之前都去過幾次利東街附近有一座全部都係餐廳嘅building，今次就去左裡面嘅【hEat】食，因為聽聞佢哋嘅熟成牛肉好出名！同埋價錢適中就食到高質西餐！ 我地分別叫左一個4 course dinner set，Arroz Con Pollo，同兩個小食Potato Bravas同M&M。 Potato Bravas：焗薯角配上香草同BBQ醬好香濃，再搭配sour cream非常清新！ M&M (mozzarella & mortadella)：火腿搭配上香濃鹹香mozzarella，好特別好開胃！ Arroz Con Pollo（二人份）：傳統西班牙燉飯配無骨雞塊。西班牙燉飯以茄汁烹調，裡面加左唔同蔬菜、西班牙香腸，好特別、但個人覺得茄汁有少少偏酸！無骨雞塊好嫩滑、塊皮煎得好香脆！ 4 Course Dinner Set 頭盤Summer Truffle Porcini Toast：加左牛油嘅多士再加上黑松露醬同cheese，香濃得黎唔會膩！ 前菜King Crab Leg：炭火烤日本帝王蟹腳， 炭火烤完非常香，蟹腳加上炭火味，鮮味非常突出！上枱前，蟹腳已經先剪好，只要輕輕挑出黎就得啦！ 主菜 Dry Aged 30 days “Greater Omaha” Sirloin：熟成牛肉牛味非常濃郁，肉質細緻嫩滑！唔需要過多調味已經可以食出牛肉本身嘅味道！伴碟蔬菜簡直令人驚豔！調味好特別，而且蔬菜本身非常鮮甜！ 甜品Honey Bee Yogurt Panna Cotta：乳酪奶凍配上自製香橙百里香果醬，乳酪奶凍好香奶味，但唔膩。自製香橙百里香果醬好特別，橙味非常濃！再叫上蜂蜜糖果，口感味道都變的非常特別！ Cocktail Margarita: 每個dinner set都會附上一杯自選cocktail/ mocktail，我地就選擇左Margarita。 依家自己帶有木塞嘅酒去餐廳、仲可以玩cork wishing 許願添！ 地址：灣仔皇后大道東202號QRE Plaza 23樓
