上回講到我去o左塔斯漫尼亞...... 因為陳奕迅我o黎o左(我承認我膚淺到不得了), 不過我o既膚淺讓我1段美滿 旅程, 真係抵到爛呀! 我第1站係Hobart. 頭3日住o係hostel, 周圍遊覽同埋搵工, Hobart係1個無咩人既城市, 同Melbourne落差好大, 就算係CBD都係好少好少人. 但係行o係1條無咩人o既街, 係好好好舒服. 而我除o左周圍遊覽觀光之餘, 亦有積極咁去搵工, 幸運地, 搵到1份可以o係農場住埋o既工(當然要比租啦, AUD10/Day包水電煤無wi-fi), 返工o既地方行幾步就到, 正呀! 我係做Raspberry Picker, 係piece work(即係要快, 同埋係多勞多得). o係Hobart周邊o既農場果園, 我問過o既全部都係by piece計, 我無諗可以搵到幾多錢, 只係諗我1直想試下過農場生活, 而現在就有1個機會. 最後證明o左我並無選擇錯誤, o係呢度o既4個月係我人生第3最好o既時光 :) 好快我已經習慣o左日出而作日入而息無娛樂o既生活, 星期1至6都係5時多6時起床, 慢慢咁食下早餐然後上班, 午餐時間返去屋企食下野, 到下午5時多6時下班. 星期日就係休息. 休息其實係冇野做, 有時只係hea下就過o左, 有時候會出去親親大自然, 有時會去超級市場...... 無網絡o既世界, 多o左好多時間同自己相處, 開始知道自己想過咩生活有咩目標. 無whatsapp/line, 多o左好多時間同其他人對話, 人與人o既溝通接觸更實在. 所有野返回最基本.
