曾經每年新年前必定去電一次髮 自從2年前準備結婚 諗住反正都set頭，不電也罷，慳返~ 自此就已經冇再電了! 於是一把電過N次又未剪走哂的頭髮 變成了不直不捲、乾到爆炸的旱草了... 為左唔好太肉酸影響市容 最近習慣每日出門前都用捲髮器 但日日咁樣辣D頭髮都唔係辦法 就試下上次禮物包中的LUCIDO-L 包括最新推出嘅輕柔亮澤美髮油 仲有豐盈空氣感髮蠟~ 市面上早已出左N咁多款美髮油 好多都係用摩洛哥堅果油製成 我都試過好幾個品牌 發現油的質感對效果都有影響 LUCIDO-L 輕柔亮澤美髮油同樣含有摩洛哥堅果油 以有如深海10,000米高壓處理 令護髮油更易於推開，更能滲透髮絲! 60ml都幾大支~ 具有防紫外線配方及抗熱力配方 更調配出有層次的淡淡花香! 使用前先在手上擠出護髮油 相比我用過都護髮油 LUCIDO-L 質感比較輕盈 未推開就已經想流走了! 然後就可以輕易地在掌心推開 頭髮內的水份其實是會流走的 正如肌膚一樣，都係需要好好補充水份架~ 所以頭髮都要著重抗熱同防止紫外線侵害! 以前我都傻下傻下咁吹完頭先用護髮油 其實係唔應該的.... 應該洗完頭先用毛巾印乾頭髮 跟手就要搽護髮油啦~ 為左再吸收得好D 我會再用毛巾包返住個頭焗一陣先~ 焗完就可以吹頭啦~ 平時吹完一頭亂草 先用LUCIDO-L護髮油再吹真係會比較貼服 吹乾後仲要用捲髮器 再搽多一次 記得唔好沾到頭皮 著重頭髮中段至髮尾 輕輕按摩以助吸收 做好抗熱打底! 然後就可以捲頭髮了! 經過捲髮器嘅熱力仍然好有光澤呢! 最後要幫頭髮定型~ 我比較鍾意用髮蠟 可以自然D LUCIDO-L 豐盈空氣感髮蠟升級版感覺冇以前咁粘手 就好似係厚一點的body butter一樣 我主要想hold住髮尾捲曲 將已捲好的髮尾順住曲度塗抹 再懶D就可以好似我咁揸埋一舊都得~ 有左LUCIDO-L呢2件髮寶 就可以輕鬆造出有光澤的亮麗髮型啦~ 再次多謝Fashion and Beauty及LUCIDO-L邀請~ 想知更多，請到： www.lucido-l.hk www.facebook.com/LUCIDOL.HK 我的專頁：www.facebook.com/whitericebeauty Instagram: whitericebeautynshop
