《放工快煮系列》豚肉生薑燒 🐖最近好鍾意煮日式家常料理,一人前懶得煮太花巧嘅嘢。一般日式家常菜主要都係嗰幾樣基本材料,簡單易煮 👍🏻。呢個豚肉生薑燒又係一個快靚正放工快煮之選,15分鐘煮好!超級市場會有現成生薑燒汁買,不過自己mix都好簡單,唔洗專登又買一枝醬汁 😉。 更多中英食譜:FB:https://www.facebook.com/whatsboomaking2/IG: https://www.instagram.com/whatsboomaking/**日式豚肉生薑燒材料 (2人份):豚肉片 200g洋蔥 半個 切條日本椰菜 1/4個 切幼絲黑胡椒 隨口味生粉 適量生薑燒汁:日式醬油 1湯匙味醂 1湯匙日本料酒 1 1/2湯匙糖 1湯匙麻油2茶匙薑蓉2茶匙 做法:1. 豚肉用少許黑胡椒調味,薄薄撒上生粉。混合醬汁備用。2. 下油熱鑊,中火炒香洋蔥,加入豚肉煎香。倒入醬汁炒勻,中小火收汁至理想程度,試味再調味。配上椰菜絲,即成。