9/5/2015 陰 12點左右出門..去洪師父食牛肉麵.. 洪師父就係阿宗隔離..haha 唔錯喔..D牛雜幾入味..個湯又幾好飲GD! 跟住就出發去十分喇..首先要從台北車站轉高鐵搭去瑞芳站..要到窗口買飛的.. 到瑞芳站後可到月台上的補票窗口買平溪一日券..可以無限次暢遊瑞芳至菁桐的站.. 本來想到幾個站行下的..但因為在山上的關係沿途都落大雨..所以我地決定先去十分.. 不得了..真係滂沱大雨!!!! 但我地沒有帶遮..只好衝呀~~~衝去買雨衣.. 真的十分狼狽!!!可憐的鞋子..沒了!!! 十分都有地方行下..我地買左個竹筒寫願望..人地話掛係樹上..我地就掛左係橋上haha 落大雨點影相??好彩我電話防水XD 唔係用相機就BYEBYE~ 一心想放天燈..諗住落雨一定落唔到啦..點知佢地又話可以喎.. 我地揀左4色天燈..包含住唔同既祝福..開頭寫到好似寫揮春咁-v- 放完天燈就諗住搭去菁桐..見旅遊書話係那些年既拍攝地點之一.. 點知中伏!菁桐其實係一個好細既地方..冇野行.. 唯一既景點就係條路軌omg 由於落大雨..所以軌與軌之間都係水氹..行唔到去中間=.= 咁大雨..雖然著左雨褸..但對鞋已入哂水..好快影完.. 但要注意既係要等好耐先1班車..唔知係咪睇錯時間..要再等.......... 走既時間已經7點多了..上到車冷氣好大..溫馨提示:可以帶定薄外套.. 不過5,6月呢d雨季日子真係唔建議去十分!!!著住對濕既波鞋真係好難頂..不過都已經洗濕左個頭..索性直接去饒河街夜市了! 車長都問大家想去邊..可以即時補票的.. 饒河夜市係松山站的..到達後問下人好容易就到達.. 呢度好多野食..又有街行..相信男女都岩~ 食食行行之後當然要搭的士番去! 身心疲累呢~~所以番到去齊齊浸腳XD 題外話: 我對鞋乾左之後都臭..真係臭到想嘔..最後我帶番香港洗完都冇轉變..掉了so sad T.T!!!
