水果系列刨冰會係你杯茶嗎? 呢杯黃到金(真係咁叫㗎!) 咪好sharp醒呢?尤其果一片金箔,真係好浮誇🤣店員一拎出嚟,坐隔離枱嘅女仔不斷嘩嘩嘩😅 其實佢係芒果冰,另外仲有一小杯芒果醬跟埋,一定要淋呀,芒果味會再豐富啲。最頂層嘅係豆腐奶蓋,的確有gimmick嘅。豆乳味好濃好濃,但感覺同芒果冰唔太match。中層有芒果,大大粒,甜喎! 仲有椰汁,香濃👍🏻 當冰不斷溶,又不斷食,最後就會變咗楊枝甘露!有齊西米、椰汁、芒果布甸,好似食糖水咁,幾得意!‼️♿️ 甜姨姨一共有2間 唯獨銅鑼灣分店嘅門口設有斜梯(街舖!) 輪椅朋友入去係方便嘅,不過食店擺枱有少少逼,排隊時最好同店員講聲,因為枱櫈可移動㗎!.... 甜姨姨私房甜品 (銅鑼灣)銅鑼灣耀華街11號地舖