近年最常去嘅地方就係台灣 10次有9次都係為左睇演唱會~ 有D粉絲會只留一晚夜睇完走人 但我試過一次後覺得太攰 而且一場去到唔食下玩下實在太浪費啦!! 2014年唔知發左咩神經 一年去左4次旅行 有3次都係去台灣 都試左幾多新野~ (對我嚟講係新!) 2013年開始每次到台灣都會試最少一間Dazzling Cafe 因為佢一間店風格都唔同 Menu亦有分別 最基本的honey toast仍然會有 每間分店口味都會有不同 部份更加係該店exclusive item~ 11月自己去左高雄 完全冇plan行程之下 路經三越三多店 又俾我見到有Dazzling Cafe Ocean 全店裝潢以粉粉的灰藍色為主 氣質清雅~ 今次得一個人 所以唔食honey toast 試左個經典楓糖鬆餅，亦即waffle 加多NTD20仲可以有夾心麻糬! 呢個係基本口味 附有一小瓶楓糖 可以淋上鬆餅一齊食用 除左因為一個人KO唔哂一個honey toast 另一原因就係之前去台北時在另一家cafe 食到一份一試難忘的鬆餅! 原本對Dazzling Cafe都有點期望 以為可以一解思餅之愁 可惜真在係有差別啊!! 首先鬆餅不夠蛋香 而且質感太硬啦 雖然係脆 但我比較喜歡偏軟身口感 咁先至叫鬆餅嘛~ 另外麻糬唔夠軟糯 忌廉亦太多了 Dazzling Cafe裝潢及brand image咁夢幻 其實仍然有佢嘅吸引力 honey toast及意粉又真係唔錯嘅~ 所以我仍然會再去 貼返blog題 最新發現、成為我去台北必食之選 就係位於捷運中山站附近的 立裴米緹咖啡館啦~ 呢次係8月時陳先生family trip到訪的 其實咁多人一齊去真係唔知就得邊個 所以我冇參與準備行程 但又俾我出發前睇女人我最大發現介紹呢間cafe的鬆餅 講到咁好食 就趁第一日到埗未人齊時去試試啦~ 應該幾近捷運站 不過同奶奶一齊去 所以直接坐小黃~ 店內走工業風格 面積不太大 座位應該不到50位 當時都中午了 人客開始多 還好仲可以搵到3人座~ 每去一個地方食野 睇menu總會不自覺地先睇甜品! 今次當然都唔例外啦~ 而且係慕名而來食鬆餅嘛 所以先來一客冰淇淋麻糬鬆餅~ 麻糬需要加錢的，應該都係NTD20左右~ 花瓣型有個好處 就係唔洗將佢切到樣衰衰咁 可以一楷楷拎起嚟食 新鮮製成的鬆餅熱辣辣香噴噴~ 一口咬落去 入面又軟又熱的麻糬好Q彈! 仲會牽絲~~ 鬆餅同麻糬比例相當平均 最重要係鬆餅蛋香味十足 夠厚不會過薄 鬆軟度適中! 深得我心呢~~ 每一件內餡都相當實在呢!! 上面果舊cream一D都唔膩 食哂都唔會滯~ 食完一個實在係欲罷不能 估唔到連我奶奶都話好好味再食多份! 即刻加碼要一個焦糖蕃薯麻糬鬆餅! 焦糖蕃薯麻糬鬆餅 內餡既有麻糬又有蕃薯~ 至於焦糖，應該係指蕃薯用焦糖處理過 每一口都可以食到Q彈的麻糬 又有軟綿綿的蕃薯 都幾香甜架~ 話哂都叫做午餐 都要正正經經叫返份咸食 呢度其實只有甜/咸鬆餅、三明治、沙拉呢幾類輕食 以及多款咖啡同茶 食物選擇唔算好多 適合唔想食得太飽的女生 或下午茶聚一聚~ 三明治都唔馬虎 伴碟的蛋黃薯蓉瞬間被KO! 聽講麵包係由台灣名師吳寶春監製的 Boulangerie Le Gout供應 選料似乎好謹慎~ 三明治的芥茉醬相信亦係自家製 價錢NTD170亦算相宜 值得一試 咖啡當然唔少得 我同陳先生各自點了一杯 已經唔記得係咩咖啡~ 但味道就絕對不能用starbucks或pacific coffee果D奶水咖啡相比 因為呢度真係飲得出有咖啡味~ 至於我奶奶就叫左杯熱朱古力 味道超級濃郁~ 唔記得呢一餐係台幣幾多錢 應該大約HKD250有找 唔係平食但非常滿意同滿足 又難得奶奶都鍾意 下次一定要再去~ 價錢比Dazzling Cafe平D 食物質素又有驚喜 各位都不妨一試~ 聽講呢間都係排隊人氣店 平日去的話可以訂位 weekend就要早少少去搵位啦~ 地址：台北中山北路二段十六巷十號 www.facebook.com/pages/%E7%AB%8B%E8%A3%B4%E7%B1%B3%E7%B7%B9%E5%92%96%E5%95%A1%E9%A4%A8%E5%AE%98%E7%B6%B2-Lapres-midi-Cafe/328183203931137 我的專頁：www.facebook.com/whitericebeauty Instagram: whitericebeautynshop
