如果每個男人心裡面都有一座斷背山咁每個女人心裡面應該都有一位公主!女生心情轉變比男人多亦係真嘅~性格多樣化其實冇咩問題呀~以不同的面貌去面對唔同人、唔同嘅場合呢D應該叫做八面玲瓏呀~ 村上隆先生可能令你諗起名牌袋但我更喜歡佢今次同Shu Uemura合作的聖誕彩妝系列!!由村上隆特別設計兩位公主同小精靈少女味十足!! 仲有動畫tim~ 依個系列帶出女性嘅多樣化既可以清純又可以俏皮性感隨著心情而展現不同的一面唔講唔知，原來真人版公主係同一個人嚟架!!所以化妝嘅力量真係好大呢~!! 整個六心公主系列都十分吸引!!除左魔幻眼影胭脂彩妝盒外仲有eyeliner, 睫毛夾, 假睫毛, 唇妝胭脂組合, 潔顏油, 泡沫底霜, mini brush set, 指甲油仲有化妝箱~!!!種類之多，應該算係眾牌品之冠~~~ 好開心被抽中參加今次U Beauty活動!!可以率先體驗依一系列嘅新品呢!!活動開始先播放出六心公主動畫微電影!邊睇邊覺得：依個crossover真係好用心~(同埋洗費好貴!)動畫中2位公主又唱又跳，好有初音feel~ 跟住當然唔少得化妝示範~即場將Model變身成為暗黑公主~先用誘惑暗黑彩妝盒中紫色做眼妝主調然後"痴"上限量版翅上瑰寶尊貴版彩妝睫毛濃密的睫先上仲有閃石，非常搶眼! 示範後就到左體驗時間~咁O岩我個位放左盒心動粉紅彩妝盒依晚就試下做粉紅公主~盒內共有7格眼影同一格胭脂左上4大格pressed eye shadow: 彩光白．彩光黃．鑽閃珍珠粉紅．彩光粉紅其他3小格silk smooth eye shadow: 深棕．紅棕．嫩橙顏色都易用，而且有2種不同質感先用左上彩光白整個眼蓋打底，再塗上彩光黃深棕於眼尾做陰影加強立體感，可以避免粉色太眼腫眼珠中間塗上彩光粉紅作主色，前半眼可以用鑽閃珍珠粉紅增加溫柔感加埋眼線、mascara就完成眼妝!仲可以用彩光白做highlight!整個過程都用緊mini brush set的掃，質感不錯~ 每位出席blogger都有一套試用~包裝盒都有村上隆特別設計的人物而且每款產品都唔同呢! 試用品包括：誘惑暗黑彩妝盒．魔幻唇妝胭脂組合 (公主珊瑚紅)．魔幻持久啫喱眼線筆 (魔幻紫) 誘惑暗黑彩妝盒附有2支小掃2個棉花頭、2個毛毛掃 顏色比心動粉紅彩妝盒深沉而華麗左上4大格：彩光金．彩光銀．鑽閃珍珠粉紅．彩光紫其餘3格：墨黑．深紫．深綠胭脂：珍珠梅紅 最初見到D色有少少唔知點算就自由發揮一下睇下會變成點~1. 先用鑽閃珍珠粉紅整個眼蓋打底2. 眼尾用深紫做陰影3. 將彩光紫塗於眼珠做主色4. 彩光銀放前半眼，令整個眼妝更立體 5. 用墨黑畫上眼線6. 將彩光金點於眼頭作點綴7. 用深綠畫2/3下眼線畫畫下開始有D聖誕妝感~ 依個時候醒起仲有支魔幻持久啫喱眼線筆 (魔幻紫)用之前先畫上手背順滑一下筆頭其實唔係好深色~適合畫下眼線 8. 畫下內眼線強調眼妝9. 擦胭脂時，驚濃妝的話可以畫C型10. 用鑽閃珍珠粉紅於額頭、鼻、蘋果肌、下巴做high-light聖誕最緊要就係閃~先有存在感! 魔幻唇妝胭脂組合 (公主珊瑚紅)可以當lip tint又可以做胭脂做胭脂略嫌太橙，搽咀好D~比lip gloss乾少少，所以最好用之前先塗潤唇膏 唔好忘記最後上埋mascara，有假睫毛就更佳啦~日光下都影得到閃閃的eye shadow吧~顯色度OK! 竟然真係可以一個妝用哂盒內所有色我自己都覺得好驚訝~~哈哈~~其實比心動粉紅彩妝盒易用如果係新手的話，誘惑暗黑彩妝盒會比較易控制至少唔會眼腫!而且D色好適合化聖誕party look~眼影質地細滑又貼服，唔怕玩玩下甩哂粉~至於魔幻持久啫喱眼線筆唔知係咪第一次用太新，唔係好出色!等我多D畫佢希望佢再出色D~ 襯返個閃鑽頭飾暗黑公主Look其實都可以好高貴~呵~~ 變身成功~~謝謝您~六心公主~ 六心公主官網：http://www.shuuemura.com/xmas/hongkong/我的專頁：https://www.facebook.com/whitericebeauty
