體質天生敏感 濕疹簡直係陪我成長嘅朋友! 以前一發敏感就會去睇醫生 而醫生就只會開藥同類固醇藥膏 食得多用得多都唔係咁好! 興幸香港可以買到好多外國品牌 以前有朋友介紹我用某法國泉水產品 大大話話都用左快10年啦 不過用用下好似用純左，冇咩好轉 似乎係時間試下其他野了~ 近幾個月塊面敏感冇好過 今次獲theZytle邀請試用La Roche-Posay TOLERIANE 抗敏舒緩系列 之前睇「女人我最大」老師們曾經推介La Roche-Posay 特別提到法國LRP係歐洲第一座且最權威的溫泉醫療中心 睇到我雙眼發哂光! 我都好想去接受治療呢!! 今次有機會試用產品都已經好開心~~~!! 試用產品包括： Toleriane Ultra 抗敏全效修護面霜(HK$270/40ml) Toleriane Dermo-Cleanser抗敏舒緩潔面乳(HK$220/200ml) Thermal Spring Water Spray 温泉舒緩噴霧(HK$60/50ml) 試用前先睇睇資料 指出皮膚敏感係一個惡性循環 依點我一直深深感受到，但當中原因原來係咁： 邪惡第1步 - 皮膚受刺激，神經線釋放出「致敏導體Substance-P」令身體作出反應 邪惡第2步 – 釋放出「分解酶」破壞彈力纖維及膠原蛋白，引起炎症，皮膚又紅又痕 邪惡第3步 – 敏感肌對於皮膚發炎反應會更大，於是釋放出更多Substance-P，更加痕，終於忍唔住抓到損哂啦~~~ 邪惡第4步 –抓到損哂，致敏源及其他外來因素更易入侵，又令皮膚於是釋放出更多Substance-P，無限輪迴!! 於是我咪又繼續敏感囉=__= 正值敏感，加上隨著轉季變得乾燥 特別鍾意用cleansing milk潔面~ 依支Toleriane Dermo-Cleanser可以用於卸眼及面部化妝 用法用卸妝油一樣，乾手乾面直接塗上面打圈 好快就見到原本白色的洗面乳變成粉底色了~ 試用時我都有試埋眼 eye shadow都卸到 不過mascara就唔得了 建議眼部都係用返眼部卸妝液比較好 打圈後用濕化妝棉抹全面 除左眼之外，基本上都可以卸走其他部位的妝 用卸妝水再抹，都冇咩殘留化妝~ 化左全日妝，到左夜晚通常都好繃緊 用Toleriane Dermo-Cleanser後皮膚完全唔乾，仲好水潤! 洗完面就用Thermal Spring Water Spray 噴全面做返toning 噴完等2分鐘左右，輕輕拍全面直至吸收 等皮膚保持濕潤度 亦可以改善敏感引起的脫皮及發炎現象 然後就塗上Toleriane Ultra 抗敏全效修護面霜 以100% airtight密封式無菌包裝設計 單係樽蓋已經有成15個組件，非常精密! 向右扭就可以用，唔洗打開蓋 加上有出冇入設計，唔會氧化或滋生細菌 大大減低內在面霜被污染的機會! 最好就係樽口唔會再有面霜結成一粒粒嘅情況呢~ 少少面霜都唔會浪費! 一般面霜含有40多種成份 而Toleriane Ultra 抗敏全效修護面霜就只有La Roche-Posay溫泉水、活性聚合肽、乳木果油等15種低刺激性成份 絕不含paraben、香料、色素等刺激性物質 而且係唯一獲法國權威敏感皮膚組織AFPRAL認可嘅skincare! 樽口非常細小，輕易地劑出適量白色面霜 望落好似好厚又結實 塗開又唔算好厚，只係比lotion”杰少少” 最好用印的方式塗，減低對皮膚的刺激~ 原本眼下底果一撻敏感位又乾又痕又甩皮 印上去後感到被滋潤，最緊要係唔會突然因為保濕而感到痛! 又紅又熱又痕嘅感覺都被舒緩了! 唔單止面部用得，連眼部都可以用，非常溫和! 試用左近2星期 早晚都用齊3款產品 終於冇咁紅同痕啦!! 同時全面得到滋潤，日間使用後上妝都唔會”立”同出油 好難得抗敏又滋潤嘅面霜可以做到咁呢! 再次多謝La Roche-Posay 同埋theZtyle! *是次有關產品及資料由theZtyle.com提供 想知更多，請到 http://www.laroche-posay.hk/ https://www.facebook.com/LaRochePosayHongKong 我的專頁：https://www.facebook.com/whitericebeauty
