之前一直都想將每次旅行的經歷寫低..但咁懶既我點會有恆心寫haha 今次第一次自己同情人去旅行..佢未去過旅行的.. 所以今次由book機票酒店到plan行程都係我自己計劃格價.. 之前去過4次旅行都係由朋友負責的,所以什麼大小事我都不懂..很習慣地依賴他們了. 今次係一次學會獨立既好機會呢! 正因為咁..我好想將我既紀錄回憶寫低..突然有一個念頭閃過--寫blog,又可以同大家分享下!開始. 新手嘛,所以好多事情都請教朋友了,麻煩哂 :-) 之前想左幾年去首爾,今次終於去得成了! 第一次買機票,都唔知有咩航空公司可以揀 research後發現都有唔少的,hk express, 濟州航空, korean air, 國泰, 印度航空 (我所知的) 再唔係skyscanner等等既網都可以幫你比較下搵機票 經過一番比較後,選擇了hk express $5,008是2人價錢,包括了20kg行李(不包早餐) 5日4夜,早機去但是笨在早機返,因為揀左round trip.. 又怕分開買機票麻煩,所以就白痴左一次=_=而家諗番根本係浪費左最後一日!酒店方面,係expedia睇左好耐,明洞比較方便但相對就貴少少 最後揀左sutton hotel myeongdong 比佢個露台吸引左,好似好浪漫咁,仲有jacuzzi係出面添 但今日再睇網友既blog,原來冬天係唔可以用jacuzzi的=[ 價錢方面因為有露台所以貴少少 - $3,786當地上網方面,諗住方便d所以係香港租了wifi egg 本來2014年租有優惠,但我錯過了 現在是$55/日,加$1,000按金 由於親身取機還機的車費跟速遞費也不是差太多, 所以我選擇了速遞送機到office,送及還各加$20,還機後會退回按金到銀行戶口 以下係今次租蛋的網址 http://www.wifi-egg.com/去韓國當然唔少得去滑雪啦!呢個係我去韓國既目的之一 我join左係旅遊書入面都見到既tony tour 有幾個早鳥優惠,我揀左全日的(唔包lunch) 滑雪場暫定芝山 每位Usd85,先比每位hkd80,到達後再比150,000圜 以佢地既計法,總共係170,000圜呢兩日都忙住上網睇資料,發現而家原來係有咁多人打旅遊blog,真係幫助我不少 希望我所分享既野可以比大家參考到啦,雖然只係好少既分享haha 唔知有冇人睇呢XD
