飯有飯癮,pizza有pizza癮,而我就係後者,久唔久就會好想好想食pizza。住於銅鑼灣嘅Mother of Pizza有好多pizza款式,食店門口可以望到廚房,睇住廚師sssss不停搓麵團、整pizza造型、出爐....賣相都好吸引!pizza有13“ & 18” 選擇,而且仲可以揀half & half。half & half即可以揀2隻味,於是揀咗:Summer of Love 1967 & Canadian原來13”好大吓!pizza熱辣辣,賣相好吸引,離遠都聞到好香!pizza介乎厚批同薄批之間Summer of Love 1967 有芝士、ham、肉腸,辣嘅,非常惹味!最正係用新鮮菠蘿!好甜!好juicy!食咗幾塊都唔覺得漏!Canadian: 有蕃茄、有三款芝士、肉腸、蘑菇。菇味好rich又夠乾身,雖然芝士有幾種,但又唔會好鹹。好食!pizza望落好似樣,但味道好有分別!餡料多,好juicy,但又唔會令批底變濕難handle,仲食到麵粉香,自己就好滿意喇!之後仲叫咗「意大利白酒肉腸意粉」 一放上枱聞到好香!!肉腸切開一粒粒似肉丸🤣 咬落有肉汁,又夠tender,好好食。 意粉煮得剛剛好,creamy得嚟又唔會好漏,食落有微酸,應該係白酒?!味道係吸引而唔係奇怪。呀!新鮮香草嘅味真係唔同啲!!推介呀!!‼️♿️ 食店門口有一級,輪椅朋友最好自攜斜板 室內都幾大,枱櫈又可以移動 大家有機會去試呀!睇吓啱唔啱你口味!.....Mother of Pizzas (銅鑼灣)銅鑼灣禮頓道13-19號地舖