一直都話要暑假同POLLY去旅行, 點知兩個都要實習到8月,冇時間plan,8月去仲好貴.. 我心諗應該都唔會去啦!! 點知有一日傾傾下, 我地就係24小時內決定去峇里, BOOK埋機票酒店..就咁我地要去旅行啦!! 成件事好瘋狂,果陣我真係覺得自己發緊夢... Anyways,之後我地plan 左行程,就開始9日峇里之旅... 2014年8月13日 12:30p.m. 我地係機場正式出發!! 點擊圖片放大 出發就緊係不忘自拍幾廿張先啦!! 純粹證明我地係機場lu.. 因為之前我地封口冇同晶晶&言言講, 所以我地好好心機拍video宣佈我地去旅行.. 但返黎既反應好似係好冷淡haha 登機相點少得?!拍照勝地!! 有冇留意我地搭Malaysia Airline haha.. 都咪話唔驚,近期先出過2次事,不過因為佢平, 而且我地信我地實冇事, 所以開開心心去旅行lu.. 香港落大雨,搞到原本2:30p.m. delay to 3:30p.m. 同時擔心緊Bali 會落雨,差D想整晴天娃娃.. 一直天都好黑, 但上到雲上面又另一個境象. 飛機餐,有cheesecake讚讚讚. 坐window側邊,可以睇風景. 我地選擇轉機,可以行下馬來西亞.. 香港-->馬來西亞-->峇里-->馬來西亞-->香港 四程機得哩一程我地係清醒, 所以仲影下相, 之後果D我地訓到豬咁. 我地都帶住Kitty送既錢包去旅行!! 哩到只係我地帶既一半,好有錢!! 帶左8百幾萬去!! 坐左4個中機,7:30p.m.我地到達馬來西亞! 行左一陣機場發覺有好多野食. 跟住急急腳checkout決定去市中心KL sentral行下先. 搭地鐵好貴,我地問人後知道有大巴搭.. 我地同時間問果個人"Where can we take the bus?" haha,我地得400元馬幣緊係要慳d, 搭車都用左40.. 一個中車程出到去,就周圍行下商場.(9pm) 因為太夜所以唔去景點.. 首先見到賣生果, 所以即刻食大樹菠蘿,好好味!!幾蚊馬幣... 發現馬來西亞飲品店, 所以飲左杯荔枝紅茶?!好味! 馬來西亞便利店同萬寧, D野好平, 買左沖涼浴球,香港買一個哩到買到4個.. 好興奮!! 香港都食過哩間, 但之後執左,衣家見到忍唔住買黎食. 10pm 商場舖頭都關門, 所以我地完全只係行商場window shopping. 發現榴槤mc旋風, 好想買返香港比媽咪試下. 行到差唔多11pm, 我地又坐車返機場啦.因為坐凌晨4:25am 機去Bali. 尾班巴士坐滿人, 仲遇到個女人, 佢自己傾電話就得, 我地傾計就唔得,好霸道,諗起佢就嬲!!!!!! 返到機場, 我地行行企企坐坐,主要任務收wifi. 點擊圖片放大 +5 等時間過不忘自拍.. 我認我地玩到冇野好玩.. 點擊圖片放大 +6 其實馬來西亞機場都幾靚,雖然唔夠香港機埸靚haha 繼續亂影相... 一人戴3副眼鏡唔知做咩事haha 點擊圖片放大 +3 旅行重點之一:要影D懶有feel 相!!hahaaaaaaa 機場周圍都有人訓教, 幾好, 我地唔洗擔心遲D訓機場會點啦.. 成晚影得最有feel既相,其他我覺得我地係搞緊笑! 中間checkout 唔洗拎行李好好,行李直接送去Bali,好輕鬆!! 上機我地即刻訓教, 中間又有飛機餐, 旅行到哩一刻我覺得我地係不斷食食食... 食完即刻又訓著, 訓醒就到Bali 啦...
