. 大阪既交通PASS太多種類..睇到眼花.. 我呢D即興都係冇買..行程永遠PLAN果陣都好完美.. 因為我試過之後有2日都係地鐵買左ONE DAY PASS..但最終時間難控制..想去既地方冇去..所以個PASS係蝕錢的=.= 睇個人需要吧..如果PLAN實行程既話用PASS都真係幾抵既! 上2樓就係搭南海電鐵或JR既地方..雖然上網做左RESEARCH..但第1下望完都係唔識.. 唔洗緊張..雖然日本地鐵唔似香港咁簡單..但最方便既地方就係去親D景點既售票機前一定有工作人員幫你..佢地仲識講國語..幫你買車票.. 去心齋橋係要搭南海電鐵到難波再轉地鐵到心齋橋..價錢是1,000YEN 記住搭急行列車喔..比較快..而特急的話是要另加錢..只是快10MINS 不用考慮..入票落入閘機..票會在另1邊出來..然後打了個洞 一見到車就好心急上了..冇影相總之寫急行的就對了.. 不算大多人..有位坐的..大約50MINS就到難波.. 出閘後跟指示牌到地鐵站轉到心齋橋就得喇! 我住新大阪心齋橋飯店..8號出口就係日航酒店.. 地鐵上黎係要行好多樓梯的..真係好多下!!!睇下有冇需要搵電梯搭吧! 8號出口轉左直行第1個街口再轉左入去直行1段路..好快就到! 飯店方面..個人不太喜歡..不竟歷史較耐..房間都是用鎖匙開的..出去前要歸還鎖匙.. 而枕頭係好硬的健康枕..不是一般的酒店枕頭.. 但好處係算大..至少可以平開28吋GIP..因為日本的酒店通常較細 日航酒店對面就係心齋橋..好方便行街XD CHECK IN完都已經5點多了..注意日本很多店都係8-9點就關門了! 食店有些會遲D..所以要安排定食先定行先 行行下見到惡老闆串炸..好易搵的 如果MENU是日文的話可以問店員拎中文MENU.. 店員會先給你椰菜..我先點黎試味..原來係類似梅既味道..我個人比較不喜歡.. 但用炸串點來一齊食.味道唔同喎..有驚喜..可以一試! 點完醬汁再落調味架的椒鹽好好味! 記住不能2度點醬汁喔! 之後見到PABLO..心齋橋有2間分店..唔多人排隊..可惜我地只有2個人所以冇買蛋糕 心齋橋真係幾多野行..時間不多只係行左少少.. 女士們最愛買既藥妝都比較遲關..當然要血拼一下! 真係要格下價架..有D野價錢真係相差好遠..買滿5,000YEN以上記住排TAX FREE比PASSPORT佢退稅呀!店員釘係PASSPORT上既單據記住唔好拎走! 所有物品店員會PACK成一袋唔可以再拆開..根據日本條例係話要PACK好唔拆帶住過關.. 液體當然例外..不過買咁多野又點可以拎哂跟身..所以我都係照擺GIP..但就冇拆.. 因為拆左要會被加徵消費稅..雖然好多人都話唔會CHECK..呢D就自己諗喇! D人成日話日本D公仔好易夾..當然要1試.. 個人覺得就唔算太易..只係有一下好彩一擊即中小MINION.. 而個多啦A夢就夾左2百幾蚊..只係同行者太喜歡先會夾的XD DAY 1 END~
