又整全麥麵包啦，今次係全麥吐司，因為之前買咗黑麥麵粉，而且麥包比較健康，糖份軟低，最啱整俾屋企人一齊食。呢個全麥吐司，我整咗兩次，屋企人都叫好，因為加咗黑糖蜜，所以有陣陣蜜糖香味，而且麵包亦好鬆軟。我自己就喜歡配上炒蛋一齊食，再加杯咖啡，就是假日最好嘅早餐^^ 材料 ：a) 全麥麵團 (需冷藏8小時以上)目的是令麵包更鬆軟1.全麥/黑麥麵粉 ： 120g2.清水 ： 120mlb) 高筋粉麵團1. 高筋麵粉 :350g2.黃糖 :30g3.鹽 :5g4.即溶酵母 :5g5.鮮奶 : 220ml6.黑糖蜜： 2g7.無鹽牛油 ： 40g 做法 ：1 . 先將 (a) 全麥麵粉＋水，攪均。放雪櫃一晚 （大約8-12小時)2 . 將（b) 1-6項，材料先攪均，先放15mins，之後再搓成麵團。3 . 麵團大約搓了10分鐘成形後，可再加入牛油一起搓，直至麵團表面光滑。4 . 可以開始進行第一次發酵，時間是 60分鐘。 5 . 之後將已發大的麵團，分開成四份。 6 . 再搓成圓形，再放15分鐘等麵團再鬆馳。 7 . 之後，將圓形麵用木桿壓平長形，並將兩邊向中間摺，變成長方形。 8 . 再用木桿輕力壓平。 9 . 由下而上卷成條狀。 10 . 放在長形模內，並進行第二次發酵，時間是60分鐘。 11 . 預熱焗爐180度，焗15-20分鐘。 完成 ^^香噴噴嘅黑蜜糖麥包出爐啦⋯⋯ 放涼後，仲可以切成厚片。配上果jam 或炒蛋都好好味㗎。 更多玩樂分享FACEBOOK 專頁 ：[Grace的玩樂遊記］Instagram: [is_awonderfullife]
