我已經好耐無寫飲食嘅blog 啦,因為想自己生活可以健康點,所以習慣每到星期六,都會係屋企整麵包,以便之後幾天可以當早餐。而今次做的黑糖蜜包,已經是第二次做,因為好食又健康,所以Encore...其實在網上已經可以搵到不同的食譜,不過我就將它們更改小小。材料黑麥/ 全麥麵粉 - 80g高筋麵粉 - 220g無糖可可粉 - 8g (上色用)黑糖 - 45g黑糖蜜 Molasses- 35g (因為用的是blackstrap molasses, 味道偏苦,顏色偏深色,所以份量比黑糖小,一般如果買到dark molasses , 味道會偏甜,份量可以增加。視乎個人口味^^)鹽 - 4g即溶酵母 - 3g清水 - 160g無鹽牛油 - 25g 做法1. 先將黑麥麵粉、高筋麵粉、黑糖、可可粉、鹽、酵母放入盤內,輕輕攪均。2. 將黑糖蜜molasses 加進清水內攪均,變成蜜糖水。3. 將蜜糖水倒入麵粉中,慢慢拌均。4. 麵團捧均後,先放15 mins , 讓液體同麵粉有足夠時間結合,可令麵團產生大量麵筋,之後 就會容易搓成麵團。5 . 開始搓麵團,先將麵團輕搓均致不太沾手,加入無鹽牛油繼續再搓,直至麵團表面開始光滑及不沾手。6 . 放進盤內,開始第一次發酵,大約60mins / 麵團發大 2 陪。7 . 麵團發大後,可根自已喜好,分成4 /6 份小麵團。然後將小麵團壓平放氣,再搓成圓形。再放15 mins,讓小麵團休息。 8 . 小麵團休息過後,將麵團壓平,再搓成長條形狀,之後再進行第2次發酵 (約60-90mins)9 . 第2次發酵完成,在麵團上灑上少許高筋麵粉。 10 . 預熱焗爐,200度焗 15- 20 mins。 經過20 mins 後,香噴噴嘅麵包出爐啦,其實一路爐都會聞到一陣陣黑蜜糖香味^^ 可以隨自已喜好,配不同醬,我就試過牛油、果jam,蛋沙律都好好味 ^^ 一份簡單而健康的早餐,簡簡單單,生活就是這樣。更多玩樂分享FACEBOOK 專頁 :[Grace的玩樂遊記]Instagram :[is_awonderfullife]