前排睇到viutv 暖男爸爸，有一幕係講整長崎蛋糕，心諗我都好鍾意食喎，不如試下整啦。。。。 上網找過不同食譜，自己改過小小 ^^材料：1 . 高筋麵粉 80g2 . 蛋黃 5隻3 . 蛋白 4隻4 . 黃糖 /白沙糖 90g5 . 蜜糖 20g6 . 室溫水 20g做法：1 . 先將蜜糖用室溫水開稀成蜜糖水，備用。2 . 先用發蛋器將蛋白打起，並將糖分3次落，直至蛋成企身狀態。3 . 先將一半蛋黃放進已打均的蛋白內，攪均。然後再放餘下的蛋黃，繼續攪均。4 . 將高筋麵粉加入蛋漿內拌均，成麵糊。5 . 取約2匙更麵糊放入蜜糖水內攪均，再加入麵糊內拌均。6 . 最重要一個步驟。。。先將小小白沙糖放在蛋糕模內。之後才倒入麵糊。7 . 預熱焗爐180度8 . 將麵糊倒進長方形焗模，先放最低層焗20分鐘，再放中層再焗20分鐘而表面金黃色。9 . 取出後放涼，用保鮮紙包好放雪櫃，雪60分鐘，取出將四邊切去，再切成片狀，完成。 其實剛焗完即刻食都好好味，但雪一陣再食，蜜糖味更出色。點擊圖片放大 更多玩樂分享FACEBOOK : [ Grace的玩樂遊記]Instagram: [is_awonderfullife]
